1.500 lagunek harrera egin diote Ivan Colonnaren gorpuari Korsikan

  • Martxoaren 21ean zendu da preso korsikarra, duela hiru aste pairaturiko jipoiaren ondorioz. Martxoaren 25ean eginen dituzte ehorzketak Cargese herrian.


2022ko martxoaren 24an - 09:15
Gorpuaren heltzea, Ajacciora (Irudia: Corse Matin)
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Martxoaren 23 gauean arribatu da Yvan Colonna presoaren gorpua Korsikara, 1.500 lagunek bideratu harrera eta agurtze hunkigarriaren artera. Ajaccioko aireportu inguruan batu da jendetza eta ehunka lagun izanda ere, isiltasuna nagusi zen gorpua zeraman autoa jende artetik pasatzerakoan.

Corse Matin komunikabideak egin zuen unearen jarraipena twitter bidez:

 

Cargese herrian ehortziko dute martxoaren 25ean, arratsaldez.

"Yvan Colonna korsikar abertzaleak beti aldarrikatu izan du bere errugabetasuna, etengabean borrokatu izan da Justiziak hobengabe aitortzearen alde. Injustizia eta tragedia da bere heriotza, Korsikaren eta korsikarren historia garaikidea markatuko duena. Doluaren eta baitaratzearen tenorea dugu”. Horiek dira Gilles Simeoni Korsikako gobernuburuaren hitzak, presoaren heriotzaren berri ukan eta berehala plazaraturikoak. Martxoaren 21ean zendu da Colonna eta orduz geroztik doluak eta beilek hartu diete lekua protestei. Ikusteke dago ondoko egunetan zer nolako bilakaera hartuko duen korsikar abertzaleen haserreak.

Martxoaren 1az geroztik koman

Martxoaren 1ean sartu zen koman 2003 urteaz geroztik preso zen independentista, beste preso batek zortzi minutuz emandako jipoiaren ondorioz. Protestak segituan piztu ziren Korsikan –manifestazioak, okupazioak, blokeoak, elkarretaratzeak–, eta hainbat gau eta egunez nagusitu da kale-borroka. Giroa baretzeko bidean, Frantziako Gobernuaren partetik urratsak "ezinbestekotzat" dauzkate korsikarrek. Colonnaren heriotzari buruzko "egia eta justizia" eskatzen dituzte, baita Korsikaren ezagupena ekarriko duen benetako bake prozesua ere.

Korsikaren autonomiaren alde da korsikarren gehiengoa, eta tentsioak baretzeko xedez martxoaren 16an irlara egindako bisitan estatus hori bideratzearen alde agertu da Frantziako Barne ministro Gerard Darmanin. Ikusi beharko da zer dagoen adierazpen horren atzean: hemendik bi astetara diren Frantziako hauteskunde presidentzialen aitzineko promesa eder bat ala benetako konpromisoa.


Kanal honetatik interesatuko zaizu: Korsika
Korsikaren autonomia estatutua: uztaila aitzin bozkatuko dute Frantziako Konstituzioaren moldaketa

Otsaila bukaeran abiatuko dute Frantziako Konstituzioaren moldaketa dakarren proposamenaren idazketa. Agendaren berri ukan bezain laster berretsi du bere baldintza Korsikako Asanbleak: "Irlako hautetsi eta eragile guztiak beharko dira idazketa fasean inplikarazi".


FLNCk bere gain hartu ditu bigarren etxebizitzen aurkako 27 eraso

Mediterraneoko uharteko bigarren etxebizitzen kontrako ekintzak bere gain hartu ditu Korsikako Nazio Askapenerako Fronteak (FLNC). Igandetik astelehenerako gauean gertatu dira eta aurretiaz ere bestelako eraso batzuk aldarrikatu zituen abuztu hasieran.


Macronek autonomia eskaini dio Korsikari, Frantziako Errepublikaren barruan

Frantziako Konstituzioan Korsikaren izaera berezia jasoko luke artikulu batek. Presidenteak hezkuntzan korsikera bultzatzeko asmoa iragarri du, baina ez hizkuntza ofizial bihurtzeko.


Korsikak autonomia legegilea eskatu dio Parisi, inoizko babesik zabalena lorturik

Autonomisten eta independentisten arteko deliberazio komuna lortu dute, eztabaida, gatazka eta negoziaketa luzeen ondotik. 63 hautetsietatik 46k alde bozkatu dute, oposizioko Un Soffiu Novu-k aurka bozkatu du eta Corsica Libera talde independentistako bat abstenitu da, Josepha... [+]


Korsikako Asanbleak uztailaren 4an adostu beharko luke Frantziari proposatuko dion autogobernu heina

Korsikaren burujabetzari buruzko saio berezia eginen du uztailaren 4an irlako asanbleak. Bitartean, eskatu beharrekoari buruzko adostasun batera heldu nahian dabiltza alderdi abertzale ezberdinak.


2023-03-14 | Leire Artola Arin
Korsikeraz aritzea debekatu diete Korsikako Asanbleako hautetsiei jardun publikoetan

Korsikako Asanblean eta Exekutiboan korsikera erabiltzea Frantziako Konstituzioaren aurkakotzat jo du Bastiako Auzitegiak, uharteko prefet ohiaren helegitea ebatzita. Korsikako herritarren eskubideen urraketa dela salatu du, besteren artean, Gilles Simeoni Korsikako Kontseilu... [+]


Pierre Alessandri Korsikako preso politikoa espetxetik aterako da urtebeteko frogaldiarekin

Duela hogei urte Claude Erignac Frantziako prefetaren hilketaren komandoaren parte izatea leporatu zioten. Orain, zaintza-neurri zorrotzak bete beharko ditu urtebetez. Eric Barbolosi Alessandriren abokatuak adierazi du erabakia "legea eta zuzenbidea hertsiki aplikatzearen... [+]


Yvan Colonnaren heriotza ikertzeko batzordea sortu du Frantziako Legebiltzarrak

Asanblea Nazionaleko Legeen Batzordeak aho batez onartu du ikerketa batzordearen sorrera azaroaren 23 honetan. Gehienik sei hilabetez iraunen du prozedurak.


2022-08-11 | ARGIA
Adierazpen bateratua izenpetu dute Korsikako, Kanakyko, Guyanako, Polinesiako eta Euskal Herriko alderdi independentistek

Frantziaren menpe segitzen duten hainbat herrietako alderdi independentista banak adierazpena izenpetu dute Corte-n (Korsika) urtero egiten diren Ghjurnate di Corti topaketa independentisten baitan.


Korsikaren autonomiari buruzko negoziazioak abiatu dituzte Parisen

21 lagunek osatzen dute Korsikako ordezkaritza: Gilles Simeoni Korsikako Kontseilu Exekutiboko presidenteak, Marie-Antoinette Maupertuis Korsikako Asanbleakoak, ganbera horretako lau talde parlamentarioetako presidenteek eta Frantziako eta Europako zazpi parlamentariek.


2022-06-23 | ARGIA
Currilingua
Korsikan antolatu duten Korrikaren bigarren edizioa

Korsikera sostengatzeko helburuz antolatu dute 110 kilometroko lasterketa. Igande honetan abiatuko da Aleria herritik eta uztailaren 6an iritsiko da helmugara, Bonifaciora.


2022-05-04 | Irulegiko Irratia
Korsikako nazio askapen mugimendua

Irulegiko Irratiko Sakonean emankizunaren hirugarren saioan Korsikako nazio askapen mugimendua izan dute hizpide, Marseillako presondegian Yvan Colonna FLNC Korsikako Nazio Askapen Fronteko militante eta preso politikoak bizia galdu zuenetik hilabetera.


‘Etnozidioa: Frantziako Tabua’ jardunaldietako kronika

ELEN Europako hizkuntzen berdintasunerako sareak eta Kevre Breizh Bertainieraren aldeko erakundeen kontseiluak Etnozidioa: Frantziako Tabua izenburuko jardunaldia antolatu zuten pasa den martxoaren 19an, Bretainiako Gwened herrian. Bertan izan zen Haizpea Abrisketa... [+]


2022-04-04 | ARGIA
“Ordena itzuli arte" negoziaketarik ez dela egongo dio Macronek

Yvan Colonna preso politiko korsikarra beste preso batek Arlesko espetxean egindako erasoaren ostean hil zenetik deitutako lehen manifestazio bateratua egin zuten igandean Korsikan. Protestetan izandako istiluen ostean atzeratu egin dira Frantziako Barne Ministroarekin hasi... [+]


Hats berria eman dio Korsikako burujabetzaren aldeko borrokari Yvan Colonnaren azken hatsak

Zendu da korsikar independentista, 61 urterekin, martxoaren 2an beste preso baten partetik pairatu zafraldiaren ondorioz. Presoa biziaren eta heriotzaren artean zela jakin bezain laster zabaldu zen Statu francese assassinu mezua Korsikan barrena, Frantziako Gobernuaren ardura... [+]


Eguneraketa berriak daude