Arran eta Ernai jo-puntuan jarri dituzte hainbat hedabidek turismo eredua salatzeagatik

  • Azken asteetan hainbat ekimen egin ditu Arran gazte erakundeak turismo masiboa salatzeko Herrialde Katalanetan. Prentsan oihartzun handia eman diote ekimenei eta adibidez, El País egunkariak osteguneko azaleko albiste nagusi egin du berria. Eguerdi partean Espainiako hedabide nagusiek Ernairi buruzko artikuluak idatzi dituzte.

Xalba Ramirez @xalbaram  |  Lander Arbelaitz @larbelaitz
2017ko abuztuaren 03a
Arranek hainbat bengala piztu eta turismo masiboaren aurkako pankartak ireki zituen Mallorcako kirol portuan.

Ostegunean eguerdian, Espainiako egunkari ugari egungo turismo ereduaren aurka hainbat ekintza egin izan dituen eta Donostiako Aste Nagusirako manifestazioa deitua duen Ernairi buruz idaztera igaro dira. Hemen hainbat adibide:

  • Los 'abertzales' se unen a la campaña antiturismo de los radicales catalanes (El Mundo)
  • Los radicales vascos anuncian una campaña contra el turismo en San Sebastián (El País)
  • La izquierda 'abertzale' se une al boicot contra el turismo en el País Vasco (RTVE)
  • Sortu se une a los radicales de Arran y anuncian boicot a las fiestas de San Sebastián (OKDiario)
  • Los batasunos se suman a la CUP y su campaña para amedrentar turistas (Libertad Digital)
  • Las juventudes de Sortu se echan a la calle contra el modelo de turismo de San Sebastián (Eldiario.es)
Ernairen erantzuna: "hiri ereduaren gaia sahiestu nahi dute"

"Erabat zilegia iruditzen zaigu Arranen protesta, turismoak dakarren problematikak haserrea eragiten baitu. Herritarren bizitzak behar du erdigunean eta egoera kritiko honetan turismo eredu honekin hori kaltetzen ari baitira agintariak", dio Donostiako Ernaiko Garazi Castaño Fariñasek. Hala ere ez zaie kasualitatea iruditzen Arranengan fokua orain horrela jartzea, erreferenduma gertu den honetan Kataluniako independentismoa zatitzen saiatzeko estrategia ikusten dute.

"Zuen turismoa, gure miseria" salatu zuen Ernaik Donostiako hotel baten barnean, Maiatzaren Lehenenan. (Dani Blanco)
 

"Gu zaku berean sartu nahi gaituzte, atzean dauden interesengatik. Problematikaren erroa sahiestu nahi dute: gutxi batzuei diru irabazi handiak eta gehiengo zabalari kaltea eragiten dion hiri eredua". Denis Itxasoren atzoko hitzak norabide berean ikusten dituzte. "Beraiek saltzen diguten turismoak hiriari onura egiten diola diote. Guk salatzen dugu turimo eredu honek herritarren bizi baldintzak kaltetzen dituela, lan prekarioagoak sortuz, etxebitza arazoak larriagotuz, gazteon emantzipazio arazoak eraginez, jai herrikoiei oztopoak jarriz...", dio Castaño Fariñasek.

Abuztuaren 17an turismo eredu honen aurka manifestazioa deitua dute Donostian, Aste Nagusian. Hirian gai honen inguruan abiatzen ari diren ekimenen dimakinarekin bat egiten duela ikusten dute, eta egun helburua turismoaren alorrean ikuspegia eta diagnostikoa zabalduz, helburua egungo hiri eredua zalantzan jartzea dela diote. "Zeinentzat da Donostia hau eta gaur egun nor ari da diru irabazi izugarriak ateratzen?", galdetzen dute.

Manifestaziora jende asko joango dela uste dute. "Haserrea dago, gaia pil-pilean dago, dinamikak abiatu dira eta erantzuteko beharra konpartitua da. Turismofobia eta halako kontzeptuekin gutxi batzuen muturreko burugogorkeria gisa saldu nahi digute, baina guk uste dugu herritarrongan gai honekin kontsentsu handia dagoela".

Herrialde Katalanetako Arran erakundea hedabideen ikusmiran

Turismoaren gaia ildo politiko gisa lantzen ari diren Herrialde Katalanetako Arran gazte mugiko kideek ondorengo ekintzak egin dituzte berriki Bartzelonan, Palma Mallorkakoan eta Valentzian: pintaketak hotel eta autobus turistikoetan, pankartak “turismo elitistaren ikur” duten kirol portuan eta turistei bizikletak alokatzen dizkien enpresaren bizikletei gurpilak zulatu, parking publikoetan aparkatzen dituztela salatzeko.

Ondorengo bideoan ikus daiteke Mallorcako kirol portuan egindako ekintza. Ondorengoa dio txioak: "Gera dezagun Mallorca suntsitzen ari den turismo masiboa, Herrialde Katalanetako langile klasera miseriara zigortzen ari dena".

Hedabide eta alderdi ugari “kale borroka” Kataluniara iritsi dela esatera heldu dira. Hainbat hedabide manipulazio nabarmena egiten ari dira, pintaketak egin zituzten autobusaren albistean, autobusa erre zutela idatzi baitute batzuek Mediterraneo Digital-en, adibidez.

Hemen hainbat adibide:

Arranek adierazi duenez “eztabaida mahai gainean jartzeko” egin ditu ekimenok. Turismoak “lan prekarioak, bizilagunen lekualdatzeak, errepide saturatuak, auzoko dendak ixtea eta denda turistikoak irekitzea ekarri du", beren ustez. “Zer gazte emantzipatu daiteke lan turistiko batekin? Ze egonkortasun eduki dezakegu?”, galdetzen dute. Gazte hauen ustez hedabideak ez dira arazoa azaltzen saiatzen ari, “betikoen interesen araberako diskurtso bat hegemonizatzen” baizik.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Turismo masiboa kanaletik interesatuko zaizu...
Okupazio berria Donostiako Alde Zaharrean
"Okupazio eta autogestioaren sokak ez du etenik"

Auzoarentzako lokal bilakatu nahi dute. Azkenaldian okupazio saiakera gehiago egin dira.


San Sebastian Pirates International Week
MULTIMEDIA - bideo herrikoia

"Donostiak urteak daramatza nazioartera begira. Looking to the world. Ez al gara ba, gu ere, mundu zabal eta anitz honetako hiritarrak? Donostiar citizens? Piratok aurten brainstorm sakona egin dugu gaiaren inguruan. Urte osoan eta udaran bereziki, Donostia turistaz beterik dago. Zer izango litzateke gure Aste Nagusi Pirataz kanpotik datozkigun lagun horiengatik izango ez balitz. Horregatik, erabaki garrantzitsu bat hartu dugu. Bye bye Donostiako Piratak. Welcome San Sebastian Pirates... [+]


Turismo eredua hankaz gora
Nola bidaiatu piztia elikatu gabe?

Turismoa anabasa eta kaosa batzuentzat, aberastasun eta oparotasun iturri besteentzat. Egungo ereduak, baina, tarte txikia uzten du imajinazioarentzat: kontsumoa, masifikazioa eta gentrifikazioa eguneroko hiztegian sartu ditugun hitzak dira. Ba al da egoera honi buelta emateko aukerarik? Ba al daude oporrak kanpoan emateko beste modu batzuk? Egungo egoeraz eta bestelako eredu posibleez jardun gara hurrengo lerroetan.


2018-06-19 | ARGIA
Hasi da turismo denboraldia, baita protestak ere Bartzelonan: GŁell parkean kateatu dira ekintzaileak

Bartzelonako Güell parkean Arran gazte erakundeko hainbat kide kateatu egin dira eta turismo masiboaren aurkako pankartak zintzilikatu dituzte.


Herri boteretik "Euskal Erregimena" borrokatuz

Maiatzaren 19tik 27ra Bizitza Da Handiena kanpaina gauzatu dute Donostian. 63 herri mugimenduk eta sindikatuk “borroka sozialen astearekin” bat egin dute, eta “herritarron kapitala” aldarrikatu dute. Lubaki desberdinek fronte bakarra osatu dute. Ozenen entzun den oihua turistifikazioaren aurkakoa izan da, izan ere, Turismoaren Mundu Erakundeak goi-bilera hirian egin behar zuen egunekin bat egin du mugimendu desobedienteak.


Citizens of Donostia to the World Tourism Organization: "We don't agree"

The Bizitza da handiena ('Life is the Greatest Thing') campaign was held in Donostia from 19th to 27th May. 63 citizens' movements and trades unions joined in with the "social struggle week" and proclaimed the need for a "citizens' capital". Different trenches have made up a single front. The anti-tourism protest got its message across, the World Tourism Organization holding its highest level meeting in city during the same week as the protest movement.


Botereari erronka

Batek sudur gorriak, besteak buruberoki makarra. Trikitixa eta pandero hotsek girotuta, Bizitza Da Handiena asteari bide eman diote. 60 herri mugimendu eta sindikatuk deituta “boteretik herritarren aurka egiten ari diren politikei” aurre egingo diete. Lehen ekintza indartsu gisa, hamasei urtez hutsik izan den zortzi solairuko eraikina okupatu dute Donostiako erdialdean, turistifikazio prozesu basatiaren erdian, 300 lagun kalean bizi diren hirian.  Munduko Turismo Erakundearen... [+]


Turismo-eredu blindatua herri boteretik ziztatzen

Donostiako Idiakez kaleko eraikin okupatuak, Bizitza Da Handiena kanpainako kideek "Herritarron Etxea" izenpetu dutena, zutik dirau, borroka sozialen astearen sinboloak tinko mantendu ditu zimenduak. Zutik dirau Bizitza Da Handiena kanpainak berak, ez baitu imintzio dardaratirik erakutsi hamasei identifikazio, beste hainbeste borra-kolpe eta bi atxilotu jasan izanagatik ere.


2018-05-24 | ARGIA
Azken txanpan sartu da Bizitza Da Handiena: pentsiodunen manifestazioa eta okupazioaren azken gaua

Maiatzaren 19tik 26ra Donostiako kaleetara ateratzeko dei egin du Bizitza da Handiena kanpainak. "Agintetik aurrera eramaten ari diren herritarron aurkako politiken aurka" eta "herritarron kapitalaren alde" egitea du helburu, eta hainbat sindikatu eta herri mugimenduk atxikimendua adierazi dute sare sozialetan. Turismoaren Mundu Erakundea asteartean iritsi da Donostiara, eta Bizitza Da Handienak ekimen ugari antolatu ditu horren kontra.


Azkenak
EGILEAK
Eguneraketa berriak daude