Armada sionistak “geldialdi taktikoak” hasi ditu Gazako errepide nagusian, Netanyahuren iritziaren aurka
UNRWAk salatu du erasoek jarraitzen dutela Rafah-n eta ez direla aldatu operazio militarrak. Netanyahuk gerra kabinetea desegin du, dimisioen ondorioz.
Israelgo Armadak jakinarazi du egunean 11 orduz “geldialdi taktikoa” egingo dutela, hau da, ez dutela erasorik egingo Gaza hegoaldea eta iparraldea lotzen dituen errepidean, “laguntza humanitarioaren garraioa errazteko”. Benjamin Netanyahu lehen ministroak adierazi du “onartezina” dela armadaren erabakia, eta planaren aurka agertu da. Aditu batzuen arabera, agerian geratzen ari dira Netanyahu eta agintari militarren arteko desadostasunak.
UNRWAk salatu du erasoek aurrera jarraitu dutela, bai Rafah-n bai Gazako beste hainbat zonaldetan, armadak geldialdiak iragarri ondoren ere. Israelen operatiboan “oraindik ezer ez dela aldatu” ohartarazi du nazioarteko erakundeak. Armada sionistak berak argitu du “operazio normalak” mantenduko dituztela Rafah-n, Gaza hegoaldean.
Rafah-ren aurka ari da oldartzen gehien Israel azken asteetan. Larunbatean zortzi soldadu israeldar hil dira bertan, eta dozenaka palestinar hil eta ehunka zauritu dituzte. Azken sei asteetan 1,3 milioi pertsonak ihes egin behar izan dute Rafah-tik. UNRWAk jakinarazi du 65.000 pertsona gelditzen direla Rafah-n, “duela sei aste 1,4 milioi inguru ziren”. Urritik 37.347 pertsona hil dituzte sionistek Gazan, eta 85.372 zauritu, azken datuen arabera.
Gerra kabinetea desegin du Netanyahuk
Genozidioaren hasieran, Hamasen urriaren 7ko erasoen ostean, gerra kabinetea osatu zuen Netanyahuk, Benny Gantz aurkari politikoa eta beste agintari batzuekin batera, “batasun nazionala” irudikatu nahian. Azken astean, baina, Gantzek eta kabineteko beste kide batek dimisioa aurkeztu dute, lehen ministroarekin desadostasunak argudiatuta Gazan jokatzeko moduari buruz eta, batez ere, “gerra” osterako plan faltagatik.
Kabineteko kide horien dimisioaren ostean presioak jasan ditu Netanyahuk, eskuin muturreko ministroak sartu zitzan gerra kabinetean. Bezalel Smotrich eta Itamar Ben-Gvir ministroek, biek eskatu dute bertan parte hartzea. Baina Netanyahuk kabinetea bera desegitea erabaki du, argudiatuta Gantz eta “zentristak” gabe ez duela zentzurik tresna hori mantentzeak. Hemendik aurrera gertuko talde txikiago batean erabakiko ditu Netanyahuk genozidioaren nondik norakoak. Hainbat adituren arabera, ez da aldaketa handirik espero kabinetea desegin ostean ere.
Uztailean Keir Starmerren gobernuak erakunde "terrorista" gisa izendatu zuenetik, Palestine Action taldearen aldeko mezuak erakusteagatik ehunka lagun atxilotu dituzte. Larunbatean manifestazioa antolatu dute Londresen eta beste mila pertsonatik gora atxilotzeko... [+]
2010ean "Mavi Marmara" itsasontzia abiatu zenetik, Palestinarekiko elkartasun itsas operaziorik handiena osatzen du Global Sumud Flotillak. Israelgo Gobernuak terroristatzat jo ditu nazioarteko ekintzaileak.
“Israelgo Estatuaren enbaxadore” gisa datozen txirrindulariei parte hartzen uzteagatik, zale ugarik protesta egin du Vueltaren aurka, hamargarren etapan. Irunberrin, errepidea mozten saiatu diren herritarrak baztertu eta bi pertsona identifikatu ditu Poliziak.
Oporretan nengoela, gorputza eta burua gozatzera bideratu ditut. Turista bilakatu naiz, eremu digitalean zenbait trebezia dugunontzat, oso erraza. Motxila hartuta familiarekin handik hona ibili naiz, poltsikoan dibisa asko barik, mapa fisiko barik, plan asko barik…... [+]
.jpg)
Israelgo Gobernuaren esanetan, bere subiranotasunaren aurka eta Hamasen alde dago Global Sumud Flotilla egitasmoa. Hortaz, esku hartze gogorrak iragarri ditu.
Kufiya palestinar zapia eramango du Jaizkibel konpainia berdinzaleko kide ugarik, Hondarribiko jaien egun nagusian, Palestinarekiko elkartasuna ikusarazteko. Jaiak eta politika ez nahasteko diotenen aldean, “jaiak ere badira justizia eta eskubideak adierazteko plaza... [+]
Igande arratsaldean irten da Bartzelonako portutik Palestinaren aldeko inoizko ontzidirik handiena: 30 itsasontzi inguru eta 300 bat ekintzaile, Gaza helburu, blokeoa apurtu eta genozidioa salatzeko. Bidean ontzi gehiago batuko zaizkie Mediterraneoko hainbat portutatik. Gauean... [+]
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Informazioaren arloko dozenaka profesional bildu dira ostegun arratsaldean Iruñeko Gazteluko Plazan, Gazan kazetari lanetan ari direnen aurka Israelgo armada egiten ari den sarraskia salatzeko.
Bigarren aldiz gelditu dute Katalunian Espainiako Vuelta Israel-Premier Tech taldearen parte-hartzea salatzeko. Hainbat pertsonak Palestinako banderak atera dituzte eta txirrindularien bidea oztopatu dute Oloten.
Gazako osasun zentro nagusia bonbardatu du Israelek. Hildakoen artean bost kazetari daude, Reuters, AP, Al Jazeera eta NBCkoak.
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
Global Sumud Flotillak deituta, dozenaka ontzi itsasoz ahaleginduko dira Israelek ezarritako blokeoa hausten. Ekimenera mundu osoko aktibistak batu dira, tartean lau euskal herritar. Deialdiari babesa adierazteko, Gazarako Mugimendu Globaleko Euskal Herriko delegazioak hainbat... [+]
Ontzidia abuztuaren 31n irtengo da Bartzelonatik. Euskal Herriko lau kide joango dira bertan, munduko beste 40 herrialdeetako solidarioekin batera.
AEBetako Estatu idazkari Marco Rubio astelehenean biltzekoa da Israelgo atzerri ministro Israel Katzekin, su-etenerako akordioez mintzatzeko. IPC Jakien Segurtasunaren Faseen Sailkapen Integratuak agentziak ostiralean kaleratutako txosten batek ohartarazi du Gazan gosete... [+]