Rosa Zarraren familiak Atutxari eskatu dio “barkamena eskatzeko aukera” ez galtzeko
Rosa Zarraren hilketaren 30. urteurrena da ekainaren 30ean. Ekainaren 29an, biolentzia polizialaren biktimaren omenaldian, hainbat eskakizun egin zituen Egiari Zor fundazioak. Zarraren familiak Juan Mari Atutxa Segurtasun sailburu ohiari barkamena eskatzea galdegin dio.
Egiari Zor fundazioak antolatutako omenaldia eta gero zabaldutako komunikatuan, indarkeriaren biktima batzuk aitortuak izan direla diote, estatuak eragindako bortxaren aurrean aldiz, "urte askotako ukapenaren ondoren egia ezartzeko borrokan jarraitzen" dutela adierazi dute. Ertzaintzaren biolentziaren aurrean justizia eta erreparazioa eskatu duten biktimek deslegitimatuak izateko saiakerak jasan behar izan dituztela salatu du fundazioak.
Historikoki, bertsio ofizialek giza eskubideen aurkako ekintzak justifikatzeko pisu handia izan dutela nabarmendu dute. Horrekin lotu dute Rosa Zarraren hilketa, "ez hanka ez bururik ez zuen" bertsio ofiziala ezarri baitzuten. Duela hilabete gutxi, Zarraren heriotza Ertzaintzak eragin zuela frogatu dutela ospatu dute, hala ere, fundazioak azaldu du familiak "negazionismoaren, inpunitatearen eta kontakizun gezurti" baten aurka 30 urtez borrokatu behar izan duela.
Omenaldian, Zarraren alabek adierazpenak egin zituzten, haien artean, garaiko Eusko Jaurlaritzako Segurtasun sailburuari eskakizun bat egin zioten: "Hemendik, Atutxa jaunari eskatu nahi diot ez dezala galdu guri, familiari eta babesa eman zeniguten guztioi zor digun barkamena eskatzeko aukera".
Modu berean, Egiari Zor fundazioak lehendakari eta Barne sailburu berriari, "autokritika zintzoa egitea, Ertzaintzak eragindako mina aitortzea, erantzukizunak onartzea eta erreparatzeko borondatea agertzea" eskatu die.
Rosa Zarraren hilketa
Rosa Zarra 58 urteko donostiarra Ertzaintzaren gomazko pilota batek jo, eta horren ondorioz, zortzi egunera hil zen. Lasa eta Zabalaren gorpuak Tolosara eraman zituztenean istiluak sortu ziren Ertzaintzarekin. Horri erantzuteko, Euskal Herria Askatu plataformak elkarretaratzea antolatu zuen Donostian, Amara Berriko Bakearen Usoaren inguruan. Leku berberean Alditrans enpresako langileak elkartu ohi ziren ETAk bahitutako Jose Maria Aldaia enpresaburua askatzea eskatzeko. Istiluak sortu ziren eta Ertzaintzak tiro egin zuen eta Zarrari sabelean eman zion.
GALek Baionako Monbar hotelean egindako atentatuaren urteurrenaren datatik gertu antolatu dute ekimena dozenaka herritarrek. Helburua "egia aldarrikatu, memoria landu eta GALen gerra zikinaren biktimak aitortzea" da, eta irailerako egitaraua aurkeztu dute.
78ko Sanferminak Gogoan plataformak eta Gasteizko Martxoak 3ko ekimenak bat egin dute espainiar estatuak gertakari latz horietan bere erantzukizuna onartu eta biktimen aitortza ofiziala egin dezan. 'Estatua Erantzule!' izena darama kanpainak.
21 pertsona “giza eskubideen urraketen biktima” gisa aitortu dituzte ofizialki. Espainiako Estatuko funtzionarioek eta eskuin muturreko taldeek torturatutako pertsonak dira eta biolentzia horren lagin txikia baino ez direla dio Egiaren Garaia Da ekimenak.
Datorren irailaren 25ean 40 urte beteko dira GALek Baionako Monbar hotelean egindako atentatutik, non lau euskal errefuxiatu hil zituen. Horren karietara, Gogora Memoria, Elkarbizitza eta Giza Eskubideen Institutuak oroimen ekitaldi bat egingo du udazkenean.
Azken astean ezagutarazi moduan, Eusko Jaurlaritzaren Balorazio Batzordeak txosten banatan aitortu ditu estatuaren biktima gisa. Justizia sailburuak ekitaldi pribatu banatan entregatu dizkie dokumentuak.
Espainiako Poliziak duela 41 urte hil zituen tiroka Dionisio Aizpuru, Pedro Mari Isart, Jose Mari Izura eta Rafael Delas gazteak, Komando Autonomo Antikapitalistetako kideak.
GALeko biktima talde batek eman du kereilaren nondik norakoen berri Bilbon egindako prentsaurrekoan, Egiari Zor fundazioak eta Giza Eskubideen Euskal Herriko Behatokiak lagunduta. GALen aurkako eta, zehazki, José Barrionuevoren aurkako kereila aurkeztuko dute.
Nafarroako Gobernuak ofizialki aitortu ditu gure lurraldean giza eskubideen urraketa larriak jasan zituzten Estatuaren indarkeriaren beste zazpi biktima. Horien artean, hitzez hitz “motibazio politikoko biktima gisa” aitortzen ditu Patxi Erdozain, Eneko Compains,... [+]
Torturak jasan dituzten 900 lagun bildu dira Donostian Euskal Herriko Torturatuen Sarea aurkezteko, otsailaren 15ean. Ekimenak torturatuen bozgorailu izan nahi du, eta oraindik torturen berri eman ez duten herritarrak sarera batzera animatu dituzte. Eusko Jaurlaritzari eta... [+]
Estatuaren biolentziaren biktima gisa onartzeko 125 eskaera egin zaizkio Nafarroako Gobernuari 2023an eta 2024an. Horietatik 41 onartu dira. Egiari Zor eta Torturatuen Elkarteak ongi baloratu dute egiten ari den bidea.
Espainiako eta Frantziako Estatuak “nazio askapen mugimendua ito” nahi dutela ohartarazi du Sortuk, eta Santi Brouard eta Josu Muguruza HBko militanteen erailketak estatu biek egiten duten “gerra zikinaren parte direla” adierazi du.
Asteazken honetan beste 93 biktima aitortu ditu estatuaren eta talde parapolizialen biktimen azterketak egiten dituen Balorazio Batzordeak. Baliabide faltagatik, bere lanarekin aurrera jarraitzeko zailtasunak ere aitortu ditu. Egiari Zor Fundazioak ongi baloratu du batzordearen... [+]
Ostiralean egingo dute ekitaldia 12:00etan, Donibane auzoko Martin Azpilikueta kalean. Erail zutenetik Angel Gogoan plataformak behin baino gehiagotan jarri ditu oroigarriak, baina behin eta berriz eraso eta erretiratu izan dituzte. Gobernu taldearen proposamena da oraingoan eta... [+]
Ekitaldian 1969ko gertaera tragikoak gogoratzeaz gain, memoria historikoaren defendatzaileak ere omenduko dituzte.