Aralarko abeltzain eta artzainei

  • Ttiki-ttikitatik izan dut artzain izateko ametsa. Aurten nire barruari kasu eginez ardiak erosi ditut. Soldata duin bat emanen balu, bukatuko lirateke bai nire Iruñera lanerako egiten ditudan joan etorriak. Afizioak ofizioa emanen ote du noizbait?


2018ko azaroaren 19an - 08:06

Aspaldian ohartua nintzen baserri ondoko zelaietan behiek nola inguruak uzten zituzten. Dena patakatua, eta zer erranik ez neguko euriekin bazterrak nola lokazten zituzten. Etxe inguruan ardiak. Alu horiek ez dituzte asun eta astamenda jaten, baino guttienez ez dute zelaia hondatzen. Ardi batek eta behor edo behi batek lurrean egin ditzakeen kalteak ez du zerikusirik.

Osabarekin maiz ibiltzen nintzen. Harekin Saioa mendi inguruko larreetan barna ibiltzen nintzen. “Gaie mendi kaskorat ta kustik behorrak hor diren”. Ez nion sekula aurpegi txarrik jartzen. Gustura mendian gora, arnasestuka anitzetan, baino behorrak hor baziren ni kontent.

Animaliek jatea ez da aski, oreka bat bilatu beharra dago gaurko jana biharko ezerezean bilakatu
nahi ez bada

Osabarekin mendian gora joaten nintzenean, berak deskantsu ttiki bat hartzen zuen bitartean, maiz berdina errepikatzen zidan. “Kusten duzu bide xenda hau? Kusten duzu nola erditik erabat janda dagoen? Moto zikin hoiek xenda guziek hondatzen ai dire”.

Aralarko pisten inguruan sortu den polemika hurbiletik jarraitzen saiatu naiz. Denek izan dezakezue arrazoiaren parte, baino ez zarete elkarri entzuteko gai. Artzaintza eta abeltzaintza, baserri bueltan ibiltzen direnak alegia, larri dabiltza. Kontsumitzaileak merke erosi nahi du eta erriberako esparragoak beharrean Peruko esparragoak merkeago erosi ahal baldin baditu hori eginen du, eta bitartean pentsuaren prezioa gora eta esnearen prezioa behera.

Kontua da bertzean Txindokira joan nintzela, sekulan ibilitako bainintzen. Aralar hain famatua izanik banuen ordu mendi horietan barrena ibiltzeko! Aitortu beharra dut, nahiz eta leku ederra izan ez zidala miresmenik sortu. Tontor (eta ez tontor) guztiak harriz josita daude. “Bazka gutti ditek hemen ardi ta behiek” pentsatu nuen. Ez zait iruditzen behar den oreka dagoenik. Animaliek jatea ez da aski, oreka bat bilatu beharra dago gaurko jana biharko ezerezean bilakatu nahi ez bada.

Eta pisten inguruan… Zuek ikusi pista, funikularra edo autopista egiten duzuen baino pista horiek ez dira etxeko animaliak dituztenek bakarrik erabiliak izanen. Denbora kontua da turista soilek erabiltzen hastea, denbora pasarako. Baztan alde honetan maiz ikusten dira mendietan 4x4 kotxeen markak behar ez liratekeen tokietan. Eta Aralarren ere berdina gertatuko da, ez baldin bada dagoeneko gertatu, pista kanpotik ibiltzen hastea. Kotxe markak ikusi nahi ez dituenak begiak ixtea, bertzerik ez du.

Zuek ikusi pista, funikularra edo autopista egiten duzuen baino pista horiek ez dira etxeko animaliak dituztenek bakarrik erabiliak izanen. Denbora kontua da turista soilek erabiltzen hastea, denbora pasarako

Berriki, Donostian, Aralar pelikula ikustera joan nintzen eta zuei, abeltzain eta artzainei bereziki, ikustea gomendatzen dizuet. Mendia ez da gurea, zuena, abeltzain eta artzainena bakarrik. Aralar bertako landare, erreka, arbola, mendizale, ikerle, akuifero, desagertzear dauden ugatz, sai zuri, miru gorri eta bertze hegaztiena, desagertzear dauden bisoi, muturluze eta bertze ugaztunena eta bertze askorena ere bada. Hain maitea duzuen Aralarren egiten ari zareten kaltea ikusteko ez ahal zarete gai? Uste dut prezio altu bat pagatzeko arrisku handia hartzen ari zaretela.

Bila ezazue denen artean inguruarekiko kalterik sortu gabe eta lanbide duin bat izateko formula, elkarri entzunez dezente ikasiko badituzue.

Nik bitartean ekologista “urde” horietako bati entzun niona praktikan jartzen jarraituko dut: “Ematen duzun mendi buelta bakoitzean beti topatuko duzu zaborra lurrean, aldian bat hartu poltsikora eta gero erreziklatzera bota”. En fin, gizakia. Zein “handiak” garen.

 

 

 

 

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Kanal honetatik interesatuko zaizu: Iritzia
Materialismo histerikoa
Diferentziak

Datozen hauteskundeak bereziak dira, hauteskunde guztiak diren moduan; bat ez dela esaten diguten egunean izango da berezia, esaten digutenean “aurten gertatuko den guztia, gertatu da lehenago ere”. Asko erabakitzen omen dugu. Beldur pixka bat ematen du, ez? Zer? Zer... [+]


2024-04-14 | Diana Franco
Teknologia
Desinformazioaren jokoa

Askotan pentsatzen dut informazio larregi jasotzen dugula, eta, zeinen ondo bizi den ezjakintasunean. Hainbeste informaziorekin, pertsona xumeok botere ezberdinen helburuak eta horiei loturiko jokabideak ulertzeko ditugun aukerak inoiz ez bezalakoak direla dirudi. Baina ez da... [+]


Europa gainbeheran?

Europar Batasuneko (EB) Legebiltzarra berritzeko hauteskundeak deituta daude datorren ekainerako eta iraupena 2029 artekoa izango da. Amaitzear dagoen legealdi honetarako, Ursula von der Leyen batzordeburuaren helburuetako bat zen Europa berdea sustatzea, baina xede hori... [+]


2024-04-14 | Gorka Menendez
Aste Santua eta ramadana

Urteak daramatzat nire herriko Elkarlaguntza Sarean militatzen. Bertako Etxebizitza Sindikatuan zenbait jatorritako jendea batzen gara eta komunitate musulman handia dago. Aurten, ramadana dela eta, Elkarlaguntza Sare osotik gau batean ramadan gosaria egin dugu. Eztabaida sortu... [+]


Eguneraketa berriak daude