Sidenorrek Israeli altzairua saltzeari utziko diola iragarri du, Palestinaren aldeko eragileen presioaren erdian
Astearte eguerdian jakinarazi du Sidenorrek Israelekin harreman komertzialak etengo dituela. Ordu batzuk lehenago ELA, LAB eta ESK sindikatuek, BDZ mugimenduarekin batera, euskal enpresari eskatu diote gaur bertan Bartzelonako portutik Israelera irten den bidalketa bertan behera uzteko. Aurreko asteetan hainbat hedabidek argitaratu dute Sidenorrek 2024ko abuztuaz geroztik 1.200 tona altzairu inguru saldu dizkiola estatu sionistari, eta horren harira salaketak piztu dira Euskal Herrian zein nazioartean.
aurre egingo dieten hedabide independenteak
"Euskal enpresak adierazi duenez, Espainiako Gobernuak apirilean Israeli saltzeko kontratua bertan behera uztea erabaki ondoren, Israeli altzairuaren salmentak etetea erabaki du. 2024an, Sidenorrek Israelgo enpresekin zuen merkataritza-harremana guztizko salmenten % 0,5 baino gutxiago izan zen". Horrela dio Europa Press berri agentziak zabaldu duen albisteak, Sidenorrek bidalitako ohar bati aipamena eginez. Albiste laburrak ez dio aipamenik egin azken asteetan zabaldu diren informazioei, enpresaren eta Israelen arteko harremanei buruz.
1.200 altzairu tona Israelen armak ekoizteko
Aste batzuk direla jakin zen 2024ko abuztuaz geroztik Sidenorrek altzairuzko hiru kargamentu –1.200 tona inguru orotara– bidali dituela Palestina okupatuko Haifa portura. BDZ-Bizkaiak salatu zuenez, altzairuaren eroslea IMI Systems enpresa zen, besteak beste, Israelgo armadarentzako armak egiten dituena. Informazio hori eskuan, Sidenorreko enpresa batzordeak, ELA, LAB eta ESK sindikatuen bidez, eskatu zion enpresari bere egiazkotasuna argitzeko eta Israelgo erakunde zein enpresekin harremanik ez izateko konpromisoa hartzeko. Deiarekin bat egin zuten Munduko Sindikatuen Federazioak, Portuko Langileen Nazioarteko Kontseiluak eta BDZ mugimenduak.
Astearte goizean prentsaurrekoa eman dute ELA, LAB eta ESK sindikatuek eta BDZ-Bizkaia mugimenduak. Agerraldian, Sidenorrek aipatutako informazio eskaerari ez diola erantzun salatu dute, eta asteartean bertan burutzekoa zen laugarren bidalketa baten berri ere eman dute: "Uztailaren 1ean Zim Luanda itsasontzia Bartzelonako portutik aterako da Sidenor Aceros Especiales fabrikatzailearen altzairuzko 122 barrarekin, uztailaren 11n Israelgo Haifa portuan karga entregatzeko, hainbat hedabidek jakitera eman dutenez".
Lau eragileek Sidenorri eskatu diote eskatutako informazioa emateko, eta "eskaera hori berretsiz gero, enpresa israeldarrari altzairua bidaltzeari berehala uzteko". Erakundeei ere –"bereziki Eusko Jaurlaritzari"–, eskatu diete "gauza bera egiteko eta Palestinako genozidioarekin kolaboratzen duten enpresekin edozein motatako adostasunak baztertzeko".
Sidenorren jakinarazpena ordu gutxi batzuk beranduago heldu da –oharrean enpresak ziurtatu du 2024an "Sidenorrek Israelgo enpresekin izan zuen merkataritza-harremana guztizko salmenten %0,5 baino gutxiago" izan zela, baina ez du publiko egin diren salmenten inguruko informazioarik eman, eta ez du argitu gaur Bartzelonatik irtetekoa zen kargamentua burutuko den edo ez–.
Sidenorren aurkako kereila Auzitegi Nazionalean
Bartzelonan, Kataluniako Komunitate Palestinarra izan da Sidenorren negozioak salatu eta ekiditen saiatu dena. Besteak beste, larunbatean Bartzelonako guardia epaileari eskatu zion itsasoko altzairua konfiskatu dezala, eta asteartean eskaera berdina egin dio Espainiako Auzitegi Nazionalari, kereila bat aurkeztuta. Eragileak “kontrabando” delitua egotzi dio Sidenorri.
Eldiario.es-ek argitaratu duenaren arabera, ordea, Zim Luanda itsasonntzia 13:00ak pasatxo irten da Bartzelonako portutik.
BDZ: “Lortu dugu!”
Sidenorren erabakiagatik poza agertu du Israelen aurkako boikota, desinbertsioa eta zigorrak bultzatzen dituen nazioarteko mugimenduaren parte den BDZ-Bizkaia eragileak. "Lortu dugu!", adierazi du sare sozialetan.
Euskal enpresaren erabakia presioaren ondorioa dela ziurtatu du LAB sindikatuak: "Duela aste batzuk, Sidenorrek Israelgo armadarekin harreman komertzialak zituela jakin zen. Ordutik hona, Sidenorri presioa egiteko hainbat bide ireki dira, bai Euskal Herrian, bai nazioartean ere, eta presio horren ondorioz, Sidenorrek Israelekin dituen merkataritza-harremanak eten dituela adierazi du gaur". Sindikatuak adierazi du "adi" egongo dela Sidenorrek agindutakoa bete dezan, eta Confebask eta CEN enpresen elkarteei eskatu die "norabide berdinean ekiteko, Israelgo gerra-makineriarekiko lankidetza oro bertan behera utzita", ez dutelako onartuko "negozioa egitea genozidio baten kontura".
LAB sindikatuak kritikatu du Sidenor enpresako buruari Joxe Mari Korta saria ematea, enpresa hori "Israelgo Armada indartzeko altzairua saltzen" aritu baita orain gutxira arte.
NBEren txosten batek azaldu du Beasaingo enpresak lagundu egiten duela Israelgo legez kanpoko kolonien hedapenean. Amnistia Internazionalek deialdia egin die gobernuei “urgentziaz” esku hartu dezaten txostenaren ondorioekiko.
El Salto hedabideak argitaratu zuen Espainiako dozenaka musika jaialdiren Superstruct sustatzailea Israelen aldeko funts batek erosi zuela. Geroztik, musika talde eta bakarlari ugari batu dira KKR-ren aurkako boikot kanpainan, eta Israel Palestinan egiten ari den genozidioaren... [+]
Beasaingo enpresaren akzioen %3ren jabe da Eusko Jaurlaritza, eta adierazi du CAFek nazioarteko legedia errespetatzen duela. BDZ Euskal Herriak gogorarazi dio gobernuak derrigortuta daudela okupazioa bultzatzen duten proiektuen aurka egitera.
Egoitza nagusia Basaurin duen enpresak IMI Systemi egin dio bidalketa. Armagintzan bakarrik aritzen da Israelgo Estatuko konpainia hori.
Azpeitiko Elkar-ekin taldeak protesta ekintza egin du asteazken gauean. 1.000 kilo obra-hondakin utzi dituzte bankuko sarreran, hildakoak irudikatzeko panpinak jarri eta porlanez zikindu dute egoitza.
Mundu guztia Gazari begira ari da orain. Baina Palestina ez da lur hori bakarrik. Bada beste lurralde bat, izen bera duena, ostutako lurren atzean, moztutako gorputz adarra nola begiratzen diona galdutako lurrari: Zisjordania, eta, egoera are bereziagoan, Jerusalem. Lurralde... [+]
Metro Bilbaok I-SEC Aviation Security S.L. segurtasun-enpresa kontratatu zuen apirilean. Horren aurrean, kexak aurkeztu dituzte dozenaka herritarrek Metro Bilbaoren bulegoetan, Bilbo-Palestina Herri Ekimena eta Nodo BDZ-Bizkaiak deituta.
Okupatutako Jerusalemgo Ekintza Nazional eta Zibileko batzordeak jakinarazi du trenaren bigarren fasearen hasiera, eta gaitzetsi egin du kokalekuen arteko komunikazioa indartzea duelako helburu. Zisjordanian 22 kokaleku berri ezarriko dituela adierazi du Israelek.
"Weissman kanpora, sionismo-faxismoa suntsitu" idatzi zuen sarean, palestinarrak erailtzeko deia egin baitzuen Granadako jokalariak. "Arrazakeriaren eta Xenofobiaren Aurkako Legea" ezarrita, isun erraldoia jarri diote Indar Gorriko kide bati.
KKRk urtarrilean erosi zuen Superstruct sustatzailea, Sónar, Viña Rock edo Resurrection Fest jaialdiak sustatzen dituena besteren artean. Palestinaren kolonizazioari lotutako higiezin-jardueretan eta Israelgo sektore teknologikoan parte hartzeagatik seinalatu dute... [+]
.jpg)
Europako Irrati-telebisten Batasunari zuzendua da artisten maiatzaren 6ko agiria. Eurovisionen parte hartu izan duten 72 artistak ohartarazi dute Eurovisionek "ezin duela gizateriaren aurkako krimenak estaltzeko balio ukan".
Palestinarekin Elkartasuna plataformaren ekimenez, txirrindularitzarekin lotura duten 70 bat pertsonak eskatu dute talde sionistak ez dezala txapelketan parte hartu, eta lortu dute.
Hego Euskal Herriko lau hiriburuetan egin dituzte manifestazioak. Israelek Palestinan egin duen eta aurrera daraman genozidioarekin kolaboratzen duten enpresei laguntza publikoa emateri uzteko eskatu diete Nafarroako Gobernuari eta Eusko Jaurlaritzari.