Apoyos Metálicos enpresako 73 langile kaleratze arriskuan daudela salatu dute Altsasun
Olazagutiako (Nafarroa) Grupo Daniel Alonso taldeko enpresa itxi nahi dutela salatu dute langileek. Hala izatekotan 73 langile kalean geratuko liratekela ohartarazi dute langileek. Gainontzeko zortzi langileei Asturiaseko lantegietara lekualdatzeko proposamena egin die enpresak.
Elkarretaratzea egin zuten Apoyos Metálicos lantegiko langileek deituta, igandean Altsasun (Nafarroa). Apoyos Metalicos ez itxi, sakana se muere lemapean egin zuten mobilizazioa. Bertan, langileek ohartarazi dute enpresa zuzendaritzak sakanako lantegia itxi eta lanpostuak Asturiaseko Linares eta Avilés herrietan dituen lantegietara eraman nahi dituela.
Izan ere, enpresa zuzendaritzak lekualdaketa hori eskaini die lantegiko 81 langileetatik 8ri. Gainontzeko 73 langileak kaleratu egingo dituztela salatu dute elkarretaratzean langileek. Enpresaren itxiera eta lanpostuen lekualdatzea salatzeko hainbat izan dira Altsasun elkartu diren herritarrak. Grupo Daniel Alonsoko Apoyos Metálicos enpresak 50 urte daramatza eskualdean.
Langileek jakinarazi dutenez, datorren astean elkartuko dira Nafar Gobernuko ordezkariekin eta elkarretaratzea egingo dute Sarrigurengo (Nafarroa) Gamesaren lantegiaren atarian.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.