Vizcay eta Archancorentzat, zortzi eta zazpi urteko espetxe zigorrak

  • 'Osasuna auziarekin' lotutako bederatzi lagun zigortu dituzte orotara, eta horien artean Angel Vizcay, Osasunako gerente ohia, izan da  zigorrik handiena jaso duena. Miguel Archanco Osasunako presidente ohia eta haren zuzendaritza batzordeko kide izan ziren Juan Antonio Pascual eta Sancho Bandres ere zigortu dituzte.


2020ko apirilaren 24an - 10:33
Vizcay, artxiboko irudi batean / EITB

Bi partidaren emaitzak adosteagatik abiatutako "Osasuna auziaren" epaia gaur atera du Nafarroako Auzitegiak. Kondenatuetako bi Betis taldeko jokalari ohiak dira (Antonio Amaya eta Xabier Torres), eta beste bi higiezinen sektoreko agenteak (Cristina Valencia eta Albert Nolla). Espainiako Estatuan, hau da kirolarekin lotutako ustelkeria kasu bat zigortzen den lehenbiziko aldia, Jon Rivas kazetariak nabarmendu duen bezala El País egunkarian.

Diego Maquírriain Osasuna fundazioko gerente ohia eta Jordi Figueras jokalaria absolbitu egin ditu Auzitegiak.

Archanco eta Peraltari, zazpina urte

Vizcayri, zehazki, zortzi urte eta zortzi hilabateko kartzela-zigorra ezarri dio Auzitegiak.

Archanco eta Peraltari zazpi urteko zigorra ezarri die, Pascuali sei eta Bandresi bost urtekoa. 

Amaya eta Torresi urtebeteko kartzela zigorra ezarri die; eta Valencia eta Nollari bederatzi hilabetekoa.

Bidegabeko jabetzea eta dokumentuak faltsutzea

Urtarrilaren 20an abiatu zen 'Osasuna auziko' epaiketa, Nafarroako Auzitegiko 2. aretoan. Fiskaltzak 3 eta 14 urte arteko espetxe zigorra eskatzen zituen hamaika auzipetuentzat, ustez bi partidaren emaitzak adosteagatik; eta Osasunako kargudun ohien kasuan, delitu horri gehitu behar zaizkio bidegabeko jabetzea eta dokumentuak faltsutzea.

Zehazki, 2013-14 denboraldiko bi partida daude jopuntuan: Betis-Valladolid eta Osasuna-Betis. Ustez, Osasunak 650.000 euro ordaindu zizkien Betiseko hiru jokalari ohiri –Antonio Amaya, Jordi Figueras eta Xavier Torresi–. 400.000 euro Betisek Valladolid garaitu zezan, eta Betisek Osasunaren aurka gal zezan.

 

>>> 'Osasuna auziaren' kronologia, 2015eko otsailetik hasita.


Kanal honetatik interesatuko zaizu: CA Osasuna
Indar Gorriko 61 kide atxilotu dituzte Iruñean

Espainiako Polizia Iruñean, Sevilla eta Madrilen egiten ari den operazio baten barnean atxilotu dituzte. Iazko urrian Betis-Osasuna partidaren aurretik egondako istiluak ikertzen ari dira.


Eibarko hainbat zaletuk Stefan Simic kanporatzeko eskatu dute, bere jarrera diskriminatzaileengatik

Zuzendaritzaren jarrera ere salatu dute, jokalariaren sare sozialak eta iritziak ezkutatzeagatik. Bestalde, Osasunako zaletuek ere polemika piztu dute: alde batetik, igandean Greenwood Getafeko jokalariaren aurkako oihuak egin zituzten (bikotekideari tratu txarrak egitea egozten... [+]


2023-07-12 | Ilargi Manzanares
Boixos Nois taldeko hamabi kide atxilotu dituzte, iaz Iruñeko Ezpala tabernari eraso ziotelakoan

Iazko azaroan Ezpala tabernak jaso zuen erasoa leporatzen zaie atxilotuei. Boixos Nois taldea FC Bartzelonako zale erradikal ultraeskuindarren taldea da, eta Ezpala taberna Osasunako jarraitzaileen topagune ohia.


Kargutik kendu dute Osasunako Segurtasun Zuzendaria, ikurrina eta Nafarroako bandera kentzeagatik

Klubeko Zuzendaritza Bartzordeak adierazi du "oso larria" izan zela gertatutakoa. Urtarrilean ikurrina, Nafarroako bandera eta pankarta bat kendu zituen Espainiako Poliziak Sadar futbol zelaian.


2023-02-08 | Jon Torner Zabala
Osasuna futbol taldeak akordioa egin du beste apustu etxe batekin

Letoniako Olybet apustu etxearen izena ez da Osasunako jokalarien kamisetetan agertuko, ezta, besteren artean, estadioko euskarri fisikoetan edo telebista-iragarkietan ere, jokoaren sektoreko enpresen publizitatea arautzeko Espainiako Gobernuak onartutako dekretua dela-eta.


Eguneraketa berriak daude