Azken urteetan apustu etxeen lokalek Euskal Herrian izan duten gorakadari aurre egiteko, inguruko auzo eta herrietatik alde egiteko eskatzen duten pegatinen bidez jendearen arreta bereganatu du Gazte Komunista taldeak.

Jokoak ludopatia edo zorpetzea eragiten dituela eta egoera ekonomiko prekarioan dauden pertsonei dirua azkar irabazteko esperantza faltsuak ematen dizkietela salatu dute elkartekoek.

Apustu etxeen alternatiba gisa, Gazte Komunistek gazteentzako askotariko aisialdi ereduen beharra azpimarratu dute eta langile klaseari deia egin die autodefentsa jarrera hartzeko etekin ekonomikoak handitzeko iruzur egiten duen enpresa modeloaren aurrean.

Gazteri kritiko eta borrokalaria nahi dutela ere adierazi dute eta ondorioz, bizitza duina eta gazteentzako aisialdi eredu hobeak izateko lanean jarraituko dutela adierazi dute.