Aldundiak Bilbao Basketi emandako bost milioi euro itzultzeko eskatuko du Espainiako Kontu Auzitegiak
Espainiako Estatuko Kontu Auzitegiak prozedura ireki du Bilbao Basket kirol elkarteak Bizkaiko Foru Aldundiari itzul diezaion 2013an jasotako 5,3 milioi euroko laguntza, eldiario.es-ek zabaldu duenez. Diru horrek salbatu zuen kluba desagertzeaz.
5,3 milioi horietatik, Bilbao Basketek 1,9 jaso zituen zuzenki; beste 3,4 milioiak Foru Ogasunarekiko zorra barkatzetik etorri zitzaizkion. Aldundiak Bizkaiari egindako publizitatearen aitzakiarekin justifikatu zuen diru-laguntza hura. Izan ere, taldearen kamisetetan Aldundiaren logoko haritz hostoa ageri da 2009tik.
Laguntza ematea onartu zen unean Jose Luis Bilbao zen Bizkaiko diputatu nagusia. Bitxia bada ere, bera da orain EAEko Kontu Publikoen Auzitegiko burua. Kontuan izan behar da auzitegi horren bultzadagatik ekin diola Espainiako Kontu Auzitegiak justifikatu gabeko diru-laguntzengatik prozedura irekitzeari. Hala ere, auziari abiapuntua eman zion auditoria 2015ean egin zuen EAEko Kontu Publikoen Auzitegiak, Jose Luis Bilbao iritsi aurretik beraz.
Eldiario.es-en esanetan, mota horretako prozeduren helburua da gastu desegokien arduradun politikoek beren patriketatik itzul dezatela modu desegokian gastatutako diru publikoa.
Kirol profesionala eta laguntza publikoak
Beste klub batzuen inguruko datuekin batera, Bilbao Basketek azken urteotan euskal administrazioekin mantendu duen harremana izan du hizpide hilabete honetako LARRUNen ARGIAko kazetari Jon Tornerrek.
Osorik irakurtzeko: Kirol profesionala eta laguntza publikoak; Euskal erakundeak, bidelagun baino gehiago.
Jaime Gómez-Obregón ingeniariak oso tresna baliagarria sortu du Jaurlaritzaren diru publikoaren erabileraz gehiago jakiteko. 2018tik 2022ra erakunde horrek hedabideen artean banatu dituen publizitate kanpaina guztien datuak prozesatu, aletu eta era ulergarrian... [+]
Herriko festetan, zezenak erabiltzen dituzten ekitaldietan udalek zenbat diru gastatzen duten ikertu dute AnimaNaturalis eta CAS International elkarteek. Hego Euskal Herriko datuei erreparatuz gero, Azkoien eta Azpeitia nabarmendu dituzte.
Euskarazko hedabideei euskara sustatzeagatik legez dagokien dirulaguntzak Eusko Jaurlaritzarekin negoziatzen luze aritu da Hekimen, Euskal Hedabideen Elkartea. Baina euskarazko komunikabideentzat lortutako dirulaguntza nahikoa ez den bitartean sektorea egonkortzeko, 6 milioi... [+]
Donostiako udalbatzak legegintzaldiko azken ikasturteari hasiera ematen dioten ondasunen aitorpena aurkeztu du Gipuzkoako Aldizkari Ofizialean. Donostiako alkateak eta zinegotziek adierazi dute 24 etxebizitza dituztela –jabetzan edo partekatutako titulartasunean–, 9... [+]
Eusko Jaurlaritzak uztailaren 5ean egindako Gobernu Bileran erabaki zuen Kultura eta Hizkuntza Politika sailaren bitartez 15.000 euroko diru-laguntza ematea Elkano Fundazioari.