“Askeak, ez ausartak” lelopean abiatu da Asun Casasola Ipuin Lehiaketaren seigarren edizioa
Indarkeria matxistarik gabeko jendartea irudikatzea helburu duten 1.000 ipuin baino gehiago jaso ditu urteotan Asun Casasola lehiaketak. Seigarren edizio honetan ere, indarkeria matxistaren kontrako borrokari ikuspuntu positibotik helduko dioten istorioak jasoko dituzte, “Askeak, ez ausartak” gaia abiapuntu.
2008ko Sanferminetan Nagore Laffage irundarra hil zuen Jose Diego Yllanesek, hark ezetz esan ziolako. Laffageren ama Asun Casasolak ordutik daraman borroka irmoaren omenez jaio zen ipuin lehiaketa.
Aurten, Emakumeen Mundu Martxari egin nahi diote keinu, eta Martxak migrazioaren irakurketa dekoloniala egiten duen modu berean, ipuin lehiaketak ere zubi izan nahi du zapalkuntza ezberdinei aurre egiten dieten istorioak idaztera gonbidatuz.
Ohiko moduan, euskaraz eta gaztelaniaz bidali daitezke idazlanak, gazte eta helduen kategorian.
Belaunaldi gazteak aliatu
Indarkeriarik gabeko jendartea lortzeko bidean, belaunaldi gazteenak aliatu bihurtzea du xede Asun Casasola Ipuin Lehiaketak, eta gazteengana hurbiltzeko gogoz kategoria berriak sortu zituzten moduan, berrikuntza batekin datoz edizio honetan: Oarso Bidasoa eskualdeko Haur Hezkuntzako, Lehen Hezkuntzako, Batxilergoko eta Lanbide Heziketako ikasleen parte-hartzea sustatzen duen Berdintasuna Amets egitasmoarekin elkarlanean ikastetxeetara eramango dute indarkeria matxistaren aurkako borroka. Aurrerago azalduko dituzte zehaztasunak.
Ipuin lehiaketaren nondik norakoez informazio zehatza eskuragarri duzue webgune honetan.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
85 urteko gizonak bere emaztea hil zuen uztailean, eta Poliziaren ikerketaren ondoren behin-behineko espetxealdian zegoen. Orain, Nafarroako Auzitegiko Bigarren Atalak esan du gizonak "ageriko narriadura kognitiboa" daukala eta "zaurgarria" dela.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Getariako txosnagunean eta Aian egin dute elkarretaratze isila. Jai batzordeak txosnak itxi zituen.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
Emakumea hilda aurkitu dute bere etxean. Senarrak, 85 urteko gizonak, emakumearen heriotzaren berri eman du, Polizia bertaratu denean diskurtso inkoherentea zuela ohartu eta atxilotu egin dute.
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Instagrameko @denuncias_euskalherria kontuak publikatu ditu hainbat salatzaileren mezuak. Horietan salatu dute bi talde horien baxu jotzaileak haren bikotekide ohiak fisikoki eta psikologikoki eraso izana