Amnistia Internazionalak exijitu dio CAFi Jerusalemgo tranbiaren proiektua bertan behera uzteko
NBEren txosten batek azaldu du Beasaingo enpresak lagundu egiten duela Israelgo legez kanpoko kolonien hedapenean. Amnistia Internazionalek deialdia egin die gobernuei “urgentziaz” esku hartu dezaten txostenaren ondorioekiko.
Ostegunean kaleratu zen NBEko Palestinar Lurraldeetarako kontalari berezi Francesca Albanesek ondutako txostena. Okupazioaren ekonomiatik, genozidioaren ekonomiara izenpean, kontalariak aztertu du nazioarteko zein enpresak dituzten negozioak Palestinako genozidioan. Aurretiaz ere askotan salatu da Euskal Herrian, baina Albanesek baieztatu egin du: CAFek Israelgo kolonia ilegaletan negozioak egin ditu.Amnistia Internazionalak, ohar bidez, negozioak bertan behera utzi ditzala “exijitu” dio enpresari, eta Eusko Jaurlaritzari eta Espainiako Gobernuari “urgentziazko” esku hartzea eskatu die. Gobernuei ez ezik, enpresako akziodunei ere eskatu die beren botoa erabiltzeko proiektua bertan behera uzteko. Akziodun horien artean daude, besteak beste: Kutxabank, Mayoral haurren arropa denda eta enpresako langileak.
2019an irabazi zuen CAFek Jerusalemgo tranbia eraikitzeko kontratua, eta ordutik hautsak harrotu ditu gaiak. ARGIAk 2922. zenbakiko gai nagusia eta azala eskaini zizkion gaiari. Bertan ere azaltzen zen Amnistia Internazional. Pasa den ekainaren 14an CAFen urteko akziodunen batzarrean izan ziren BDZ Euskal Herria eta Amnistia Internazionaleko kideak CAFek proiektua utzi zezala eskatzeko.
CAFez gain, beste enpresa asko ere zerrendatu ditu Albanesek, tartean Carrefour –bere aurkako boikot kanpaina du martxan BDZ Euskal Herriak–. Horren aurrean, estatuei esku hartzeko eskatu die Amnistia Internazionalek, “urgentziaz”. Eskatu die azter ditzatela euren estatuei dagozkien enpresek ze harreman duten Israelen legez kanpoko ekintzekin; eta esan die neurriak hartu behar dituztela enpresa horiek okupazio ilegala edo apartheida bultzatu ez ditzaten, edo negoziorik egin ez dezaten.
CAF, azkena
Aipatu akziodunen batzarrean, CAFeko lehendakari Andres Arizkorretak azpimarratu zuen CAFek ez duela legez kanpoko negoziorik egiten eta giza eskubideak errespetatzen dituela. Hori ezeztatu du, ordea, Albaneseren txostenak. Horren harira, Amnistia Internazionalek gogorarazi du COMSA enpresa kataluniarrak 2024an bertan behera utzi zuela Jerusalemgo trenbidearen eraikuntzan zuen kontratua. Aste honetan albiste izan da beste euskal enpresa batek ere, Sidenorrek, Israelekin negozioak etengo dituela. Erabaki horiek presioaren ondorengo izan dira.
Bide bera hartu behar du CAFek, hori exijitu du Amnistia Internazionalek. Azaldu du 2016an ebatzi zuela NBEk proiektua legez kontrakoa dela, “nazioarteko zuzenbidea eta NBEren erresoluzioak urratzen” dituelako. “CAFek ezin du beste aldera begiratu eta nazioarteko gomendioak bete barik jarraitu”, laburbildu du antolakundeak.
LAB sindikatuak kritikatu du Sidenor enpresako buruari Joxe Mari Korta saria ematea, enpresa hori "Israelgo Armada indartzeko altzairua saltzen" aritu baita orain gutxira arte.
Astearte eguerdian jakinarazi du Sidenorrek Israelekin harreman komertzialak etengo dituela. Ordu batzuk lehenago ELA, LAB eta ESK sindikatuek, BDZ mugimenduarekin batera, euskal enpresari eskatu diote gaur bertan Bartzelonako portutik Israelera irten den bidalketa bertan behera... [+]
El Salto hedabideak argitaratu zuen Espainiako dozenaka musika jaialdiren Superstruct sustatzailea Israelen aldeko funts batek erosi zuela. Geroztik, musika talde eta bakarlari ugari batu dira KKR-ren aurkako boikot kanpainan, eta Israel Palestinan egiten ari den genozidioaren... [+]
Beasaingo enpresaren akzioen %3ren jabe da Eusko Jaurlaritza, eta adierazi du CAFek nazioarteko legedia errespetatzen duela. BDZ Euskal Herriak gogorarazi dio gobernuak derrigortuta daudela okupazioa bultzatzen duten proiektuen aurka egitera.
Egoitza nagusia Basaurin duen enpresak IMI Systemi egin dio bidalketa. Armagintzan bakarrik aritzen da Israelgo Estatuko konpainia hori.
Azpeitiko Elkar-ekin taldeak protesta ekintza egin du asteazken gauean. 1.000 kilo obra-hondakin utzi dituzte bankuko sarreran, hildakoak irudikatzeko panpinak jarri eta porlanez zikindu dute egoitza.
Mundu guztia Gazari begira ari da orain. Baina Palestina ez da lur hori bakarrik. Bada beste lurralde bat, izen bera duena, ostutako lurren atzean, moztutako gorputz adarra nola begiratzen diona galdutako lurrari: Zisjordania, eta, egoera are bereziagoan, Jerusalem. Lurralde... [+]
Metro Bilbaok I-SEC Aviation Security S.L. segurtasun-enpresa kontratatu zuen apirilean. Horren aurrean, kexak aurkeztu dituzte dozenaka herritarrek Metro Bilbaoren bulegoetan, Bilbo-Palestina Herri Ekimena eta Nodo BDZ-Bizkaiak deituta.
Okupatutako Jerusalemgo Ekintza Nazional eta Zibileko batzordeak jakinarazi du trenaren bigarren fasearen hasiera, eta gaitzetsi egin du kokalekuen arteko komunikazioa indartzea duelako helburu. Zisjordanian 22 kokaleku berri ezarriko dituela adierazi du Israelek.
"Weissman kanpora, sionismo-faxismoa suntsitu" idatzi zuen sarean, palestinarrak erailtzeko deia egin baitzuen Granadako jokalariak. "Arrazakeriaren eta Xenofobiaren Aurkako Legea" ezarrita, isun erraldoia jarri diote Indar Gorriko kide bati.
KKRk urtarrilean erosi zuen Superstruct sustatzailea, Sónar, Viña Rock edo Resurrection Fest jaialdiak sustatzen dituena besteren artean. Palestinaren kolonizazioari lotutako higiezin-jardueretan eta Israelgo sektore teknologikoan parte hartzeagatik seinalatu dute... [+]
.jpg)
Europako Irrati-telebisten Batasunari zuzendua da artisten maiatzaren 6ko agiria. Eurovisionen parte hartu izan duten 72 artistak ohartarazi dute Eurovisionek "ezin duela gizateriaren aurkako krimenak estaltzeko balio ukan".
Palestinarekin Elkartasuna plataformaren ekimenez, txirrindularitzarekin lotura duten 70 bat pertsonak eskatu dute talde sionistak ez dezala txapelketan parte hartu, eta lortu dute.
Hego Euskal Herriko lau hiriburuetan egin dituzte manifestazioak. Israelek Palestinan egin duen eta aurrera daraman genozidioarekin kolaboratzen duten enpresei laguntza publikoa emateri uzteko eskatu diete Nafarroako Gobernuari eta Eusko Jaurlaritzari.