Gasteizko Udalak 117.000 euroko inbertsioa egingo du bideozaintzarako hamazazpi kameren instalazioan

  • Gasteizko Udalak Insitel enpresari esleitu dio hiriaren erdigunean prestazio altuko hamazazpi kameraren bidez bideozaintza sistema hornitzeko, instalatzeko eta konfiguratzeko kontratua. Besteak beste, Andre Maria Zuriaren plazan, Plaza Berrian eta San Frantzisko aldapan jarriko dituzte. Kameren eta kontrol sozialaren kontra, Gasteizko Gazte Koordinadora Sozialistak mobilizazio jendetsua egin du larunbatean.


2023ko azaroaren 21an - 11:20
Gasteizen larunbatean egindako mobilizazioa // Argazkia: Gasteizko Gazte Koordinadora Sozialista (GKS)
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Gasteizko Udalak adimendun bideo-zaintza sistema bat ezarriko du: 100 kamera baino gehiago izango dira denera, eta badirudi laster ezarriko dituztela horietako hamazazpi. Udalak Insitel enpresari esleitu dio kamera hauen instalazioa, eta 117.000 euro inguruko inbertsioa egingo du. Gazte Koordinadora Sozialistako (GKS) kideek azpimarratu dute “hiritarren segurtasuna aitzakiatzat” hartuta ezarriko dutela adimendun sistema berria, eta kontrol soziala areagotzeko beste mekanismo bat dela salatu dute.

Gasteizko GKSk mobilizazio jendetsua egin du larunbatean, Kamerak ez. Gazteria langilea kontrol sozialaren aurka lelopean. Salatu dute kameren ezarpen masibo hori ez dela udalak kontrol soziala gogortzeko hartutako neurri bakarra: Udaltzain kopurua areagotzea eta euren ekipamenduak berritzea; eta telefono mugikorren bidez monitorizatutako kontrol-sentsore berrien areagotzea, zentzu berean ulertu behar direla adierazi dute. Hala, azpimarratu dute baliabide horiek guztiak “proletalgoaren jarduna zelatatzeko eta zigortzeko” erabiltzen direla.

Sabotaje ekintzak

Kontrol sozialaren goranzko joera salatzeko kameren aurkako ekintzak egin dira azken asteotan Gasteizen, Hala Bedi-k ezagutzera eman duenez. Segurtasun kamera batzuen aurkako sabotaje ekintzak egin dira, eta pareta eta erakusleiho batzuetan margoketak: Gasteizko Udala eta Electro Alavesa enpresak markatu dituzte, areagotzen ari den kontrol sozialaren erantzule gisa.

Ehun kamera

Legealdiaren hasieran, Iñaki Gurtubai Segurtasun zinegotziak bere sailaren programa aurkezteko egindako prentsaurrekoan adierazi zuen udal gobernuaren konpromisoa dela hurrengo urteetan hiri osoan zehar ehun kamera ezartzea. Laster ezarriko dituzte horietatik hamazazpi, leku hauetan: Andre Mari Zuriaren plaza, Plaza Berria, Arkupeko ibilbidea, San Frantzisko aldapa, Bakardade kantoia eta San Frantzisko Xabierkoaren kantoia.

Legazpin ere kameren kontra

Legazpin (Gipuzkoa) ere, hainbat astez Udalak jarritako kamerak seinalatu ostean, Goierriko GKSk deituta, dozenaka gaztek ostiralean egindako elkarretaratzean salatu zuten udalak "eskura dituen baliabideak gizartearen ongizaterako erabili beharrean, kontrol sozialerako mekanismoak areagotzea lehenetsi" duela, "oinarrizko askatasunen eta eskubideen deuseztapenean oinarritutako joeran sakonduz". Adierazi dute borrokan jarraituko dutela Udalak kamerak kendu arte.

Ostiralean Legazpin eginiko elkarretaratzea // Argazkia: Goierriko Gazte Koordinadora Sozialista (GKS)

 


Kanal honetatik interesatuko zaizu: Kontrol soziala
Migrazio eta Asilo ituna: Europaren legatu kolonialista denon begien bistan

Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]


“Enpresa pribatuen esku utzi da segurtasun publikoaren norabidea”

Ertzaintzaren azken hamarkadako bilakaera teknologikoa aztertu du bere liburu berrian Ahoztar Zelaieta ikerketa kazetari, kriminologo eta ARGIAko kolaboratzaileak. Segurtasunaren industria ikertu eta Ertzaintzarekin duen lotura plazaratu du, La Ertzaintza que viene... [+]


Gasteizko Udalak ia 40 milioi euro bideratuko ditu segurtasun arloko langileen soldatak ordaintzera

Iñaki Gurtubai Segurtasuneko zinegotziak "Poliziaren Lan Eskaintza Publiko bateratua” eta “inteligentzia kamerak instalatzea” iragarri ditu 2024rako, besteak beste.


Zaintza-kamerek ezkutatzen dutena

Gasteizen, beste hiri batzuetan bezala, zaintza-kamera berriak jarri nahi dituzte, baina ez digute horien benetako ezaugarririk kontatzen. Are larriagoa da ez dizkigutela azaltzen benetako arrazoiak zein diren, ezta kamerek nori egiten dioten mesede ere. Gaia orokorrean... [+]


X sare sozialak erabiltzaileen datu biometrikoak jasoko ditu, segurtasunaren izenean

X sare sozialak (orain arte Twitter zenak) bere pribatutasun politika aldatu du eta erabiltzaileen ezaugarri fisikoak ere bilduko ditu, besteak beste, aurpegi-ezagutzaren bitartez.


50 kamera gehiago ezarriko dituzte Bilboko tranbian “segurtasuna” argudiatuta

Bilboko geltoki guztietan kamerak ezarriko dituela adierazi du Euskal Trenbide Sareak. Gaur egun ezarrita dauden tokietan ez ezik, beste hamalau geltokitan jarriko dituzte.


2023-06-08 | Gedar
Telefono-seinaleen bidez pertsonen mugimenduak detektatzeko sistema bat jarriko du martxan Gasteizko Udalak

Turismo Inteligentziarako Sistema delakoaren bidez, Gasteizko zenbait tokitan sentsoreak jarriko dituzte. Pertsonen gailu mugikorren seinalea atzemanda, "portaera eta errepikapen-ereduak detektatu" nahi dituzte.


2023-04-27 | Gedar
Aurpegien errekonozimendurako kamerak jarri dituzte Nafarroako Unibertsitate Publikoan

Liburutegiaren sarreran jarri dituzte kamerak, Smart Talent Source SL enpresaren ikerketa bati lotuta. "Horrelako neurrien normalizazioaren bitartez, kontrol geroz eta zuzenagoa ezarri ahal izateko aurrekari arriskutsua dira kamera horiek", salatu du UIBk.


Pobreziaren kontrako “euskal sistema”

EAEko parlamentuan aurrera egin du Inklusiorako eta Diru Sarrerak Bermatzeko Euskal Sistemaren lege aldaketak. Badago zer aztertu legearen eztabaidak, aldaketa egiteko ezker zein eskuin egin den akordioak, eta legeak ekartzen dituen berrikuntzak izan duten oihartzun eskasari... [+]


2023-01-10 | Hala Bedi
17 kamera jarriko dituzte Gasteizko erdigunean, adimen artifizialekoak

Kontrol sozialerako teknologiek presentzia gero eta handiagoa dute Gasteizen, Udalaren ekimenez. Zabalgunean eta Alde Zaharrean bideozaintzarako 17 kamera berri jarriko ditu Udalak udatik aurrera. Adimen artifizialarekin funtzionatuko dute eta "delituak denbora errealean... [+]


2022-04-27 | Diana Franco
Teknologia
Haur ziborgak

Ziborg hitza sortu zen izaki bizidun hobetu bat deskribatzeko. Gorputz organikoa eta teknologia elkartzean, gorputzaren prestakuntzak hobetuta dituen izaki biziduna litzateke ziborga.


2021-12-20 | Estitxu Eizagirre
Milaka herritar atera da kalera Donostian COVID pasaportearen aurka, Bizitza plataformak deituta

Abenduaren 18 arratsaldean Donostian jendetzak hartu ditu kaleak, Bizitza plataformak deituta egin den manifestazioan. "COVID pasearen inposaketari ez" lemak elkartu ditu.


COVID-19 pasaportea 2022ko uda arte mantentzearen alde bozkatu du Frantziako Legebiltzarrak

Frantziako Gobernuaren lege-proiektua Senatuan eztabaidatuko dute urriaren 28an. Nahiz eta gehiengoak bat egin neurriarekin, hainbat herritar dabiltza neurri honen kontra borrokan, kolektiboki antolatuz.


Eguneraketa berriak daude