Aitziber Berrueta: "Espainiako gobernu batek gizartea berotu zuelako hil zintuzten aita"
Angel Berrueta eta Kontxi Sanchiz oroitu zituzten atzo Iruñeko Donibane auzoan, haien heriotzaren 15. urteurrenean. Espainiako polizia batek eta bere semeak hil zuten Berrueta, martxoaren 11ko Madrilgo atentatuetatik bi egunera, gizonak bere okindegian ETAren aurkako kartel bat jarri nahi izan ez zuelako.
Kontxi Sanchiz egun bat beranduago hil zen Hernanin, Berruetaren hilketagatik protestan parte hartu zuen manifestazioan bihotzekoak jota, Ertzaintzak egindako karga baten testuinguruan.
Familiaren aldetik, Mari Carmen Mañas Berruetaren alargunak gogora ekarri zituen senarrak okindegian hilzorian bizi izan zituen azken uneak eta biziki eskertu zituen hamabost urte hauetan senideen, lagunen eta auzoaren aldetik jasotako elkartasuna eta sostengua. Ekitaldian ziren Kontxi Sanchizen senideentzat ere izan zituen esker oneko hitzak.
.jpg)
PPko gobernuaren bultzada
Berruetaren alaba Aitziberrek hitz egin zuen ondoren: “Kaixo Aita. 2004ko martxoaren 13a, gure bizitzako egunik txarrena. Hil zintuzten. Hil zintuzten, Espainiako gobernu batek gizartea berotu zuelako martxoaren 11ko atentatuak ETAk egin zituela esanez. Garrantzitsuagoa zen hori, atentatuan hildako pertsona guztiez arduratzea baino. Besarkada bat M11ko atentatuen biktimen 191 familientzat”. Bere aitaren hiltzaileei emandako zigorra –19 eta 15 urte– Altsasuko gazteei emandakoarekin – 13 urtekoa handiena– erkatu zuen; Altsasuko gurasoak ikustean aita-amak beren seme atxilotuen alde egindako borrokarekin gogoratzen dela esan zuen, eta horren haritik, Gurasoak elkarteak egindako lana goraipatu zuen, besteak beste “ bere ama etengabe babestu dutelako”.
Instituzioen babesa
Musikariek, zanpantzarrek, txalapartak eta dantzariek berotu zuten hala moduz arrats hoz eta euritsua. Ehunka herritar izan ziren omenaldian eta baita zenbait agintari eta alderdi politikoetako ordezkari ere, besteak beste, Ainhoa Aznarez foru legebiltzarreko lehendakaria eta Iruñeko alkate Joseba Asiron eta Patri Perales zinegotzia; han ziren, halaber, Alvaro Baraibar Nafarroako Gobernuko Bake eta Bizikidetzarako zuzendaria, Unai Uhalde EAJko nafar buruzagia edo Laura Perez Orain Baiko parlamentaria.
2015eko aldaketa instituzionala gauzatu arte, UPNren Nafarroako Gobernuak eta Iruñeko Udalak auzokideen arteko liskartzat jo zuten hilketa, eta inoiz ez ziren familiarengana zuzendu, ordurako polizia eta semea zigortu zituen epaiak “motibazio ideologikoa” hilketaren zio nagusi izan zela baieztatua bazuen ere. 2014ko martxoan Angel Gogoan Plataforma saiatu zen Iruñeko Udalak onar zezan hilketan motibazio politikoak izan zirela eta Donibanen omenezko plaka bat jartzea. Bilduk eta Nafarroa Baik bakarrik onartu zuten mozioa, eta eskaera ez zen aurrera atera.
Bideoa Ahotsa.infok argitaratu du eta ARGIAra ekarri dugu duela CC by-sa lizentzia baliatuta
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
1978ko uztailaren 8an gertatutakoa estatuaren krimena izan zela azpimarratu dute SF78 Gogoan plataformako kideek, aurretiaz ongi antolatutako estatu krimena.
“Agertu arte guk bila jarraituko dugu”, horixe izan zen Celes Alvarezen bizitzaren goiburua 1980ko ekainaren 20an Batallon Vasco-Españolek Ipar Euskal Herrian semea bahitu eta desagerrarazi zuenetik. Jose Miguel Etxeberria Naparra-ren ama zen Celes. Semea agertu gabe hil zen iragan azaroaren 29an Iruñean eta atzo bere errautsak lurperatu zituzte Lizartzan, Igarola Behekoa baserrian, bere senar Patxi Etxeberriaren –2006an zendua– errautsen alboan. Euskal... [+]
San Saturnino egunean albiste mikatz bat: “Celes Alvarez, Naparra-ren ama, hil da”.
2017ko apirilaren 4an, bi urteko prozesu bati amaiera emanez, Frantziako agintariek erabaki zuten Brocas eta Labrit herrien artean indusketa bat egitea, Jose Miguel Etxeberria Naparra-ren gorpua han egon zitekeelakoan. Orduan Celes Alvarezek 88 urte zituen, eta adin horri dagozkion matxurak edukita ere, tente eta duin segitzen zuen semearen gorpuaren hondarrak etxeratzeko enpeinuan; izan... [+]
Estatu terrorismoaren biktimak baztertzen dituen memoriala dela salatu du Martxoak 3 elkarteak.
Egiari Zor Fundazioak prentsaurrekoa eskaini du adierazteko ez dutela babestuko Eusko Jaurlaritzaren 'Herenegun' unitate didaktikoa. "Ez gara edukietan ordezkatuta sentitzen, Estatuak praktikara eramandako biolentziaren inzidentzia errealaz argi hitz egitea saihesten du", adierazi dute. Eusko Jaurlaritzari eskatu diote dokumentua "berehala erretiratzeko" eta unitate didaktiko berri baten erredakzioari ekiteko, horrela bermatzeko ezagutzera ematea zein izan diren... [+]
Nafarroako indarkeria polizialaren biktimek prentsaurrekoa eman dute asteazkenean Espainiako Konstituzio Auzitegiak Nafarroako polizien biktimen legea indargabetu izana salatu dute.
Espainiako Poliziak Komando Autonomo Antikapitalistetako lau kide hil zituen 1985ean. Oraindik justizia egin gabe, Espainiako Estatuak ezkutarazi nahi izan duen hilketari buruzko kontakizuna eskaintzen du film honek.
Oinatzak Produkzioak-eko Yuri Agirre, Erik Aznal eta Xabier Otamendiren lana, On Produkzioakeko Iban Toledo kameralaria, Olaia Sanchez soinu teknikaria eta Izeia Urdanpilleta makilatzailearen laguntzarekin.
Jesus Laza ordezkariak dionez “gertatutakoa ez zelako terrorismoa izan”. Martxoak 3 elkarteak salatu du “memorialak memoria apartheida planteatzen duela” eta “estatuko terrorismoa” dela gaineratu dute Hala Bedik jaso duenez.
Arnagako adierazpenak ETAren desagerpenari eszenifikazioa emateaz gain, konpondu gabeko auziak ekarri ditu gogora nazioarteko figura esanguratsuen eskutik. Izango ote du eraginik Espainiako eta Frantziako Gobernuen espetxe politiketan?
Deustuibarran egin diote urteroko omenaldia Yolanda Gonzalez bizilagunari bere izena daraman plazatxoan, Erriberako gaztea Madrilen hil zutela 38 urte bete direnean.
