“Arrotxapeko osasun etxean inbertitzea nahi dugu”
Baliabide eta langile falta salatu du RTX auzolan egitasmoak: “Hilabete bateko itxaron zerrendak ditugu”.
Iruñeko Arrotxapea auzoko bizilagunen eskubideak defendatzeko RTX auzolan egitasmoa sortu dute bizilagunek. “Ikusi genuen auzokideen eskubideak urratzen ari zirela, eta hala nola etxebizitza eskubidearen alde eta osasun publikoaren alde borrokatzen hasi ginen”, azaldu du Eneritz Estebanek, RTX auzolan egitasmoko kideak.
Langile gehienak bajan daudenez eta ordezkorik jartzen ez dutenez, geroz eta baliabide gutxiago dituzte pertsonak artatzeko eta itxaron zerrenda “luzeak” dituzte: “Medikuarekin telefonoz hitz egiteko hilabete bateko itxaron zerrenda dago”. Gaineratu du, telefonoz zein internetetik hitzorduak hartzeko zailtasunak dituztela: “Prozesua arintzearren internetetik egiten dugunean, sei hilabete itxaron behar dugu medikuarekin telefonoz hitz egiteko, eta aurrez aurre egon ahal izateko are gehiago”.
26.000 pazienterentzako 60 langile
Osasun etxearen arreta “urriaren” ondorioz, erabiltzaile batzuk langileen kontra oldartu dira, eta batek pasa den asteburuan bi langileri eraso egin zien. Osasun arloko langileek egoera salatzeko elkarretaratzea egin zuten, eta nabarmendu zuten “ahalik eta hobekien” egiten dutela lan: “Arrotxapeakoa Nafarroako osasun etxerik handiena da, 26.000 paziente artatzen ditugu, 60 langile izanik”.
Erasoen ondorioz, segurtasuna jarri diete langileei, baina Estebanen ustez “adabaki” bat da: “Hori ez da konponbidea; arreta desbideratzea, eta arazoa segurtasuna dela esatea da”.
Segurtasunean inbertitutako dirua langileen kontratazioetara bideratu beharko luketela uste du: “Diru gehiago inbertitu beharko lukete langileetan eta medikuen ordezkapenetan; hau da, gure osasun etxean inbertitzea nahi dugu”.
Elkarretaratze batekin hasi ziren osasun etxearen egoera salatzen, eta harrera “ona” izan zuenez, manifestazio bat egin zuten pasa den astean. Hurrengo urratsa auzokideak saretzeko asanblea ireki bat izanen da, baina oraindik ez daukate datarik: “Borrokan jarraituko dugu kalean”.
Osakidetzako lan eskaintza publikoen eredua "berrikustea" eta kontsolidazio prozesuak "bukatzea" galdatzen duen ekimen parlamentarioa adostu dute hiru alderdiek.
Euskal Kostaldeko ospitaleko zuzendaritzak aurkeztu duen lan denboraren berrantolaketa proiektuaren salatzeko, intersindikalak mobilizaziorako deia egin zuen asteartean. Berrantolaketa proiektu horrek 2002an sortutako hitzarmena hausten duela diote sindikatuek, besteak beste RTT... [+]
Bi urte igaro dira Espainiako Estatuan funtsa sortzeko legea onartu zutela, baina Pedro Sánchezen gobernuak oraindik ez du araudirik garatu eta ez du aurrekonturik funtsa diruz hornitzeko. Espainiako Kongresuan talde politiko guztiek aho batez eskatu diote, berriz ere,... [+]
Osakidetzako administraria eta ZIU mugikorreko medikua dira Sara Ruilope eta Uruko Blanco, hurrenez hurren. Osakidetzako Larrialdi Zerbitzuen egoeraren inguruan hausnartu dute Aiaraldea Komunikabidearekin.
Elizondoko osasun etxeko medikuaren bulegoan ez da medikurik izan gaur. Lehen eguna dute herrian sendagilerik gabe eta kezkatuta daude. Bizilagunak Baztango Osasun Plataforman batzartzen hasiak dira eta asteazkenetan protesta egiten dute kalean egoera salatzeko.
Amarengandik hurbil bizitzea gustatzen zaie. Ez dira urrutira joango santio-belarraren (Jacobaea vulgaris) haziak, eta haiengandik jaiotako landareak, familia osoa, amaren eta amonaren aldamenean hazi eta biziko dira. Familia tzarra, izan ere landare bakoitzak sasoi batean... [+]
"Kaixo Garbiñe! Asko gustatzen zait egiten duzuna. Ugalkortasunarentzat sendabelar baten bila ari naiz baina zure liburuan ez dut aurkitu. Bizi naizen lekuan inork ez daki horri buruz”. Mezu hori jaso nuen hilabete dela Instagrameko pribatutik eta eragin... [+]
Osatu dira, horretarako bitartekoak jarri, eta nahiko azkar. Ze lasaitua, dena isildu denean. Baina balantza handia izan da, eta begien atzean izu bat gehiago pilatu zaie, uneren batean pentsatu dutelako, gainera, agian, ez zirela inoiz itzuliko, edo ez guztiz. "Pasa... [+]
204 lagunek beren buruaz beste egin zuten iaz Hego Euskal Herrian, datu ofizialen arabera. Suizidatzeko arriskua izan dezakeen jendearen jarraipenean jartzen dute indarra administrazioen protokoloek. Suizidioaz egoki informatzearen garrantzia ere azpimarratu dute, Suizidioa... [+]
Imanol Pradales lehendakariak eta Alberto Martínez sailburuak gidatuta ostegun honetan bildu zen Bilbon osasun publikoari buruzko mahaia. Bertan izan ziren, halaber, osasunaren sektoreko eta euskal gizarteko eragile ugari.
Astelehen arratsalde eta gauean ez zen medikurik egon Laudioko Etengabeko Arreta Gunean. Irailean ere ez da bermatuta egongo mediku baten presentzia egunero Laudio eta Amurrioko Etengabeko Arreta Guneetan, gabezia aurreko hilabeteetan bezain nabarmena izango ez den arren.
Udaldian, erretiratuok ez ohi dugu opor goserik, eta patxadaz aztertu ahal ditugu gure inguruko gorabeherak. Hori dela-eta, gai batzuek harriduraz harrapatu naute, eta honako hauek dira.
Espainia. Eurokopak eta Olinpiar Jokoek uda osoa bete dute. Aldez aurretik, esan behar... [+]
Espainiako Estatuan 1.386 pertsona hil dira gehiegizko beroagatik abuztuan –iazko abuztuan baino %3 gehiago–, Osasun Ministerioaren Carlos III. Institutuak emandako datuen arabera. Araba, Bizkaia eta Gipuzkoan 44 lagun hil dira, eta Nafarroan 22.