9.500 euroko isuna L214 talde animalistarentzat, Mauleko hiltegiko irudiak jaso eta zabaltzeagatik
Talde animalistak Mauleko hiltegian burutzen ziren animalienganako tratu txarrak jaso zituen kamera ezkutuen bidez. Langileen pribatutasuna urratzea leporatuta epaitu dituzte, eta 9.500 euroko isuna jarri.
aurre egingo dieten hedabide independenteak
Urriaren 14an egin zioten epaiketa L214 talde animalistari Pauen (Okzitania), Mauleko hiltegiko langileen pribatutasuna urratzea leporatuta. Prokuradoreak 10.000 euroko isuna eskatu zuen, eta honen eskaria asetzetik gertu dagoen epaia eman du Pauko Auzitegiak: 9.500 euroko isuna. L214 taldeari 5.000 euroko isuna jarri dio epaimahaiak, eta auzipetutako hiru pertsonei 1.500 euroko kalte ordainak, buruko.
Prokuradorearen arabera, bi delitu burutu ditu taldeak: hiltegira sartu zen pertsonaren esku bideokamerak utzi izana batetik —kamerak jarri zituen kidearen identitatea ez da ezagutzen—, eta bideoak langileen identitatea ezkutatu gabe zabaldu izana bestetik. Hori horrela, langileen pribatutasuna urratzea leporatu diete.
Talde animalistak 2016an jarri zituen kamera ezkutuak Mauleko hiltegian, eta animaliei ematen zitzaien tratu txarra bistaratzen zuten irudiak jaso zituzten. Irudiek, beren gogortasuna tarteko, oihartzuna izan zuten. Ondorioz, Mauleko hiltegiko zuzendari ohiari eta zenbait langileri zigorrak ezarri zitzaizkien, “engainua” eta “beharrik gabeko tratu txarrak” leporatuta. Zigorrik gogorrenak "engainuari" lotutakoak ziren; hiltegiak labela izanik, hainbat puntutan neurri egokiak hartu ez izanagatik zigortu zituzten.
Irudien oihartzuna tarteko, Frantziako Gobernua ere mintzatu zen gaiaz, eta iragarri zuen neurriak hartuko zituela animaliek hiltegietan tratu txarrak jasan ez zitzaten.
Mauleko auzapezak behin-behinean itxi zuen hiltegia, eta arauak berrituta, irekita dago egun.
L214 taldeak Mauleko hiltegiko irudiekin publiko egindako bideoa
Animalia-etikaz mintzatuko dira EHUko ikastaroetako batean. Leire Morras Aranoak, ikastaroaren zuzendariak, hezkuntzan antiespezismoa lantzeko dauden hutsuneak eta aukerak nabarmendu ditu.
Zezenketarik gabeko besten inguruan mintzatu dira zenbait eragile, Zaunk! Iruñerria antiespezista eragileak Iruñeko Laban antolaturiko 'Zezenketen bidegurutzeak' solasaldian. Alternatibak indartzearen garrantziaz, peñen erantzukizunaz eta legeak... [+]
Ertz askotatik landu dute antiespezismoa Animalia Ikasketa Kritikoen EHUko I. kongresuan; hala nola literatura, intersekzionalitatea, komunikabideak, zinema eta historia ikertu dituzte. Estibaliz Ania Valle Ruiz de Garibay eta Surama Lázaro Terol ikerlariek literaturari... [+]
Ekofeminismoak ekologismoa eta feminismoa artikulatzen dituen begirada eta borroka proposatzen ditu. Horrek irekiera interesgarria dakar, ekofeminismoaren garapenaren zati handi bat ardatz izan duena. Hala ere, irekitasun horrek erronkak eta konplexutasunak ere zabaltzen ditu,... [+]
Animalien ongizaterako lehen premisa “askatasuna” dela azpimarratu du Nor kolektibo antiespezistak.
Joan den larunbatean, ekainaren 17an, Bilbon, Animalistak kolektibo antiespezistak Azken erasoaldia lelopean antolatu zuen manifestazioa.
Komunikatzeko eta abstraitzeko erabili ohi ditu akuarelak Beatriz González margolariak eta militante antiespezistak (Galdakao, 1996). Hasieran ez zekien ongi zer margotu nahi zuen, ikusten zuena kopiatzen zuelako, baina azken urteetan animalien kontrako zapalkuntza... [+]
Sistema binarista zalantzan jarri, eta feminismoaren eta animalien askapenaren aldeko mugimenduaren arteko zubiez mintzo da Laura Fernández antropologo soziala: “Feminismoen barruan ditugun joera batzuk aztertzeko aukera ematen digu antiespezismoak”.
Bost urtez jarraian azaroaren 1ean kalera irten da mugimendu antiespezista. Aurten Donostiako Aquariumaren parean elkartu dira, "kaiola bat delako Euskal Herriko lekurik bisitatuenetakoa".
Iaz erabaki zuen Lekeitioko Udalak Antzar Egunean antzara bizidunik ez erabiltzea, eta 300 urte baino gehiagoko ibilbidean lehen aldiz, irailaren 5 honetan erabilitako antzara guztiak plastikozkoak izan dira.
Animalien askapenaren aldeko mugimendu antolatuaren historiaz eta garapenaz mintzo dira hamabi ekintzaile antiespezista dokumentalean. Nor taldeak sortu du lana eta ostiralean ARGIAn izango da osorik ikusgai.
Maialen Sagues Nor talde antiespezistako kidea da. Euskal Herriko hiltegien inguruko ikerketa abiatu zuten, eta tartean, Laudioko hiltegia ere bisitatu zuten. Ikerketan aurkitutakoaz mintzatu da.