Armentia-2 putzuaren amaiera ospatu eta trantsizio energetikoaren alde mobilizatzera deitu du Berriztu!-k

  • EAJk eta PSEk Araban azken unera arte proiektua babestu dutela salatu du mugimenduak, eta Madrilen onartutako legeak behartu dituela atzera egitera, baina bestelako “proiektu suntsitzaileak” bultzatzen jarraitzen dutela bi alderdiek. Arabako jendartea lorpenagatik zoriondu eta “benetako” trantsizio energetiko baten alde borrokan jarraitzera deitu ditu herritarrak.


2021eko apirilaren 12an - 15:30
Argazkia: Berriztu.

Gasteizko Udalerriko Armentia-2 putzuaren garrantzia azpimarratu du Berriztu! mugimenduak, ustiatzeko proiektua behin betiko bertan behera gelditu dela jakin ostean argitaratu duen prentsa oharrean. “Amets gaizto baten hasiera besterik ez zen, ondoren euskal lurraldean ehunka putzu egin ahal izateko”.

Trantsizio energetikoaren aldeko talde ekologistak Arabako EAJ eta PSE kritikatu ditu, urtetan “Arabako jendartearen gehiengoaren iritziaren kontra” lehenago frackinga eta ondoren gas erauzketa bultzatzeagatik: "Green Capital", "Larrialdi klimatikoa", eta "herritarren parte-hartzea" bezalako ideiak saltzen dizkigute, baina herritarrek errefusatutako erregai fosilen alde egin dute azken momentura arte, energia berriztagarrietan oinarritutako trantsizio batean inbertitu beharrean”.

Mugimenduaren ustetan Espainiako Klima Aldaketaren eta Trantsizio Energetikoaren Legeak behartuta egin dute atzera EAJk eta PSEk lurrazpiko gasa ustiatzeko asmoan. “Baina beraien proiektu suntsitzaileekin jarraitzeko asmoa erakusten jarraitzen dute; eolikoen proiektu basatia, Abiaduraren Handiko Trena, Erraustegia, Hidrogenoaren Euskal Korridorea eta abar”. Azken hamar urteetan Eusko Jaurlaritzaren Euskadiko Hidrokarburoak (SHESA) sozietateak diru publikoko 80 milioi euro "galdu" dituela salatu du mugimenduak, bere "desegitea" eskatuz.

Trantsizio energetikorako garaia

“Benetako” energia eredu “jasangarri” batera trantsizioa egiteko unea dela ziurtatu du Berriztu!-k, bestelako eredu energetiko bat posible dela azpimarratuz. Arabako jendarte osoa eta urteotan horren alde kalean zein erakundeetan lan egin duten kolektibo eta alderdiak zoriondu ditu, eta herritar guztiak gonbidatu mobilizatzen jarraitzera.


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
#5
Azoka
Kanal honetatik interesatuko zaizu: Hidrokarburoak
Repsolek 2.500 milioi euro baino gehiago irabazi du, aurreko urtean irabazitakoaren bikoitza

Krisi energetiko betean, Repsolek 2.539 milioi euro irabazi du lehen seihilekoan. Aurreko urtean, epe berdinean, 1.235 milioi euro irabazi zituen, aurten irabazitakoaren erdia baino gutxiago. Hidrokarburoen prezioaren igoerak bultzatu du besteak beste irabazien puztea.


Mikel Otero
"EAJk ez du astirik lurrazpiko gasaren esplotazioa garaiz hasteko"

Mikel Otero Gabirondo Arabako EH Bilduko legebiltzarkide da 2016. urtetik, eta koalizioaren Ingurumen eta Energia idazkaria. Politika energetikoari dagozkion gaiak hurbiletik jarraitzen ditu, eta horien artean dago Arabako Sunbillako Armentia-2 putzuarena, Gasteizko Udalerrian... [+]


2020-11-18 | ARGIA
Dieselari zergarik ez igotzea eskatu du EAJk Espainiako aurrekontuak onartzearen truke

EAJk 85 zuzenketa jarri dizkio Espainiako Gobernuak aurkeztutako aurrekontuei eta dieselaren zergaren gaia jarri du erdigunean, PSOE-UP koalizio-gobernuak jeltzaleen babesa jasotzeko.


2020-08-18 | Mikel Eizagirre
AEBetako Gobernuak Artikoko erreserba naturala petrolio ustiapenera bideratuko du

Alaskako Artikoko Baso Bizitzaren Babesleku Nazionala petrolio-ustiapenarentzat irekitzeko plan bat onartu du, eta litekeena da urtea amaitu baino lehen kontzesioak esleitzea. Neurri horrek ingurumen taldeen gaitzespena eragin du, eskualdeko biztanleria indigena, animaliak eta... [+]


2017-09-05 | Unai Brea
Greenpeaceko lau kide atxilotu dituzte A Coruñan, ikatz kamioi baten deskarga oztopatzeagatik

Greenpeaceko hainbat aktibistak A Coruñako portuan dagoen Medusa ikatz-biltegiaren sarrera blokeatu dute astearte goizean. Modu horretan, bertara zihoan Gas Natural-Fenosa konpainiaren –hura da biltegiaren jabea– kamioi batek bere zama hustea eragotzi dute... [+]


Eguneraketa berriak daude