ARGIA.eus

2022ko irailaren 25a

Arkaitzerrekako urarekin hazitako letxugak, Gipuzkoako Aldundiko agintariei "oparitzeko"

  • Erraustegiaren Aurkako Mugimenduak Zubietako planta ondoan dagoen errekako urarekin hazitako barazkiak "oparitu" nahi izan dizkiete Gipuzkoako Foru Aldundiko agintariei, toki horretan izandako isuri kutsagarriak argitu daitezela eskatzeko.

Arkaitzerrekako urarekin "ondu" dituzte letxugak Donostiako Gipuzkoa Plazan (argazkia: EAM)
Urko Apaolaza Avila @urkoapaolaza
2022ko abuztuaren 16a

Zubietako lurretik hazitako letxugak Gipuzkoako Foru Aldundira eraman eta Arkaitzerrekako urarekin "ondu" dituzte  Erraustegiaren Aurkako Mugimenduko (EAM) kideek astearte honetan, foru agintariei "oparitzeko". Eneko Goia Donostiako alkatearentzat, Jose Ignacio Asensio GHK partzuergoko lehendakariarentzat eta Marisol Garmendia ingurumen diputatuarentzat ziren letxuga horiek, besteak beste. Baina "ez dituzte hartu nahi izan".

Modu horretan salatu nahi izan dute oraindik argitu gabe daudela Zubietako erraustegiaren azpitik igarotzen den errekan uztailean izandako isurien jatorria. "Olano jauna: zer gertatzen ari da erraustegian?" pankarta zabaldu dute Diputazioko Jauregiaren aurrean mugimenduko kideek.

Pasa den uztailaren 13an atzeman zuten kutsadura Arkaitzerrekan, ARGIAk ezagutarazi zuenez, eta hainbat egunez ura kolore nabar batez kutsaturik jaitsi zen erraustegitik behera. Erraustegia kudeatzen duen GHKren esanetan erraustegitik ez da isuririk sortu, nahiz eta ez duen argitu isuria nondik datorren. URA agentziak berriz, ez ditu harturiko laginen emaitzak oraindik publiko egin.

Usurbilgo Udalak eta EAMeko kideek euren kabuz harturiko laginen lehen emaitzek, baina, baieztatu dute erreka oso kutsaturik jaitsi dela, 2020 ehunka arrain hil zituen isuria baino gehiago seguruenik. Beste hainbat elementuren artean, metal astunak ere aurkitu dituzte lagin horietan. Guardia Zibila isuri hori ikertzen ari dela jakinarazi du GuraSOS elkarteak. Hain justu, duela bi urteko isuriarengatik fiskaltzak inputaturiko lagunek irailean deklaratu beharko dute epaile aurrean.

Donostiako Udaleko –erraustegia bere lurretan dago eraikia– zein Gipuzkoako Aldundiko arduradunek ez dute orain arte adierazpenik egin auzi honen inguruan. "Isilik egon diren agintari" horientzat eraman dituzte letxugak errausketaren kontrako kideek, hain zuzen.


Gipuzkoako erraustegia kanaletik interesatuko zaizu...
Zubietako erraustegiaren egoera Europako Parlamentura eramango du Ezker Anitzak

Errauste plantaren transformadorea matxuratu ondoren, Zubietan hondakinak energiarik sortu gabe erretzen ari direla salatu du GuraSOS elkarteak. Ezker Anitza-IUren aburuz, horrek erakusten du Gipuzkoako Ingurumen Gunea “bluf” bat dela eta Europako Parlamentura... [+]


GuraSOSek dio erraustegia zaborra erretzen ari dela energiarik sortu gabe

Agerraldia egin du asteazken goizean GuraSOS plataformak, Zubietako errauskailuan izan den matxura baten berri emateko. Plataformaren arabera, transformadorearen “behin betiko” matxura baten ondorioz, ez da energia sortzen ari, zaborra erretzen ari den bitartean.


Zubietako isuriak txukatzeko, Spontex

Eskerrak norbait erne ibili zen Zubietako sarkofagoan 2022ko irailaren 6 hartan eta gutxienez agertokia pittin bat txukundu arazi zuen. Abuztuaren 18an, Errausketaren Aurkako Mugimenduak Facebooken publikatua zuen bideotxo bat erreka kutsatua erakutsiz zioena:... [+]


2022-08-01 | Zero Zabor
Guardia Zibila Arkaitzerreka ikertzen izan da berriro, erraustegiko azken kutsaduraren harira

GuraSOSek jakinarazi duenez, duela bi asteko kutsaduraren harira, Guardia Zibileko Sepronako agenteak Arkaitzerrekan izan dira uztailaren 19an, errekaren ingurua ikertzen. 2020an ehunka arrain hil zituen erraustegiko isuriaren auzian, delitu ekologikoa egin zuten ikertzeko... [+]



Irakurrienak
Argia buletina
Egunaren laburpena
zure e-postan
Eguneraketa berriak daude