Aitor Renteria kazetaria hil da

  • Aitor Renteria Berriako kazetaria hil da. Mungian zela, bihotzekoak eman zion larunbatean. 51 urte zituen eta Bakiokoa zen jaiotzez, ondoren Santutxun bizi izan zen urtetan, eta arrazoi politikoengatik Ipar Euskal Herrian bizi izan azken hamarkadetan, Milafrangan, Lapurdin. Apirilean itzuli zen Hegoaldera.


2014ko ekainaren 02an - 00:00
Azken eguneraketa: 2015-02-26 13:37:33
Aitor Renteria artxiboko irudi batean (Arg: Gaizka Iroz)

1990eko hamarkadan Iparraldeko AEKn hasi zen irakasle bezala. 2001ean Euskaldunon Egunkarian sartu zen eta bertan aritu zen kazetari lanean espainiar estatuak itxi zuen arte. Ondotik, Berriako kidea izan da, eta Baionako erredaktore burua zen. Hainbat hedabidetako kolaboratzailea zen, baita bertsolaria ere. Bilbon egin diote omenaldia igandean eta ehunka pertsona batu dira Berrian irakur daitekeenez. Bertan euskal kulturgintza eta politikagintzako ordezkari andana bildu zen.

Euskal Iheslari Politikoen Kolektiboak ondorengoa argitaratu du: "Burkide eta askatasunaren aldeko militante zintzo bat galdu dugu, euskararen herriak langile nekaezin bat, eta hutsune erraldoi hori betekaitza dela jakinik, bere izena eta izana bizirik atxikitzeko aldarria lau haizeetara hedatzen dugu".

Sare sozialetan oihartzuna izan du heriotzak, eta Berrian hauetako erreakzio batzuk bildu dituzte.


Kanal honetatik interesatuko zaizu: Berria
Martxelo Otamendi. Euskarazko egunkariaren aurpegia
"Zuzendari berriak orain arte izan ez duen kalitate mailara eramango du 'Berria'"

Euskarazko egunkariari loturik eman du bizialdiaren zatirik handiena, horixe du sor-marka eta jatorrizko izendapena. Eguneroko kazetari loturik jardun du beti, eta ekarri dizkio disgustu ez gutxi. Handiena, Euskaldunon Egunkaria-ren itxiera 2003an, eta hainbat lagun orduz lehen... [+]


2023-06-05 | ARGIA
'Berria' egunkariko zuzendaritza Amagoia Mujikak hartuko du, Martxelo Otamendiren ordez

Otamendi 30 urtez izan da Euskaldunon Egunkariako eta Berriako zuzendari, eta erretiroa hartuko du 65 urte beteta. Mujika 1995etik da bi hedabide horietako kazetari, eta zuzendariorde aritu da azken urteetan.


2021-05-13 | ARGIA
Zaldibarko luiziak lotura du zabortegiaren zigilatze ezaugarriekin

Zaldibarko luizia zergatik gertatu zen argitzea helburu zuten bi ikerketaren emaitzak jaso ditu Berria egunkariak. Jaurlaritzak eskatutako peritu txostenek ondorioztatu dute zabor masak gainditu egin zuela jarritako geotestilaren euste ahalmena, Iñaki Petxarroman eta... [+]


Eguneraketa berriak daude