ARGIA.eus

2021eko maiatzaren 09a

Alarma egoera amaitzekotan neurriak mantenduko ditu Jaurlaritzak

  • Ostiralean lege dekretu bat sinatuko duela adierazi du Urkullu lehendakariak. Neurri murriztaileak mantendu nahi ditu Jaurlaritzak, baina zalantza juridikoak daude eskumenen inguruan.

ARGIA @argia
2021eko maiatzaren 03a
Astelehen goizean egin ditu adierazpenak Urkulluk. Irudia: eitb.eus.

Espainiako Gobernuak ostiralean alarma egoera indargabetuz gero Jaurlaritzak hartuko duen neurriaren berri eman du Iñigo Urkullu lehendakariak astelehen goizean kazetariei eginiko adierazpenetan: ostiralean lege dekretu bat onartuko luke, eskubide murrizketa nagusiak indarrean mantentzea xede. Alarma egoera maiatzaren 9an indargabetzeko asmoa bere horetan mantentzen du Sánchezen gobernuak, eta Jaurlaritzaren dekretua 10ean sartuko litzateke indarrean. Lau eta sei aste bitartean mantenduko litzateke indarrean dekretua, Urkulluren esanetan.

Zalantza juridikoak

Zalantza juridikoak daude, ea alarma dekretua indarrean egon gabe erkidegoek egun indarrean dauden murrizketa neurri nagusiak onartzeko eskubidea duten, nagusiki etxeratze agindua, itxiera perimetralak, eta kopuru batetik aurrera elkartzeko debekua. Urkulluk adierazi du Jaurlaritzak epaileekin kontrastatuko duela lege dekretua, onartu aurretik.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Koronabirusa  |  Eusko Jaurlaritza

Koronabirusa kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude