Arabako Gazte Feministen II. Topaketak burutu dituzte Zuian
Otsailaren 17an ospatu zituzten Zuian Arabako Gazte Feministen II. Topaketak, herrialdeko eragile ezberdinetako kideak bilduz Gaztetxean. Arabako neska gazte feministen diskurtsoa eta erantzun moldeak izan zituzten aztergai, beste kontu askoren artean.
Pasa den otsailaren 17 ospatu ziren Zuiako Gaztetxean Arabako Gazte Feministen II. Topaketak, lehenengo topaketetan ateratako eztabaida eta ondorioetan sakontzea xede zutenak. Eguraldi euritsu batek eman zien ongietorria Arabako txoko ezberdinetatik hurbildu ziren norbanako eta neska gazte talde ezberdinei. Tartean zeuden Amurrioko Otsemeak, Laudioko Bagara Nor, Gasteizko Negeak, Aguraingo Inguma eta Zuiako Zeteme; guztira, 30 pertsona inguru. Goizeko 10:00etan eskualdeko produktuez eginiko gosari bero batek eman zion hasiera egunari.
Gosaldu ostean egitarau oparoa egon zen. Hasteko, bi talde ezberdinetan banatu eta eztabaidaren bitartez ekin zioten beste batzuen artean orain Arabako neska gazteen erronka nagusiak diren bi korapilo potolo askatzerari: Arabako neska gazte feministen diskurtsoa eta erantzun moldeak. Sakon eztabaidatu ostean, bloke bakoitzetik ateratako ondorio nagusiak elkarbanatu zituzten plenarioan, eta ekarpenak jaso ziren hemendik aurrera horretan lanean jarraitzeko.
Ondoren, biltegi feminista bat osatzeari ekin zioten, Arabako neska gazteen taldeen artean baliabide ezberdinak elkarbanatu eta kolektibizatzeko asmoarekin. Hiru lantalde sortu ziren (umorez irauli (umore lantaldea), babes sarea eta jai ereduak) eta biltegi feminista sortzeko jarri ziren hiru txokoetatik (biltegi digitala, kartelgintza eta “pedradagintza”) txandakatzen joan ziren bakoitzak bere eremutik baliabideak sortuz.
Bazkalostean zaintza lanak izan zituzten hizpide, izan ere, 2016an ospatu ziren Gazteraiki topaketetatik ateratako Talde Osasun Gidaren aurkezpena izan zuten, ariketa dinamikoez tresna hau zer izango den ezagutuz eta militantzia taldeen, proiektuaren eta norberaren zaintzari buruz hausnartzeko tartea hartuz.
Gauak eta kaleak hartu zituzten egunari amaiera emateko: poteoa eta afaria giro ederrean.
Gazte Udaleku Feministak
Gazte feminista ezberdinek epe motzera izango duten beste hitzordu bat martxoaren 3a izango da. Gazte Udaleku Feministak prestatzeko asanblada deitu dute egun horretarako Gasteizko Gaztetxean. Gainera, Martxoaren 8ko Greba Feministari begira hitzorduek ez dute etenik: gure atal berezian mobilizazio eta agenda kontu ezberdinak ikusgai.
Albiste hau Hala Bediren webgunean argitaratu da eta ARGIAra ekarri dugu CC by-sa lizentzia baliatuta
Larunbatean Donostian amaitu den "gerra eta kapitalismoaren kontrako" Euskal Herriko Emakumeen* Mundu Martxaren VI. ekintza izan da. Euskal Herriko Gazte Feministak Baterajotzea deitu du urriaren 31tik azaroaren 2ra, Zaldibarren. "Kaleak hartu eta konspirazio,... [+]
Maiatzaren 10ean egingo dute: Bardean hasi eta Donostiako manifestazioraino. Lurraren defentsa, migrazio politikak eta indarkeria matxista izango ditu ardatz.
Irudimentsua eta umoretsua da, eta marraztea bere pasioa da. Oihan Iriarte Eletxigerrak (Bilbo, 2001) Autismoa eta biok (Txalaparta, 2025) liburu ilustratua sortu du autismoa ikusarazteko. Bere bizipenetatik abiatutako liburua da. Arte figuratiboaz baliatu da batez ere:... [+]
Errepikatu nirekin: Sara Millerey. Ez dezagun ahaztu bere izena. Transfeminizidioaren biktima da Millerey: gorrototzaile transmisogino batek torturatu zuen, besoak moztu zizkion eta bizirik bota zuen ibaiertz batera. Bi orduko agoniaren ondoren hil zen.
Errazagoa da J.K... [+]
Ziburuko Liburu eta Disko Azokaren 6. edizioa ekainaren 7an izango da. Girotzeko eta azokaren eragina inguruko herrietara zabaltzeko, aurreko asteetan zehar sei ekintza kultural antolatu dituzte Baltsan elkarteak eta ARGIAk elkarlanean. Lehena martxoaren 30ean izango da,... [+]
Desengainu handia hartu dute euskal feminista askok jakin dutenean Chimamanda Ngozi Adichie idazleak haurdunaldia esternalizatu duela, alegia, surrogate batek ernaldu duela bere haurra, diru truke. Guztiok izan beharko genuke feminista saiakeraren egilea da Adichie, besteak... [+]
Azken bi hamarkadetan indarkeria matxistaren gaia lehen lerrora ekarri du mugimendu feministaren borrokak, besteak beste, eta bikote arteko indarkeria edo “familia arazo” gisa deskribatzen zenak, eremu publikora eta kalera egin du salto. Indarkeria matxistaren... [+]
Izenburua aski argia da: Zuzi iraxegia. Euskal emakume idazleak eta literatura klasikoa (TZ, 2025). Eta 300 orrialdeko liburu mardulean, XIV. mendeaz gero gurean izan diren emakume idazleen gainean jardun du, irakasleari dagozkion azalpenak emanez bezainbat, testu klasikorik... [+]
Ostegun gauean emakume bat bortxatzea egotzita atxilotu zuten gizon bat larunbatean. Gizona kasua argitu arte zaintzapean dago. Mobilizazioa egin du Itaiak astelehenean 18:30ean, Baionako Herriko Etxean, eta horren erantzukizuna azpimarratu du.
Laura Macayaren liburua ekarri du euskarara Katakrakek. Amaia Astobizak itzuli du, feminismoaren baitako eztabaidak ireki eta beste begirada batzuetatik ekiteko helburuarekin.
Indartsua, irribarretsua eta oso langilea. Helburu pila bat ditu esku artean, eta ideia bat okurritzen zaionean buru-belarri aritzen da horretan. Horiek dira Ainhoa Jungitu (Urduña, Bizkaia, 1998) deskribatzen duten zenbait ezaugarri. 2023an esklerosi anizkoitza... [+]
Pippi Kaltzaluzeren istorioak lehenengoz kaleratu zirenetik 80 urte bete direla-eta, leku berezia eskaini diote Boloniako Nazioarteko Haur eta Gazte Liburu Azokan. Azkarra, independentea, errebeldea, lotsagabea, menderakaitza, apur bat basatia, sormen handikoa, ausarta eta... [+]
Gozamen aparta bezain deskribatzeko zaila dakar, norbaiten hitzak irakurri edo entzun ostean, zera pentsatzeak: “Horixe zen neu aurreko hartan azaltzen saiatu nintzena!”. Idazlea eta itzultzailea da María Reimóndez, eta galegoz aritzen da, hizkuntza... [+]
Bai ikastetxeek antolaturiko eskolaz kanpoko jarduerek, bai aisialdiari loturiko ekintzek eta udalekuek desgaitasunen bat duten haurrak kanpoan uzten dituzte maiz, eta hain justu, jarduera horiek bereziki onuragarriak dira premia bereziak dituzten haurrentzat. Hala dio... [+]
Orain arte desgaituak ez diren pertsonekin lehiatu da Uharteko Ipar Eski Taldeko Eneko Leyun eskiatzailea (Iruñea, 1998). 2024-2025 denboraldian, lehenengo aldiz parte hartu du Adimen Urritasuna duten Pertsonentzako Iraupeneko Eskiko Espainiako Txapelketan. Urrezko... [+]