ARGIA.eus

2020ko azaroaren 25a

Aernovak 100 lagun kaleratuko ditu Berantevillako lantegitik

  • Aeronautika enpresak Berantevillako langileen %22 kaleratuko dituela iragarri du. Kaleratzeez gain, langileen %15ari lan erregulazio-espedientea aplikatuko diote, Halabedi-k argitaratu duen arabera.

ARGIA @argia
2020ko azaroaren 20a
Arg.: ELA
Aernnovak 100 langile kaleratuko dituela jakinarazi dio enpresa-batzordeari, Arabako langileen % 22; gaur egun, Aernnovak 454 langile ditu. Berantevillako lantegiari eragingo diote kaleratzeek, Arabako Aernnovako lantegirik garrantzitsuenari.

 

Uztailean iragarri zuen enpresak nazioarteko langileen %20 kaleratzeko asmoa zuela, 950 langile guztira. Kaleratze horiek Arabako lantegietan nola eragingo luketen zehaztu gabe gabe hilabeteak igaro ondoren, langileen kezkak bete egin dira.

Zuzendaritzak kaleratzeak justifikatu ditu ekoizpena %37 jaitsi delako eta enpresak 42 milioi eurotik gora galdu dituelako. Sindikatuek azpimarratu dutenez, aeronautikaren sektoreak bizi duen egoera koiunturala da, eta neurri "ez hain traumatikoak" hartzea eskatu dute, "Inor atzean utzi behar ez izateko".

Kaleratzeak 2021eko otsailetik aurrera gauzatuko dira. Kaleratzeekin batera, enpresak langileen %15ari eragingo dion lan-erregulazioko espedientea aplikatuko du, eta 2021eko abenduaren 31ra arte luzatuko da. Albiste hau Halabedi-tik jaso dugu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Industria  |  Araba  |  Langile borroka

Industria kanaletik interesatuko zaizu...





Azkenak
EGILEA
Argia buletina
Egunaren laburpena
zure e-postan
Eguneraketa berriak daude