Akordioa lortuta, H&Mko langileek akabera eman diote grebari
Multinazional suediarrak Hego Euskal Herrian dituen dendetako langileek apirilean ekin zioten grebari, eta asteetako borrokaren ostean lortu dute akordio batetara heltzea: H&Mk ez du langilerik kaleratuko, ezta lan baldintzetan "funtsezko aldaketarik" egingo.
Bizkaia, Gipuzkoa, Araba eta Nafarroako H&M dendetako langileek apirilaren 22an ekin zioten greba mugagabeari, eta ia bi hilabetez borrokan egon ostean langileak beren lanpostuetara itzuliko dira. Aldaketa enpresarekin akordio batetara heldu izanari dagokio, Suediako multinazionalak onartu baitu Hego Euskal Herrian langilerik ez kaleratzea. Horrez gain, bestelako lorpenik ere azpimarratu du ELA sindikatuak, jakinaraziz "lan baldintzen funtsezko aldaketarik ez aplikatzea" lortu dutela "nahiz eta estatu mailan enpresak CCOO eta UGTrekin hori hitzartuta izan".
ELAk seinalatu du CCOO eta UGT sindikatuek ez diotela babesik eman grebari. Bi sindikatuek Espainiako Estatu mailan H&Mrekin adostutakoek ez dute bat egiten Hego Euskal Herriko grebalariek egindako negoziaketarekin, estatu mailan zenbait kaleratze onartu baitituzte.
Langileak zoriontzeaz gain, sektorean borroka egitearen garrantziaz ohartarazi du ELAk. Izan ere, azaldu duenez, oihalgintzako enpresa handien estrategia etekinak maximizatzeko online salmentak sustatzea da, langileak alde batera utziz. "Enpresen politika hau lanpostu asko eta asko suntsitzen ari da. Enpresak emandako datuen arabera, H&Mk 2019an 21.988 miloi euro fakturatu zituen, eta 1.270 milioi euroren etekina lortu, hots, aurreko urtean baino %6,3 gehiago. Estatu mailan sinatutako EREak aurreikusten zuen 920 lanpostu kendu eta 26 denda ixtea", azaldu du.
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
Plantillak astelehenean ekin dio grebari, kaleratzeei ezetz esateko. Espedientearen kontsulta-aldia abuztuan hasi izana salatu du Hego Uribeko LASek, enpresaren asmoa "langileen mobilizazioa eta erantzuna oztopatzea" izan delakoan.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
Euskararen normalizazioaren motorrak herri dinamikara bueltatu behar du aurrera egin nahi badugu
Plantillak baiezkoa eman dio aurreakordioari, eta, printzipioz, urte hau amaitzean itxiko dute fabrika.
Gasteizko lorezainen grebak lau hilabete bete ditu, langileek salatu dute Enviser enpresak eta Gasteizko Udalak blokeatu dutela auzia, bilera berririk ez dutelako egin uztailaren 7tik.
ELAk eta LABek ez dute lan batzordearen gehiengoak erdietsitako eta langileen gehiengoak onartutako aurreakordioa sinatu: "Ez da 1.000 familiarentzako irtenbiderik planteatzen. Finean, lanpostu askoren galera eta fabrikaren itxiera dakar", adierazi du LAB sindikatuko... [+]
Uztailak 8, 16 eta 21 izan dira greba egiteko ELA eta CCOO sindikatuek aukeratutako egunak. Kontsumorako Prezioen Indizea (KPI) eta soldatak parekatzea eta lanaldiak murriztea eskatzen dute.
Langile batzordeak eta enpresak adostutako aurreakordioak 655tik 609ra murriztuko ditu kaleratzeak, gainerakoak birkokatuko dituzte. Astelehen arratsaldean jakin da langileen %78k babestu dutela akordioa. Nafarroako Gobernuak eta langile batzordeak etorkizunari begira,... [+]
Bilera akigarria izan zuten asteazkenean Eskirozko BSHko lan batzordeko kideek eta multinazional alemaniarraren zuzendaritzako kideek: aurreakordioa lortu zuten UGT, CCOO, ATTIS eta Solidarik (17 ordezkaritik gehiengoa dute 12 kiderekin) eta ez dute mahai gainean jarritakoa... [+]
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
Eusko Jaurlaritzako Ekonomia, Lan eta Enplegu sailburu Mikel Torresek asteazken honetan aurkeztu du EAErako gutxieneko soldataren inguruan egindako azterketa, eta 1.385 eurorainoko kopurua jarri du erreferentzia moduan, "aurreikuspen baikorrenean". ELA eta LAB... [+]