Abu-Jamal kazetari eta Pantera Beltzetako kide ohia osasun egoera larrian da preso
Wesley Cook kazetari eta ekintzailea, Mumia Abu-Jamal izenez ezaguna dena, martxoaren 30ean ospitaleratu zuten diabete-krisi baten ondoren. Orain, berriro espetxera eraman dute.
34 urte daramatza preso polizia bat hiltzea egotzita. Biziarteko kartzela-zigorra ezarri zioten baina berak beti bere inozentzia aldarrikatu du.
Mumia Abu-Jamalengatik Kezkatutako Senitartekoen eta Lagunen taldeak (ICFFMAJ, ingelesezko sigletan) salatu du “kartzelako arduradunek ez ziotela beharrezko azkartasunez kasu egin” ospitaleratu aurretik.
RawStory atariaren arabera, ospitalera iritsi zenean odoleko azukre maila 779ean zuen kazetariak. Koma diabetikoa 800eko kopuruarekin gertatzen da. Philadelphia Daily Newsek argitaratu duenez, 30-35 kilo artean galdu ditu Abu-Jamalek azken asteetan.
Epaiketa berri baten eskaera
Mumia Abu-Jamalek adierazi izan duenez, poliziaren gehiegikeriak salatzeagatik kartzelaratu zuten. Amnistia Internazionalentzat ere, 1981eko epaiketak ez zituen nazioarteko arauak bete. Human Right Watch eta giza eskubideen aldeko hainbat taldek ere eskatu dute kazetaria berriro epaitzea.
Mumia Abu-Jamalen inguruko dokumentala ARGIAko multimedia atalean.
34.000 palestinar baino gehiago hil ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.
Israelek 40 eguneko su-etena eta preso trukea eskaini dio Gazari, baina akordioa lortu edo ez Rafah inbadituko dutela adierazi du Netanyahu lehen ministroak. AEBk eta Erresuma Batuak Hamas presionatzen ari dira Israelen eskaintza onar dezan. Astelehenean 47 palestinar hil zituen... [+]
Istripu batetik ihes egin zuela aitzakiatzat hartuta, taberna batera sartu, lurrera bota eta buruz behera lotu zuten poliziek 53 urteko gizona. Zortzi minutuz izan zuten lurrean.
