Ardi haragi debekatua aurkitu dute Spangheron
Okzitaniako Castelnaudary hiriko Spangheroren lokaletan 57 tona ardi haragi atzeman dute, Britainia Handitik ekarriak. Haragi hori inportatzea debekaturik dago kasu gehienetan, eta ondorioz, Lur Berri jabe duen filiala berriz ere susmopean dago, zaldi haragiarekin arazoak izan ostean.
aurre egingo dieten hedabide independenteak
RTL webgunearen arabera, ez da ziurra Spangheroren egoitzan aurkituriko haragi hori merkaturatua izan denik, baina Barthélémy Aguerre enpresako presidenteak esan du berriz ere hornitzaileek engainaturik izan direla.
Ardikiaren laginak duela hilabete eskuratu zituzten eta auzia Pariseko Osasun Publikoaren buruaren eskuetan geratu da.
Zaldikiarekin gertatutakoari buruzko erreportaje zabala eskaini zion ARGIAk 2.361. zenbakian. Irakurri Pello Zubiriak sinatutako "Neoliberalismoaz ikastaro trinkoa Amikuzen".
