Israelek 26 aldiz hautsi du su-etenean adostua eta atxilotuek torturak salatu dituzte


2014ko irailaren 18an - 00:00
Azken eguneraketa: 2015-02-26 13:37:33
Palestinako emakumea, Israelek atxilotutako senideak askatzeko eskatzen irailaren 8ko protesta batean (Mohammed Asad / APA images)

Israelek ez du oraindik Gazaren gaineko legez kanpoko blokeoa bertan behera utzi, su-etenaren baldintzek ezartzen zuten arabera. Gainera, arrantzaleei lau alditan tiro egin die, eta sei arrantzale atxilotu dituzte. Su-etena hitzartu zutenetik 16 eta 22 urteko bi gazte hil dituzte.

Kalte materialak eragiten jarraitzen du Israelek, batez ere eraikinak eta etxeak suntsituz, eta, ondorioz, familiak etxerik gabe utziz. Gazara eramateko hornikuntzak gordetzen ziren etxe bat ere suntsitu dute.

Atxiloketak eta torturak

Gazako azken erasoa hasi zenetik atxilotutako palestinarren artean 24k oraindik atxiloturik jarraitzen dute. Askok torturak salatu dituzte, Issam Younis Gazako Al Mezan Giza Eskubideen aldeko zentroaren zuzendariak The Electronic Intifada guneari jakinarazi dionez .

Salatu dituzten torturak dira, besteak beste: jipoiak, hiru egunez lo egitea galaraztea eta posizio mingarrietan bilurtzea. “Euren etxeak suntsitu, senideak hil eta emazteak bortxatuko dituztela esanez ere mehatxatu ditu Israelek”, gehitu du Younisek.

Gazako erasoaldiak iraun duen bitartean Israelek 2.500 palestinar inguru atxilotu ditu, eta ez du hauei buruzko ia informaziorik eman. 2005etik Israel Borrokalari Ilegalen Legeaz (atxiloketa administratiboa) baliatu da palestinarrak kargurik eta epaiketarik gabe denbora zehaztugabez atxilotzeko.


Kanal honetatik interesatuko zaizu: Gazaren aurkako sarraskia
2024-04-21 | Mati Iturralde
Existitzen ez den herria

“Ez den herrian sortu ginen, eta geu ere, esan gabe, konprenitzen da ez garena garela”, Joseba Sarrionandia.

Askotan, nire buruari galdetzen diot zer gertatu ote zen Alemaniako jendarteak nazismoaren ondorioak ezagutu zituenean, hau da, horrelako komunitate... [+]


"Badira hartzea merezi duten arriskuak, genozidioa gelditu behar dugu"

Hiru militante euskaldun itsasoratuko dira Gazara bidean apirilaren 21ean, Turkiatik irtengo den Askatasunaren Ontzidian: Pili Revilla, Agus Gorbea eta Mikel Zuloaga ‘Mikelon’. Ostegunean hartu dute Bilbotik Istanbulera eraman dituen hegaldia, eta bi egun lehenago... [+]


2024-04-19 | ARGIA
Palestina NBEko kide izateari betoa jarri diote AEBek

33.000 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.


2024-04-19 | Axier Lopez
Palestina ez da NBEko kide izango, AEBak Israelekin lerratu direlako beste behin

Palestina NBEko estatu kide gisa onartzeko ebazpena ostegun honetan bozkatu dute Segurtasun Kontseiluan. Gehiengoa –12 boto– alde agertu bada ere, bi abstentziorekin batera, AEBen ezetza nahikoa izan da proposamena bertan behera uzteko.


Askatasunaren Ontzidiak blokeoa apurtu eta laguntza humanitarioa sartu gura du Gazan

Munduko dozenaka erakundek osatzen dute Askatasunaren Ontzidia eta bere helburua da 2007az geroztik Israelek Gazari jarritako blokeoa haustea. Iragan urriaren ondoren blokeo hori erabat areagotu da, eta flota horrek Gazara iristeko saioa egingo du datozen egunetan.


Eguneraketa berriak daude