Adimen artifizialean oinarrituriko teknologia kontrol sozialerako erabiltzen dute 75 herrialdek

  • Herritarrak era masiboan monitorizatu, jarraitu eta zelatatzea helburu duen teknologia aurreratua, adimen artifizialean oinarritua, ohiko bihurtzen ari da. Ikerketa baten arabera, dagoeneko gutxienez 75 dira berau erabiltzen duten estatuak, helburu polizial eta politikoekin, “batzuetan modu legalean, bestetan giza eskubideak urratuz”.

ARGIA @argia
2019ko irailaren 25a

Azterturiko 176 herrialdeetatik 75etan dago presente teknologia hau, El Salton irakurri dugunez. Txina da liderra sektorean eta jendearen aurpegiak antzemateko teknologia ari da zabaltzen. Txina da kontrol sozialerako teknologiaren esportatzaile nagusia (Huawei, Hikvision, Dahua, ZTE enpresak daude atzean), baina AEBak ere ez dira atzean gelditu (IBM, Palantir eta Cisco enpresak, nagusiki). Franzia, Alemania, Israel eta Japonia dira lasterketa horretan aurrealdean dauden beste batzuk.

Teknologia honi esker, adibidez, AEB eta Mexiko arteko mugan gai dira dorre batzuetatik 12 kilometrora arteko distantzian pertsonak antzemateko, edo Jerusalem eta Zisjordania arteko mugan mugimendua hautemateko 3,2 kilometroko eremuan.

Ikerketak argi dio, teknologia hau gobernuek ez dute beti modu legalean erabiltzen.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Kontrol soziala  |  Teknologia

Kontrol soziala kanaletik interesatuko zaizu...
Azkenak
EGILEA
Eguneraketa berriak daude