Yvan Colonna preso politiko korsikarra hilzorian dago, beste preso batek emandako jipoiaren ondorioz
2003an atxilotu zuten Yvan Colonna, eta biziarteko kartzela zigorra betetzen ari da Arlesko (Okzitaina) espetxean.
Korsikar independentisten borrokaren sinboloa da Yvan Colonna preso politikoa. 1998an Ajaccion Claude Erignac prefet frantsesa hil izana egotzita biziarteko kartzela zigorra ezarri zioten 2007an.
Colonnak bera errugabea esan izan du beti, eta Korsikako alderdi abertzaleen gehiengoaren babesa eduki du. Parisko krimen auzitegiak, ordea, frogatutzat eman zuen auzia. Azken urteetan bere familiarengana gerturatzeko hainbat eskaera egin dituzte, baina Frantziako estatuko kartzeletan mantendu dute.
Sulidarità preso politiko korsikarren defentsarako elkartearen arabera, asteazken goizean beste preso batek Arlesko espetxeko patioan emandako jipoiaren ondorioz larri geratu da Colonna, eta ospitalera eraman dute. Beranduago hainbat hedabidek zabaldu dute jipoiaren ondorioz hil dela, baina bere abokatuek "espetxe administrazioak emandako informazioen arabera" gezurtatu egin dute, oso larri legoke.
Colonnak jasandako jipoia eta Frantziako estatuan preso dauzkaten beste bi preso politiko korsikarren egoera dela-eta honakoa idatzi du Sulidarità elkarteak sare sozialetan: “Justizia frantsesari egiten diogun galdera bakarra honakoa da: haien heriotza al da egiazki zuen helburua?”.
Otsaila bukaeran abiatuko dute Frantziako Konstituzioaren moldaketa dakarren proposamenaren idazketa. Agendaren berri ukan bezain laster berretsi du bere baldintza Korsikako Asanbleak: "Irlako hautetsi eta eragile guztiak beharko dira idazketa fasean inplikarazi".
Mediterraneoko uharteko bigarren etxebizitzen kontrako ekintzak bere gain hartu ditu Korsikako Nazio Askapenerako Fronteak (FLNC). Igandetik astelehenerako gauean gertatu dira eta aurretiaz ere bestelako eraso batzuk aldarrikatu zituen abuztu hasieran.
Frantziako Konstituzioan Korsikaren izaera berezia jasoko luke artikulu batek. Presidenteak hezkuntzan korsikera bultzatzeko asmoa iragarri du, baina ez hizkuntza ofizial bihurtzeko.
Autonomisten eta independentisten arteko deliberazio komuna lortu dute, eztabaida, gatazka eta negoziaketa luzeen ondotik. 63 hautetsietatik 46k alde bozkatu dute, oposizioko Un Soffiu Novu-k aurka bozkatu du eta Corsica Libera talde independentistako bat abstenitu da, Josepha... [+]
Korsikaren burujabetzari buruzko saio berezia eginen du uztailaren 4an irlako asanbleak. Bitartean, eskatu beharrekoari buruzko adostasun batera heldu nahian dabiltza alderdi abertzale ezberdinak.