Albisuk dinamizatzaile lanean jarraitzea eskatu diote 65 irakurle taldek Nafarroako Gobernuari
Euskal Herriko 65 irakurle taldek Mikel Albisuk egiten duen dinamizatzaile lanarekin jarraitzea eskatu diote Nafarroako Gobernuari. Sostengu agiria astearte eguerdian aurkeztu dute Iruñeko Laba elkartean.
aurre egingo dieten hedabide independenteak
Foru gobernuko Kultura Departamentuak eskatu die Nafarroako iparraldeko hainbat udali utz dezatela Mikel Albisurekin irakurle taldeak dinamizatzeko duten elkarlana. Horri erantzunez, joan den astean Aurizberriko irakurle taldeak agiri bat zabaldu zuen, eskatzen Mikel Antzari –hori da Albisuren izen literarioa– bakean uzteko lan egiten eta, bide batez literatura ere bakean uzteko.
Astearte eguerdiko agerraldian hainbat irakurle taldeen agiriaren berri eman dute Mikel Tabernak, Garazi Arrulak, Ines Castiellak, Josu Jimenezek eta Sagrario Alemanek, bostak euskal letren munduan hainbat zereginetan aritzen diren izen ezagunak. Aurizberriko irakurle taldeak egindako atxikimendu deiari erantzutera datozela zehaztu dute.
“Izan ere –diote agirian– adierazpen horri irakurle taldeetako 37 dinamizatzaile eta 276 irakurle atxiki gatzaizkio, eta batzuon eta besteen artean Euskal Herri osoko 65 irakurle taldetako partaideak ageri gara zerrenda horretan. Epizentroa Aurizberrin izan zuen lur mugimendu honek, Tafallatik Baigorrira, Lekeitiotik Pasaiara, eremu asko zeharkatu ditu. Azpimarratu nahi dugu Nafarroakoak direla ia herena, hogei irakurle talde (hemeretzi Nafarroa Garaikoak, bat Nafarroa Beherekoa). Uste dugu Nafarroako Gobernuak bereziki aintzat hartu behar lukeela datu hori”.
Mikel Antza 1980ko hamarkadatik egindako lan literarioengatik ezaguna dela azpimarratu dute eta orain Covite biktimen elkarteak lan egiteko eskubidea ukatu nahi diola. Orain, gainera, “Nafarroako Gobernuak, elkarte horren nahia besterik gabe onartzerakoan, epaitegi bati legokiokeen papera hartu du, herritar libre bat zigortu dezaten eskatuz”.
Agiriaren sinatzaileek eskatu diote gobernuari berrikus dezala hartutako erabakia, eta atzera egin dezala, “edozein herritarri bezala askatasunez aritzen utziz Mikel Antzari, literatur jardunean eta irakurle taldeen dinamizazioan oztoporik jarri gabe. Zeren eta, zeregin honetan aritzen garen guztion kasuan bezala, irakurle taldeetako partaideak baitira gure lanaren neurria zein den erabakitzeko zilegitasuna duten bakarrak”.
Coviteren eskaera Nafarroako Gobernuari
Covitek hilaren 15ean zabaldu zuen Mikel Albisuk hainbat irakurle talderekin egiten duela lan. Elkartearen esanetan, “irakurketa taldeak hausnarketa eta balore transmisiorako guneak dira, eta plataforma hori ETAko kide bati ematea, irain handia da biktimen memoria eta duintasunerako”. Consuelo Ordoñez biktimen elkarteko kidearen ustez, gainera, egoera are larriagoa da, kontuan hartuta “bere koordinatzaile kargua ‘Mikel Antza’ ETAko bere goitizenarekin aurkezten duela; hori bere ibilbidearen aldarrikapen osoa da”.
Gaurko agerraldian adierazi duten moduan, ordea, Albisu etakide izan aurrekoa da Mikel Antza goitizen literarioa, eta 80ko hamarkadan hainbat lan sinatu zituen jada izen horrekin, hala nola, Suzko gezi bat bezala (1983), Lehen bilduma 82-84 (1985) eta Odolaren usaina (1987).
Coviterentzat, Albisurekin lan harreman hori duten udalen jarduera “lotsagarria” eta “inmorala” da. Hurrengo urratsean, eta Covitek hala eskatuta, Nafarroako Gobernuko Kultura Zuzendaritza Nagusiak Albisurekiko lan harremana eteteko eskatu zion Aurizberriko liburutegi publikoari. Eskaera horren oinarri gisa Nafarroako Elkarbizitzarako Plan Estrategikoa aipatzen du zuzendaritzak, baina aipatu gabe Albisuk irakurle talde horren dinamizazioarekin plan horren zein atal urratzen duen.
Ahotsa.info-ko ondoko bideoan ikus liteke agerraldia:
2020ko Euskadi Literatura Saria irabazi zuen Cambiar de idea (Ideiaz aldatu) autofikzio feministarekin. Emakume idazleek literatura kanon patriarkalera egokitu beharra kritikatu zuen liburu horretan. Todo empieza por la sangre (Dena odoletik hasten da) bere seigarren... [+]
LAIDA ikerketa taldeak Bermeoko Arrantzaleen museoan abuztuaren 28 eta 29 antolatutako ikastaroan egingo duen hitzaldiaren sintesia da Arestiren ekarpen artistikoa nabarmentzea.
Parranda dezente egindakoa naiz Kardaberazen –Hernanin izen hori zeukan kalean, alegia–, baina ez nuen asko espero festa egin ahalko nuenik inoiz Kardaberazekin: a ze dibertimendua 1761ean argitaratu zuen Euskararen berri onak. Idatzi zituen beste lan gehienak ez... [+]
Joxe Azurmendi (Zegama, Gipuzkoa, 1941-2025) idazle, filosofo eta saiakeragilea zendu da. Literatura eta pentsamenduaren arloan lan itzela egindakoa, intelektual gisa ez ezik, euskararen eta kulturgintzaren aldeko mugimenduetan engaiaturik eman zuen bizitza osoa. Besteak... [+]
6 urtez azpiko haurrek egunean ordubetez baino ezin zuten egon Debako liburutegian, eta egoera hori aldatzeko borrokan aritu da herriko ama talde bat. Udal gobernuak jarrera aldatu eta onartu du herritar guztiek, duten adina dutela, nahi dutenean egon ahal izatea liburutegian... [+]
Belaunaldi oso baten liburua da Palinpsestoa. Idazten dakien modura idatzi du Arrieta Ugartetxeak, eta horixe dateke alde gaitza. Gainerakoan, hortxe gure iragan hurbila, gerra ondoa, apaiz giroa, euskara, militantzia… eta ez hain hurbila ere, senide nagusien gerra... [+]
Ostegunean banatu dute saria, Amasa-Villabonako Hika txakolindegian. Bertan jakinarazi dute 2024koa izan dela 111 Akademiak banatuko duen azken saria.
Euskaltzaindiak, EHUko Gabriel Aresti Katedrak, Gabriel Aresti kultura elkarteak eta Bilboko Koral Elkarteak elkarlanean antolatu dute egitaraua. Ostiral honetan, adibidez, Bilboko Udalaren Txistularien Bandak Aitaren Etxea emanaldia joko du Euskaltzaindiaren... [+]
Ekainaren 5ean 50 urte beteko dira Gabriel Aresti zendu zela, jaio zen hirian bertan, Bilbon. Ziutatearen tristeziak bestelako kolore bat duen garaiotan, belaunaldi berri batzuek Arestiren hitzak goratzeaz aparte, haren esanak gaurko egunetik aztertu dituzte hiri horretan... [+]
Diziplina askotan ibilia da Amaiur Epher (Izpura, 1994). Aktore lanak egiten ezagutu nuen orain urte batzuk. Diabolo Kiwi edo Frigo taldeekin erritmo dantzagarriak joz ikusi eta entzun du, ziur, batek baino gehiagok. Eta idazlea ere bada. Bigarren liburua argitaratu berri du:... [+]
Heriotzak Eduardo du izena
- Egilea: Formol konpainia (eta Ander Lipusen manifestua)
- Non: Modelo Aretoan, Zarautzen, Literaturia jaialdia
- Noiz: Maiatzaren 23an.
-------------------------------------------------------------
Bunker batean garatzen da antzezlana... [+]
Dantza, xake edo kirol topaketak egiten diren bezalaxe, literatura gustuko duten haur eta gazteek ere zaletasuna partekatu, elkar ezagutu eta egunpasa ludikoa egiteko aukera izango dute, datorren igandean. Ikasturtean zehar elkarri gutunak idazten aritu diren 130 gaztetxo... [+]
Unai Elorriagaren Francesco Pasqualeren bosgarren arima liburua izan da lehiako bigarren finalista.
Ekainaren 7an izango da Baltsan elkarteak eta ARGIAk elkarrekin antolatzen duten Ziburuko Euskal Liburu eta Disko Azoka. Seigarren edizio honetan Aurelia Arkotxa izango da omendua eta egitarau oparoa ezagutzera eman dute prentsaurrekoan. Ziburuko Azokaren uhina inguruko... [+]