Emakumeak borrokan
Arantxa Tapia

"Turismoa ezin da izan manifestazioak egiteko aitzakia"

  • Ernaik abuztuaren 17an Donostian turismo eredu honen kontra deitutako manifestazioak zenbait alderdi eta agintariren  gaitzespen eragin ditu. Hedabideek abiatutako kanpainara gehitu dira Arantxa Tapia eta Denis Itxaso, besteak beste.

Xalba Ramirez @xalbaram
2017ko abuztuaren 04a

“Turismoa ezin da izan manifestazioak egiteko aitzakia.Turismoaren kontra manifestatzen direnak ez gaituzte ordezkatzen”. Ernaik deitutako manifestazioari erreferentzia eginez egin ditu adierazpenok Eusko Jaurlaritzko Ekonomiaren Garapen eta Azpiegitura sailburu Arantxa Tapiak, “uda guztietan manifestazioak egiteko aitzakia bilatzen duten taldeak dira”.

Ostiral goizean Radio Euskadi-n elkarrizketatu dute Tapia. Bertan, turismoaren gaiaz galdetuta, “agintariak turismo jasangarri baten aldeko lana” egiten ari direla azpimarratu nahi izan du, baina arazoa ez dela hainbestekoa: “Donostia ez da Bartzelona eta ez dago masifikatuta”.

Denis Itxasok ere zuzenean salatu zuen Ernaik deitutako mobilizazioa “urrezko arrautzen oiloarekin kontu handia izateko” eskatuz –turismoari erreferentzia eginez–. Manifestazioa “akats larria” dela gaineratu du. Ernaik kartel batekin erantzun dio.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Turismo masiboa  |  EAJ  |  PSE-EE  |  Eusko Jaurlaritza  |  Ernai

Turismo masiboa kanaletik interesatuko zaizu...
Azkenak
EGILEA
Eguneraketa berriak daude