Apirilaren 8a: armagabetzea Baionatik kanpo izango da, egun berean

  • ETAren armagabetze operazioaren inguruan xehetasun gehiago eman dituzte Bake Bideak taldeak ohar bidez. Baionan apirilaren 8an ekitaldia egingo dute arratsaldeko 15:00etan.


2017ko martxoaren 30an - 17:32

Segurtasun kontuak direla eta armagabetzea ez da zehazki Baionan izango, baina bai apirilaren 8ko egun berean. ETA erakundearen armategiarekin erabat amaitzeko ekimeneko arduradunek azaldu dutenez neurri horrek ahalbidetuko du armagabetzea "osoa eta egiaztagarria" izatea, hain zuzen. Nolanahi ere, ez dute azaldu zeinek eta nola entregatuko dituzten armak.

Baionan ekitaldia antolatu dute arratsaldeko 15:00etan, ekintzari balio sinboliko eta ikusgarritasuna emate aldera eta espero dute "masiboa eta duina" izatea eta deia luzatu diote euskal jendarteari Lapurdiko hiriburura bertaratzeko.

Azaldu dutenez, pauso horrek "euskal gatazkaren ondorioen atal guztien konponbidean (presoak, erbesteratuak, biktimak, elkarbizitza...) aitzina egitea ahalbideratu behar du".

Ipar Euskal Herriko dozenaka talde biltzen ditu Bake Bideak taldeak eta apirilaren 8an hitzaldiak antolatu ditu Baionan bertan 10:30etatik hasita. Aurrerago emango dute hitzaldi horien egitarauaren berri.


Kanal honetatik interesatuko zaizu: ETAren desarmatzea
'Bakegileak' errugabetzeko eskatu dute hainbat eragile eta sindikatuk

Txetx Etxeberrik eta Beatrice Mollek ETAren armagabetzearen auzian egindako lana epaituko dute Parisen, apirilaren 2an eta 3an. Mobilizazioak deitu dituzte Euskal Herriko zapi hiriburuetan apirilaren 3rako.


Luhusoko auziperatuen errugabetzea eskatzeko kanpaina aurkeztu dute

Apirilaren 2an eta 3an iraganen da Beatrice Molle-Haran eta Txetx Jean-Noël Etcheverryren aurkako auzia Parisen, 2016ko abenduaren 16an Luhuson buruturiko ETAren armagabetze zibilaren harira. Errugabetzea eskatzeko kanpainaren baitan izenpedura bilketa abiatu dute. Lehen... [+]


2021-01-07 | ARGIA
Mikel Barriosen aurkako 5 urteko kartzela zigorra berretsi du Parisek

Dei Auzitegiak bat egin du ekainean Parisko Zigor auzitegiak hartutako erabakiarekin eta kartzelara itzuli beharko du iruindarrak, baina oraingoz prokuradoreak ez du data jakin bat finkatu.


2020-10-20 | Euskal Irratiak
Egoitz Urrutikoetxea
"Badirudi Frantziako justiziarendako, negoziazio batzuetan parte hartzea, gaizkile elkarteko kide izatea eta ekintza terroristak prestatzea dela"

Josu Urrutikoetxearen aurka bi auzi iragan behar dira aste huntan Pariseko auzitegi korrekzionalean. Biak ere ETA talde armatuko kide izateagatik dira, baina mementu desberdinetan.


2020-06-24 | ARGIA
ETAren desarmatzea auzitan jartzen duten argudioekin, Frantziak bost urteko espetxe zigorra ezarri dio Mikel Barriosi

Bost urteko espetxe zigorra jarri dio astearte honetan Parisko Auzitegi Korrekzionalak Mikel Barrios Iruñeko preso ohiari. Datorren astelehenean sartu beharko da berriro kartzelan.


Eguneraketa berriak daude