Agnès Varda hil da, zinema frantziarreko olatu berriaren aitzindaria
90 urterekin hil da Agnès Varda zine zuzendaria. Nouvelle Vague korronte zinematografikoko erakusgarri nagusienetako bat zelako gogoratuko du zinemaren munduak.
aurre egingo dieten hedabide independenteak
Belgikan jaio zen Varda 1928an eta aitzindari bat izan zen. Bai artistikoki, 1960ko hamarkadan Frantziako zinemagintza berritu zuen Nouvelle Vague korrontearen barruan, baina baita bestela ere: ez da ahaztu behar bera izan zela garai hartako zinegile gazte berritzaileen artean emakume bakarrenetariko bat.
1955ekoa da Vardaren lehen filma, La Pointe courte. Kritikarien arabera, lan horretan dagoeneko Frantziako zinemaren olatu berriaren ezaugarriak ikus zitezkeen eta aurrea hartu zien gehiagotan aipatzen diren François Truffauten Les 400 Coups (1959), Alain Resnaisen Hiroshima mon amour (1959) edo Jean-Luc Godarden A bout de souffle-ri (1960) –ikusten denez, hirurak ere gizonezkoek zuzenduak: zinemaren historiaren genero-desbideraketez luze hitz egin daiteke–.
Zazpi urte geroago estreinatu zen bere lan ezagunenen artean beti aipatzen den Cléo de 5 à 7. “Dokumental subjektibo” gisa deskribatzen zuen Vardak: laurogeita sei minutu emakume gazte baten bizitzan, denbora errealean kontatuak. 2012an Canneseko jaialdiak berriz pantailaratu zuen, omenaldi gisa zinezaleen gozamenerako. Baina Varda ez zegoen autokonplazentzietarako: ordurako ia 84 urte zeuzkan, baina filmeko eszena batzuk akaso luzeegiak izan zitezkeela iradoki zuen, agian ez lukeela gaur egun muntaia bera egingo.
Harrigarria zen Varda, bai bere lanetan, bai jendaurreko agerraldietan. Duela bi urte Zinemaldiak Donostia Saria eman zionean berarekin hitz egiteko aukera izan zuten kazetariek hori nabarmentzen zuten, haren ohiz kanpoko izaera, bere lanean ere islatzen zena.
Zinemari eskainitako bizitza izan da Vardarena, filmak zuzentzeaz gain etxean bertan ekoizten baitzituen egindako lanak, Ciné-Tamaris produktoraren bidez. Jacques Demy zinegile eta bikotekidearekin batera jarri zuen abian ekoiztetxe hori eta Demy 1990ean hil zenean ere lanean jarraitu zuen.
Zinemaz gain, argazkilaritzan ere aritu zen bere ibilbide profesionalaren hasietan. Eta bide berriak bilatzeko ahaleginean, 2003tik aurrera artista bisual gisa ere lan egin zuen.
Jose Manuel Gorospe Meagas aktore eta kultur ekoizle donostiarra zendu da, 81 urterekin, Madrilen. Bizitza osoa antzerkiarekin eta ikus-entzunezkoen munduarekin era batera edo bestera lotuta pasatu zuen Gorospek, eta, besteak beste, Euskadiko Filmategiaren sortzaileetako bat... [+]
IB3 telebista publikoaren neurria "katalanaren aurkako erasotzat" jo dute katalanaren normalizazioaren aldeko zenbait eragilek, eta "berehalako zuzenketa" eskatu dute. Zuzendaritza aldaketa izan da berriki kate publikoan, PP eta VOXen botoei... [+]
Chantal Akerman zinegile eta lankidea hil eta hamar urtera, haren ondarea zabaltzen buru-belarri jarraitzen du Claire Atherton muntatzaileak. Gaurkoan, ordea, Athertoni bere ibilbideaz galdetu nahi izan diot bereziki. Gasteizen, Artium museoko areto batean hartu gaitu,... [+]
30 urte baino gehiago daramatza Zero Chou zinemagile taiwandarrak istorioak kameraren atzetik kontatzen, bai zinemarako, bai telebistarako. Aurten, Zinegoak jaialdiaren 22. edizioko ohorezko saria jaso du.
Bilboko LGTBIQ+ zinema eta arte eszenikoen Zinegoak jaialdiak 2025eko edizioko sariak iragarri ditu. Between Goodbyes eta Alma del desierto dokumentalak izan dira palmaresaren irabazle nagusiak.
Zinema eta arte eszenikoen LGTBIQ+ jaialdia Bilbon ospatuko dute ekainaren 23tik 30era,50 jarduera baino gehiagorekin.
'Ehun metro', Zergatik panpox', 'Hamaseigarrenean aidanez' eta 'Oraingoz izen gabe' dira zaharberritzen ari diren lanak. Zinemaldiko Klasikoak sailean ikusi ahalko dira.
Iratxe Sorzabalek sufritutako torturen gaineko testigantzak jasotzen ditu dokumentalak. Maiatzaren 20an emango dute dokumentala, 23:40an. Iaztik dago Primeran plataforman ikusgai, baina lehen aldiz emango dute telebistan.
2024ko urtarrilaren eta uztailaren artean Gazan filmaturiko 22 film laburrez osatua da From Ground Zero filma. Rashid Masharawi palestinar zinegilea dugu egitasmoaren oinarrian, eta 2023ko urriaren 7az geroztik Gazari buruz entzuten diren zenbakiei aurpegiak jartzeko asmoz lotu... [+]
Asteazkenetik aitzina Ipar Euskal Herrian, eta ostiraletik Hego Euskal Herrian; film oso gutxi estreinatzen dira horrela zinema aretoetan. Halaxe egingo du asteon Faisaien Irla-k. Fikzioa baitira mugak, horrela dio Asier Urbieta (Errenteria, 1979) zuzendariak: ez dira... [+]
Helena Taberna zinegileak jasoko du aurten Donostiako Giza Eskubideen Zinemaldiaren Saria. Sariaren entrega ostiralean, apirilak 11, 20:00etan Viktoria Eugenia Antzokian ospatuko den bukaera emanaldian izango da.
Ezagutzen duzue Kneecap filma? Oscar sarietarako hautatu zuten. Belfasteko hirukote baten istorioa da. Kneecap Hip Hop talde ezaguna da gaur egun, eta hizkuntzaren aldeko jarrera (gaelikoa) argia dute, IRAren osteko belaunaldiaren gorabeherak kontatzen ditu filmak; drogak eta... [+]
No other land dokumentalaren zuzendari Hamdan Ballal kolono sionistek jipoitu zuten astelehenean bere herrian, beste hainbat palestinarrekin batera, eta Israelgo militarrek eraman zuten atxilo ondoren. Astarte goizean askatu dute.
Donostiako Tabakaleran, beste urte batez, hitza eta irudia elkar nahasi eta lotu dituzte Zinea eta literatura jardunaldietan. Aurten, Chantal Akerman zinegile belgikarraren obra izan dute aztergai; haren film bana hautatu eta aztertu dute Itxaro Bordak, Karmele Jaiok eta Danele... [+]