Hondarribiko Alardearen berri ematen ari ziren kazetarien aurkako erasoak salatu ditu Hekimenek

  • Euskal hedabideen elkarteak “elkartasun eta babes osoa” adierazi die joan den larunbatean Hondarribian lanean ari zirela erasoak jasan zituzten kazetariei.

ARGIA @argia
2018ko irailaren 11
Antxeta Irratia medio euskalduneko kazetaria (hondoan, zuriz) da Hondarribian erasoa jasan zuenetako bat.

“Hekimenentzat onartezinak dira hainbat hedabidetako langileek pairatu behar izan zituzten oztopo eta erasoak (bultzadak, irainak, lanerako tresnak kentzeko saiakerak...), eraso horiekin kazetari horiei ez ezik, herritar orok informaziorako eta adierazpen askatasunerako dituen eskubideei ere eraso egiten zaielako”, dio elkarteak prentsari bidalitako oharrean.

Gainera, “informazioa euskaraz jasotzeko eskubidea bera ere erasotua gertatu zen larunbatean” Hekimenen ustez, Antxeta Irratiko eta Berria egunkariko kazetariak baitaude kaltetuen artean.

Oso larritzat jo du Hekimenek erasoak gertatu ziren unean Ertzaintzak neurririk hartu ez izana, “ordena publikoaren ardura bere gain” zutenak haiek polizia autonomikoko agenteak zirela kontuan izanda.

“Berriro ere honelakorik gerta ez dadin eta kazetariek beren lana berme guztiekin egiteko aukera izan dezaten hartu beharreko neurriak hartzeko” eskatu du Hekimenek.  

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Hondarribiko alardea kanaletik interesatuko zaizu...
Hondarribiko parrokoak lekuz aldatzeko eskatu du Alarde baztertzailearen aldekoen presioagatik

Parrokoaren sermoian polemika sortu zen Alardearen inguruan bakea eta bizikidetza eskatu zuelako. Bizi zena “ikuskizun arbuiagarria” izan zela esan ostean Alarde baztertzailearen aldeko emakume bat aldarera igo zen eta meza moztu zuen.


2018-09-14 | ARGIA
Uriarte sailburua berriz agertu da Alarde diskriminatzailearen aldeko argazki batean

Cristina Uriarte Jaurlaritzako Hezkuntza sailburuak Alarde diskriminatzailea babestu zuen Hondarribiko Kale Nagusian irailaren 8an, zenbait ordu lehenago Jaizkibel Konpainiaren kontrako irainak, txistuak eta plastiko beltzak zabaldu zituzten leku berean, sare sozialetan zabaldu den argazki batek erakusten duenez.


2018-09-13 | ARGIA
Hondarribiarren babesa jaso du Jaizkibelek eta instituzioei eskatu die alarde parekidearen alde inplikatzeko

Agerraldi jendetsua egin du Jaizkibel Konpainiak, joan den larunbatean Hondarribiko Alardean jasan zituen erasoak salatzeko. Eskerrak eman dizkiete irailaren 8tik euren babesa "modu publiko zein pribatuan" erakutsi dieten hondarribiar guztiei eta instituzioei posizionatzeko eskatu diete, "alarde bakar bat, publikoa eta parekidea lortzeko".


2018-09-13 | ARGIA
Women's rights violated during the Hondarribia festivities

During the festivities on 8th September people in favour of the discriminatory Alarde parade cruelly persecuted the women and men taking part in the equal rights group.


2018-09-12 | Nahia Ibarzabal
Alarde parekidearen kontrako erasoak ikertuko dituztela iragarri du Erkorekak

Josu Erkoreka Jaurlaritzako Justizia eta Herri Administrazio sailburuak jakinarazi duenez, Hondarribiko alarde diskriminatzailearen aldekoek larunbatean Jaizkibel Konpainiari egin zizkioten erasoak ikertzeko, grabazioak aztertzeari ekingo dio Segurtasun sailak.


2018-09-11 | ARGIA
ARGIAk babesa adierazten die joan den larunbatean Hondarribian erasoak jasan zituzten kazetariei

Ohar honen bitartez, ARGIA egiten dugun langile guztiok babesa adierazi nahi diegu joan den larunbatean Hondarribiko Alardearen berri ematen ari zirenean erasoak jasan zituzten kazetariei. Horrelako gertakariak informatzeko askatasuna urratzen dutela uste dugu eta onartezinak direla gizarte demokratiko batean.


2018-09-10 | ARGIA
Jaizkibelek instituzioei erantzukizuna hartzeko eskatu die, larunbateko Hondarribiko erasoen ondoren

Hondarribiko Alardearen biharamunean oharra argitaratu du Jaizkibel konpainia parekideak, larunbatean jasandako erasoa salatuz. “Hondarribiko Kale Nagusian bizitakoak atzera doan olatu baten alderdirik bortitzena erakutsi zuen”, adierazi du Jaizkibelek idatzian.


2018-09-10 | ARGIA
Hondarribiko Alardean kazetariek jasandako erasoak salatu ditu Kazetarien Euskal Elkargoak

Kazetarien Euskal Elkargoak eta Elkarteak "babes osoa" adierazi diete Antxeta Irratiari eta bertako kazetari eta kide guztiei, joan den larunbatean Hondarribiko Alardearen berri ematen ari zen kazetariak "Alarde Baztertzailearen fanatiko baten eskutik" jasandako erasoagatik.


2018-09-10 | Berria egunkaria
258 egun antzu

Ekainaren hasierarako txilibitu hotsa ibiltzen da Irunen; irailaren erdialdera arte bizirik irudikatu behar da Hondarribian alardearen oihartzuna. Hilabete horiek ez dira akaso onenak oraindik gaiztotuta dagoen gatazka baten inguruan aritzeko, eta ulertzekoa litzateke horietan zuhurtasuna.


2018-09-10 | Nahia Ibarzabal
Hondarribiko alarde parekidearen kontrako jazarpenak koska bat gora egin du

Emakumeek gizonen baldintza berdinetan desfilatu dezaketen Jaizkibel Konpainiari izugarrizko jazarpena egin diote alarde diskriminatzailearen aldekoek larunbatean.


Azkenak
EGILEA
Eguneraketa berriak daude