“Osasun sistema duina” aldarrikatu dute Aiaraldean, Laudioko bizilagunaren heriotzak kolpatuta
Abuztuaren 22tik 23rako gauean Laudioko ZIU Zainketa Intentsiboetarako Unitate mugikorrean medikurik ez zegoela-eta, bihotz-gelditzea izan zuen gizona artatzera Bilboko unitateko medikuek bertaratu behar izan zuten. Gizona biharamunean hil zen. Laudioko Udaleko gobernu taldeak eta SOS Aiaraldea plataformak gertatutakoa salatu dute, eta ohartarazi ez dela izan kasu "puntual" bat.
Laudioko Udaleko gobernu taldearen hitzetan egoera "onartezina" da. "Berriz ere herritarren bizitzak arriskuan jartzen dituzten politiken ondorio tamalgarriei aurre egin behar diegu Laudion. Momentu hauetan egoera lazgarri hau pairatzen ari diren familien ondoan jartzen gara, beraien dolua herritar guztiona bilakatu da", adierazi du Laudioko alkate Ainize Gastakak.
Bestalde, SOS Aiaraldeak eta Aiaraldeko Greba Batzordeak adierazi dute asteburuan gertatutakoa ez dela kasu "puntual" bat izan. "Zoritxarrez egoera hau ez da berria: urtarrilean beste pertsona bat hil zen Laudioko Etengabeko Arreta Gunean, gune horretan medikurik ez zegoenean", salatu du Greba Batzordeak, erreferentzia eginez urte hasieran bihotzekoak jota hil zen 42 urteko herritarraren kasuari. Zentzu berean mintzatu da SOS Aiaraldeko kide Ludi Temiño ere: "Askotan salatu dugu medikuak falta direla Laudioko eta Amurrioko EAG [Etengabeko Arreta Gune] eta ZIU mugikorretan". Plataformak elkarretaratzea deitu du ostegunean, 19.00etan Laudioko Herriko plazan.
LAB sindikatuak bat egin du deialdiarekin. "Asteburuan Laudion gertatutakoak agerian uzten du, berriz ere, Osakidetzako Emergentzien zerbitzuak aspaldidanik duen arazo larria", dio plazaratutako oharrean. "Gure doluminik zintzoenak adierazi nahi dizkiegu hildakoaren familiari eta lagunei, Osakidetzako langile guztiek bere egiten dituztenak. Izan ere, langile horiek, zalantzarik gabe, indargabe eta frustrazio-maila handiarekin sentitzen dira honelako gertakarien aurrean".
Hainbat protesta
Urtarrilaz geroztik hainbat ekimen egin da Aiaraldean, Etengabeko Arreta Guneetako gabeziak salatzeko. Bastidan, esaterako, mediku errefortzurik gabe geratu dira uda honetan, Alea.eus-ek gogorarazi duenez. Arazoa zabalagoa da, ordea. Osakidetzako Langileen Batzordeak salatu du ekainetik hona ZIU mugikorretako 100 txanda baino gehiagotan ez dela medikurik egon.
Aiaraldea agerkariak gehitu du iragan astean 24 mediku txanda zeudela betetzeke Laudio eta Amurrioko Etengabeko Arreta Guneetan abuztu eta irailerako.
Osakidetzak Itzulbide aurkeztu berri du. Itzultzaile neuronal bat da EAEko osasuneko profesionalentzat, euskaraz egiten diren kontsulta medikoetako informazioa gaztelaniara itzultzen duena. Euskara lan-hizkuntza eraginkorra izateko baliabide gehiago eskainiko dizkie... [+]
Bertigo baten ostean, etengabeko txistu bat entzuten hasi zen Jexux Mari Irazu Muñoa (Larraul, Gipuzkoa, 1972) bertsolaria, bertso-eskolako irakaslea eta gai-jartzailea. Tinnitus edo akufeno deitzen zaie Irazuk entzuten dituen zaratei. Horrek egunerokoan daukan inpaktuaz... [+]
Nafarroako Osasun Departamentuak iragarri du ospitaleko solairu gehienak klimatizatuko dituztela 2026 amaierarako. ARGIAk elkarrizketaturiko bi erizain laguntzaileek nabarmendu dute premiazkoa dela banako gelak, komun irisgarriak eta aire girotua izatea.
Baionako ospitalean unitate berritzaile bat ideki da: kardio-ginekologia unitatea, menopausian diren emazteei zuzendua. Gai hau, askotan tabu edo bazterrean utzia, osasun arazoak eragin ditzake bizitzako etapa horretan.
Abuztuan chikungunya infekzio kasu bat atzeman dute Hendaian. Bero boladek, tenperaturaren igoerak eta eremu tropikaletara egindako bidaiek areagotu dituzte kasuak.
Duela gutxi Eusko Jaurlaritzak bultzatutako "Euskadiko Osasun Ituna" izenekoaren porrota ez da anekdota politiko soil bat, ezta osasun-kudeaketan unean-uneko estropezu bat ere. EAEko osasunaren ikuspegi kolektibo, inklusibo eta benetan publiko bat galtzea politika... [+]
Abuztua heldu zaigu, irakurle. Oporretan zaude eta zuretzako denbora gehiago daukazu? Edo agian ez daukazu denborarik, oporrak planez bete dituzulako? Edozein modutan, kontuz! Egungo bizimoduaren psikologizazioak edonon sailkatzen ditu sindrome berriak, eta oporraldiak ez daude... [+]
Bilboko Aste Nagusia pertsona autistentzat irisgarriagoa izateko zenbait gako dakartzate Oihan Iriarte Eletxigerrak eta Iker Boveda Martinek, euren esperientziatik.
25,6 eguneko batez besteko itxaron zerrendak daude Osakidetzako Osasun Mentaleko Zentruetan. Larrialdi kasuetan, aldiz, 24 eta 72 ordu arteko itxaronaldiak daude.
The Lancet aldizkariak argitaratutako ikerketa batek eman du datua eta ohartarazi du plastikoaren ekoizpenak osasunean eragina duela bere ekoizpen prozesu osoan eta gazte zein helduei eragiten diela. Gehitu du 1950tik 200 aldiz biderkatu dela plastikoen ekoizpena.
Sendabelarra oliotan beratzeaz ariko gara baina ukendurik egin gabe. Bai, arraroa dirudi baina sendabelar freskoak oliotan beratu, iragazi eta erle argizaria ipinita ukendua egiten ikasi duenari olioarekin beste era batera lan egitea badagoela esan nahi nioke. Oleato edo olio... [+]
GIBarekiko esposizio aurreko profilaxia da Prep botika. Alfonso Setiey Anitzak elkarteko lehendakariaren arabera, farmazietan eskuratzeak itxaron-zerrendak gutxitu ditzake. Alabaina, arriskuez ere ohartarazi du.
Bihotzak eztanda egin arte biziko da Aloña Erauskin (Berrobi, 1999), beste guztiok bezala. Besteon aldean, ordea, presente dauka aukera hori.
Kargua hartu eta urtebetera, Alberto Martínez Eusko Jaurlaritzako Osasun sailburuak lantaldean aldaketa batzuk egin dituela iragarri du, "etorkizuneko osasun sistema publikoaren eraldaketari" ekiteko: besteak beste, Gontzal Tamayo Medel sailburuorde berria... [+]
Euskal dantzak, pilates, bilobekin egon, gurutzegramak egin eta beste zaletasun asko ditu Grego Idiakez Kortak (Ezkio-Itsaso, Gipuzkoa, 1950). 62 urterekin iktus bat izan zuen, eta ordutik, ezin ditu nahi beste gauza egin. Iktusaren ondorioz, begi baten ikusmena galdu du, eta... [+]