“Gu atxilotu gintuzten ETA Euskal Herriko ekuazio politikotik ez ateratzeko”
Bateraguneko auziko auzipetuen izenean hitz egin du Arnaldo Otegi EH Bilduko koordinatzaileak eta poza agertu du Espainiako Auzitegi Konstituzionalak auzia ez errepikatzea erabaki duelako. Estatuko herrien askatasun nahia modu demokratikoan bideratzeko deia egin dio Espainiako Estatuari.
Arnaldo Otegik aitortu du euskal independentistak ez daudela ohituta Espainian auziak irabaztera eta oso pozik daudela, baina erabakia “hamabost urte berandu etorri da”. Orain Katalunian ikusten ari den moduan, lawfare auziak oso ugariak direla aipatu du, baina hori Euskal Herrian oso aspaldikoa dela eta ezker abertzalearen aurka egon zen ilegalizazio estrategia hori izan zela aipatu du: “Hori jazarpen politikoa da, estatu biolentzia”.
Eta zertarako auzipetu zituzten Bateragune auzian?: “Gordin esango dut: gu atxilotuak izan ginen ETArik gabeko eszenatoki berri bat eragozteko”. Horrez gain, azpimarratu du horrekin ezker abertzalearen etorkizuneko potentzialitatea neutralizatu nahi zutela, baina ez dutela lortu, “gaur egun, hamabost urte ondoren, ezker independentista Euskal Herriko lehen indar munizipalista da. Beraz, porrot egin dute eta pozten gara horregatik”.
“Dena egin dute independentismoa gelditzeko”, aipatu du Otegik, Pere Aragonès Kataluniako Generalitateko lehendakariak esandakoari aipamen eginda. Euskal Herriko eta Espainiako Estatuko independentismoak demokraziaren aurkako bideetatik eragozten saiatu direla ere esan du, baina ez dutela lortu. Hori dela eta, dei egin dio estatuari bertan diren arazo nazionalei irtenbide demokratikoa emateko, “errepresio eta lowfare-ak” albo batera utzita: “Euskal nazioei eta beste nazioei hitza eman behar die estatuak, eta haien erabakia onartu eta errespetatu”.
2021eko urriaren 18an Ezker Abertzaleak egindako adierazpena ere baloraziora ekarri du: “Orduan esan genuen sekulan ez zela gertatu behar hemen izandako sufrikarioa”. Aitortu du sufrimendua eragin zutela, baina ez zirela bakarrak izan horretan, beste batzuek ere sufrimendua eragin zutela, baina oraindik ez dutela horren inguruko aitortzarik egin: “Noiz onartuko duzue ardura hori publikoki?”. Azaldu du ez diola hori zigor alorrean jazarpenik planteatzeko, baizik eta bizikidetzan urratsak emateko.
Auzitegi Konstituzionala: zazpi alde, lau aurka
Asteazken honetan hartu zuen auzia ez errepikatzeko erabakia Espainiako Auzitegi Konstituzionalak, Juan Carlos Campo auzitegiko magistratuak hala proposatu ondoren. 2018an Estrasburgoko Giza Eskubideen Auzitegiak ebatzi zuen auzipetuei ez zitzaiela bidezko prozesua bermatu.
Horren ondorioz, Espainiako Auzitegi Gorenak erabaki zuen epaia errepikatu behar zela. Auzipetuek erabaki horri helegitea jarri zioten Espainiako Auzitegi Konstituzionalean, eta honek orain erabaki du ezin dela pertsona bat delitu beragatik bi aldiz epaitu. Hamaika magistratuk osatzen dute Auzitegi Konstituzionala, eta zazpik epaia ez errepikatzearen alde egin dute eta lauk aurka. Horrela itxi da 2011an hasitako auzia. Orduko zigorraren ondorioz, Arnaldo Otegi, Arkaitz Rodriguez, Sonia Jacinto, Miren Zabaleta eta Rafa Diezek sei eta hamar urte artean iragan dituzte espetxean.
Etengo du. Hori da kaskora supituan etorri zitzaidan pentsamendua, gosaria ahoan eta Euskadi Irratia sintonian, Imanol Pradales lehendakaria entzun nuenean CAF “gogoeta etikoa” egitera gonbidatuz, Palestinako lur okupatuetan trena eraikitzeko duen kontratua eten edo... [+]
Palestinarekin Elkartasunak manifestazio nazionala antolatu du urriaren 4rako. Ostiral honetan Euskal Herriko 130 udaletxeren aurrean protestatzera deitu du Gernika-Palestina ekimenak.
Hondarribiko udal gobernuaren “ausardia faltaz”, kontsentsua bilatzearen tranpaz eta “gatazkaren espiritua berpiztu” nahi duen alarde tradizionalaren aldeko elkarteaz mintzatu zaigu Uxoa Anduaga, Jaizkibel konpainia berdinzaleko kidea. “Ez dira... [+]
Donostiako epaitegi batek aurretik emandako epaia berretsi du EAEko Justizia Auzitegi Nagusiak. ELAk eta LABek mobilizazioa antolatu dute ostiralerako, eta Euskalgintzaren Kontseiluak bat egin du.
50 urte dira Francoren diktadura garaiko azken bost fusilamenduetatik. Jon Paredes, Txiki eta Angel Otaegi ETAko kideak, eta Sánchez Bravo, Humberto Baena eta Ramón García Sanz FRAPekoak. Txikiren abokatuetakoa izan zen Magda Oranich, mende erdia eta gero... [+]
UPNk salatu du Nafarroan eskuin muturreko taldeen eta Poliziaren indarkeria aztertzen duen batzordeak ia edonor hartzen duela biktima gisa. María Chivite lehendakariak erantzun dio Poliziak egindako abusuen salaketak asko izan direla eta denboran hainbat garaitan... [+]
Kontratua segi ala eten, enpresaren erabakia "errespetatuko" lukeela argi utzi nahi izan du Imanol Pradales lehendakariak, Euskadi Irratiari egindako elkarrizketan. Beasaingo enpresaren akzioen %3ren jabe da Eusko Jaurlaritza.
Baionako Herriko Etxearen jabetzapean, eraikinak bost urte daramatza hutsik, eta espazio hori hartu du Ipar Euskal Herriko Kontseilu Sozialistak, “elkartzeko, kolektiboki pentsatzeko eta borrokak antolatzeko”.
Pentsioak osatzeko 145.000 sinadura bildu dituen herri ekinaldi legegilea eztabaidatzeari ezezkoa eman ondoren, Euskal Herriko Pentsiodunen Mugimendua oso gogor agertu da Eusko Jaurlaritzaren jarrerarekin eta "bi aldiz engainatuta" sentitu direla azaldu du. EH Bilduk eta... [+]
Gatazka politiko bat egon da azken 60 urteetan Euskal Herrian, eta horrek izan du bere bertsio biolentoa, ETAk bideratu duena, zeinari Espainiako Estatuak errepresioz eta estatu-terrorismoz erantzun dion. Sei hamarkadetan, ordea, biolentzia horiek ez dira berdin ikusi izan... [+]
Europan eta munduan arrazakeria gora doa, eta Euskal Herria ez dago joera horretatik salbu. Egun, herritarrak eta jendarteak eskuin muturraren baloreak bere egiteko bide nagusietakoa da arrazakeria. Arazoaren larritasunari tamaina hartzen saiatu gara, eta aztertu ditugu zenbait... [+]
Maiatzean 145.142 sinadura aurkeztu zituen Euskal Herriko Pentsiodunen Mugimenduak Gasteizko Legebiltzarrean, pentsioak gutxieneko soldatarekin parekatzeko proposamen baten alde. Pentsioak jasotzen dituzten pertsonentzako babesa “dagoeneko sisteman txertatuta”... [+]
Argentinako hainbat hedabidek Desgaitasun Agentzia Nazionalaren buru den Diego Spagnuoloren audioak zabaldu dituzte. Argentinako Gobernuan eroskeria dagoela aitortu eta azaldu du horietan Spagnuolok, eta ustelkeria kasu horren buruetako bat Argentinako presidente Javier Mileiren... [+]
Flamenco On Fire jaialdian ospatu dute ijito komunitatearen, flamenkoaren eta pilotaren arteko harremana. Iruñeko Alde Zaharreko Mañueta pilotalekuan antolatu dute jaialdia, eta bertan omenaldia egin diete lau pilotari ijitori.