Pierre Webók “aski da” esan du, Txapeldunen ligako epaile batek azalaren koloreagatik identifikatu duelako
Zeresan handia eragin du astearte gauean gizonezkoen futboleko Txapeldunen Ligan gertatu denak: epaile batek Istanbulen talde teknikoko Pierre Webó bere azalaren koloreagatik identifikatu ostean iskanbila piztu da, Paris Saint-Germainen aurka jokatzen ari ziren partidua bertan behera geratzeraino.
aurre egingo dieten hedabide independenteak
Istanbulgo gizonezkoen futbol taldeko jokalari guztiek partiduaren erdian zelaia utzi zuten astearte gauean. Arrazoia: arrazakeria. Paris Saint-Germain taldearen kontra Txapeldunen Ligako partidua jokatzen ari ziren, laugarren epaileak talde turkiarreko talde teknikoko kide bati buruz iruzkin arrazista bat esan zuenean.
Partiduaren 20. minutua zen, markagailua berdinduta zegoen eta epaile nagusiak, Ovidiu Alin Hategan errumaniarrak, PSGren aldeko falta adierazi zuen. Erabaki horren kontra protesta egin zuen Istanbulgo taldeko entrenatzailearen laguntzaileetako batek, Pierre Webó kamerundarrak –Osasunaren zaleak gogoratuko dira berarekin, urtetan gorritxoen elastikoarekin jokatu baitzuen–. Laugarren epaileak ekintza horren berri eman zion epaile nagusiari. Protestaren egilea “beltza” izan zela adierazi zion eta Webó haserre bizian jarri zen, baita ordezkoen aulkian zeuden haren taldekideak ere.
Laugarren epaileak azaldutakoaren arabera, ez zuen “beltza” esan, “tipo beltza” baizik (“black guy” ingelesez), baina azalpenak ez zituen Istanbulgo jokalariak konbentzitu: Webóren taldekideek uste dute laugarren epaileak azalaren kolorea erabili zuela identifikatzeko. “Zergatik ez diozu ‘tipo zuria’ deitzen jokalari zuri bati?”, galdetu zioten, sututa.
Gertakariak guztiz baldintzatu zuen asteartean jokatzekoa zen partidua. UEFAko ordezkariak egoera baretzen saiatu arren, bi taldeetako jokalariek partidua bertan behera uztea erabaki zuten eta aldageletarako bidea hartu zuten. Asteazken honetan jokatuko da geratzen den partidua.
Irailaren 21eko goizaldean, herritar bat labankadaz hil zuten Bilboko Solokoetxen. Hurrengo egunetan luze jorratu zuen gertaera El Correo egunkariak. “Matxetez” egindako borroka baten ondorio izan zen heriotza aurrenik; labankada bakar baten ondorio gero. Bi talderen... [+]
Nahiz eta, entzun dudanez, hala deitzen dioten gertuko herri batekoek. Mugako biztanleok izaera jakin bat omen dugu; nabaritzen omen zaigu inguru horretakoak garela, esaterako, irundarroi. Ba omen dugu zera berezi bat. Ez dut gehiegi sinesten kontu horietan, ondoren zera hori ez... [+]
Chocón, Kolonbiako hiri batean, beltzak, indigenak eta mestizoak elkar bizitzari eusten saiatzen dira. Beltzek txoloak deitzen diete embera indigenei, eta emberek beren hizkuntzan hitz egiten dutenean, kristauez hitz egiteko esaten diete bai mestizoek eta bai beltzek... [+]
Europan eta munduan arrazakeria gora doa, eta Euskal Herria ez dago joera horretatik salbu. Egun, herritarrak eta jendarteak eskuin muturraren baloreak bere egiteko bide nagusietakoa da arrazakeria. Arazoaren larritasunari tamaina hartzen saiatu gara, eta aztertu ditugu zenbait... [+]
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
Auzitegi Gorenak martxoan ebatzitakoari jarraiki, astelehenean irletatik penintsulako adin txikikoentzako zentroetara lekualdatuko dituzte zortzi asilo eskatzaile. Gobernuak adierazi du adin txikikoen babes sarean integratzeaz arduratuko den etorkinen %90 maliar jatorrikoak... [+]
Manteroekin Bat plataformak eta Mbolo Moye Doole elkarteak elkarretaratzea egin zuten astelehenean Bilbon, azken asteetan poliziak manteroen aurka eginiko eraso "arrazistak" salatzeko. Izan ere, Boubacar Diouf kale saltzailearen arabera, poliziaren jazarpena... [+]
Bolo-bolo dabiltza gugandik zenbait kilometrotara gertatutako pogromoak, hamarkada luzetan −mendez mende− zilegituriko arrazismoa oinarri dutenak. Palestinan, Torre Pachecon eta Hernanin, arazoa antzekoegia da, intentsitate ezberdinez bada ere. Moroak dira behe-laino... [+]
%37 genero- eta sexu-diskriminazio kasuekin loturik egon ziren, eta aporofobia %33 hazi zen. Gorroto-delituen intzidentzia tasarik altuena Nafarroan identifikatu zuten iaz.
Hainbat talde "neonazik" azkenaldian Irunen zabaltzen ari dituzten mezuak salatu dituzte asteazkenean Harrera Sareak eta hainbat kolektibok herrian. Eskuin muturreko "auzo patruilak" antolatzen ari direla salatu dute, eta hauek jendearen jatorriaren arabera... [+]
“Badirudi memoria kolektibotik ezabatu nahi dutela hiriak bizi izan duen polizia-indarkeria arrazistaren ekintzarik latzena”, salatu dute. Bestalde, azken boladako diskurtso eta eraso arrazisten gorakadaren aurrean, elkarretaratzea deitu dute Irun eta Donostiako... [+]
Gasteizko hainbat auzotan ezarri dituzten “Moros fuera de España” kartel eta pegatinak ikertzen ari da Ertzaintza. Irun, Hernani, Barakaldo… Ez dira kasu isolatuak, eta “etorkinen kontura jarraitzaileak irabazi nahi dituen ideologia” ikusten du... [+]
Agharas migratzaile imazighen elkartearen txosnan pertsona batek hainbat irain arrazista egin zituen. Erasoa salatzeko elkarretaratzea egin dute igandean Barakaldon.
