ARGIA.eus

2022ko abenduaren 07a

Lehen aldiz, animalien erabilerarik gabe ospatu dute Antzar Eguna Lekeition

  • Iaz erabaki zuen Lekeitioko Udalak Antzar Egunean antzara bizidunik ez erabiltzea, eta 300 urte baino gehiagoko ibilbidean lehen aldiz, irailaren 5 honetan erabilitako antzara guztiak plastikozkoak izan dira.

2017ko Antzar Eguna (Argazkia: Bizkaiko Gurutze Gorria)
ARGIA @argia
2022ko irailaren 07a - 12:20

Gutxika-gutxika, jaien aitzakian animaliak erabili eta txarto tratatzeko tradizioa indarra galtzen ari da. Lekeitio horren adibidez: pandemiagatik bi urtez herriko jaiak bertan behera utzi ostean, aurten ezberdintasun nabarmenarekin ospatu dute herritarrek Antzar Eguna irailaren 5ean, 300 urtetik gorako historian lehen aldiz, erabilitako antzara guztiak izan baitira plastikozkoak.

Graduala izan da bidea. Iraganean, bizirik zeuden antzarak zintzilikatzen ziren sokan, baina duela hamarkada batzuetatik sakrifikatu egiten zituzten zintzilikatu aurretik. 2014an, aldiz, antzara bizidunak plastikozkoengatik ordezkatzeko aukerari atea ireki zitzaion, eta parte-hartzen zuten kuadrillek erabaki zezaketen zein antzara erabili, egiazkoa ala plastikozkoa. ElDiario.es-ek jaso duenez, 2015ean parte hartu zuten 85 kuadrillen artetik soilik hemeretzik hautatu zuten plastikozko antzara, baina urteen poderioz alderantzizkotuz joan dira zifrak: 2019an parte-hartzaileen %65ak erabaki zuen antzararik ez sakrifikatzea eta plastikozko antzara erabiltzearen alde egitea.

Ordutik, aurtengoa izan da ospatutako lehen Antzar Eguna, eta aurreko urteetan ez bezala, ez da egon aukeraketarako aukerarik. Iazko abuztuan Lekeitioko Udalean aho batez erabaki zen Antzar Egunean soilik plastikozko antzarak erabiltzea. "Beti dago eztabaida, baina oro har, esango nuke gizarteak onartu duen neurria dela. Eman beharreko urratsa zen, eta heldu da urrats hori emateko momentua. Uste dut herritarren %99 ados dagoela", adierazi du Koldo Goitia herriko alkateak Radio Euskadiri eskainitako elkarrizketa batean.

Kanal hauetan artxibatua: Animalien eskubideak  |  Lekeitio  |  Jaiak  |  Antiespezismoa

Animalien eskubideak kanaletik interesatuko zaizu...
2022-10-26 | ARGIA
Lidl supermerkatuak, animaliekiko tratu txarrengatik jo-mugan

Alemanian oilaskoak hazten dituen etxalde erraldoi bateko irudiak zabaldu ditu Equalia GKE-ak. Bertan irregulartasun ugari atzeman daitezke, bereziki animalien aurkako tratu txarrak eta pilaketak, non bizirik dauden txitoak ondoan hilda daudenak jatera iristen diren. Lidl... [+]


2022-08-17 | ARGIA
Zestoako alkatea salatu du ELAk Lan Ikuskaritzan, zezen plaza muntatzeko lanak hasteagatik

Sindikatuak azaldu duenez, greban dagoen udal langile brigadari dagokio zezen plaza muntatzea, baina horren ordez "zezen zale elkartekoak ari dira alkatearen laguntza zuzendarekin". ELAren ustez langileen greba eskubidea urratzen ari dira eta Lan Ikuskaritzaren esku... [+]


"Donostia antitaurinoa da!", herritar ugari bildu zen zezenketen kontrako manifestaziora

Abuztuaren 15ean Donostiako Ilunben sei zezen nola hiltzen dituzten erakusten duen bideoa kaleratu du Gipuzkoako Plataforma Antitaurinoak, Linas Kortarekin batera egina, herritarrak sentsibilizatzeko helburuarekin.


Zezenketarik ez egotea eskatuko du Gipuzkoa Antitaurinak larunbateko manifestazioan

Abuztuaren 13rako deitu dute mobilizazioa Donostian, arratsaldeko 18:00tan.


Osatu berri den Gipuzkoako Plataforma Antitaurinoak manifestaziora deitu du

Abuztuaren 13rako deitu dute manifestaziora, Donostian, bertako udalak zezenketak onartzen eta errazten dituelako.



Irakurrienak
Argia buletina
Egunaren laburpena
zure e-postan
Eguneraketa berriak daude