609 langile kaleratuko dituzte Ezkirozko BSHn
Plantillak baiezkoa eman dio aurreakordioari, eta, printzipioz, urte hau amaitzean itxiko dute fabrika.
Zazpi hilabete igaro dira Ezkirozko (Nafarroa) BSH enpresako zuzendaritzak jakinarazi zuenetik fabrika itxi nahi duela, plantilla osatzen duten 655 beharginak kalean utziz. Urte erdia baino gehiago daramate sufritzen langileek (langile-batzordeak hilabete honetan bertan salatu du 100 bat direla bajan daudenak, gaixotasunei lotuta), baina badirudi azkenera iristen ari dela itxierari buruzko negoziazioaren kontsulta-aldia, ekainean baieztatu ondoren behin betikoa zela enpresaren erabakia.
Azken asteetan, 609 kaleratze ekarriko lituzkeen aurreakordioari bide egin diote UGT, CCOO, ATISS eta Solidari sindikatuek, eta baiezkoa nagusitu zen aurreko astelehenean plantillak egindako bozketan, %21ek ezezkoa bozkatzea ez baitzen nahikoa izan aurreakordioa atzera botatzeko.
Esan bezala, 655 beharginetatik 609 kaleratzea jasotzen du azken proposamenak. 54 urtetik behera dituztenei, 45 eguneko kalte-ordainak emango dizkiete lan egindako urte bakoitzeko, baita 1.500 euro ere, antzinatasuneko urte oso bakoitzeko. 55 urtetik gorakoek (104 bat) aurretiazko erretiroa hartuko dute, soldata gordinaren %70eko bermearekin; eta 50 eta 54 urte arteko langileei, berriz, lehentasuna emango omen diete enpresaren balizko "berrindustrializazio-proiektu" batean. Birkokatze-enpresa baten bidez aktiboki enplegu bat bilatzen dutenei, %100eko birkokatzeak eta enpresa barruan hutsik dauden postuak betetzeko lehentasuna hitzeman dizkiete. Langile-batzordeak emandako datuen arabera, 400 inguru dira 45 eta 54 urte artean dituztenak.
BSH enpresako zuzendaritzak berriki igorri du idatzi bat, hurrengo pausoen berri emanez. Hala azaldu du Ezkirozko lantegia martxan mantenduko duela urte honen bukaerara arte, aurreikusitako ekoizpena bete ahal izateko, eta esan du "berrindustrializazio-alternatiba posibleak bilatzen" segituko duela. Orain arte ere, "berrindustrializazioa" bultzatzeko eta inbertitzaileak topatzeko promesak egin dituzte bai enpresak bai agintaritzek, hala nola Nafarroako Gobernuak, baina ezerezean geratu dira.
50 urtetik beherako langileek azaroaren 30era arte joan beharko dute lanera, eta hori baino zaharragoak direnek, abenduaren 31ra arte. Printzipioz, horren ondoren gauzatuko da Ezkirozko kaleratze masiboa.
Langile batzordeak eta enpresak adostutako aurreakordioak 655tik 609ra murriztuko ditu kaleratzeak, gainerakoak birkokatuko dituzte. Astelehen arratsaldean jakin da langileen %78k babestu dutela akordioa. Nafarroako Gobernuak eta langile batzordeak etorkizunari begira,... [+]
Joan den astean iragarri zuen BSH enpresak Eskirotzeko lantegia itxiko zuela langile batzordeak, Espainiako Industria Ministerioak eta Nafarroako Gobernuak eginiko eskaerei jaramonik egin gabe. Asteartean egingo dute Enplegu Erregulazioko Espedientearen negoziatzeko lehen... [+]
BSHk Ezkirotzeko lantokia itxiko duela berretsi du, 655 langile kaleratuko ditu eta Nafarroako Gobernua eta langileak "denbora" eskatzen ari dira, "berrindustrializatzeko".
Pneumatikoen multinazionaleko langileek elkarretaratzea egin dute astelehenean, Japoniak Madrilen duen enbaxadaren aurrean. Sindikatuek enpresarekin izan duten bileran, zuzendaritza prest agertu da kaleratutako beharginen kopurua murrizteko eta kaleratze horien kalte ordaina... [+]
Bridgestone Japoniako pneumatikoen multinazionalak kaleratu nahi dituen langileek elkarretaratzea egin dute astelehen eguerdian Japoniak Madrilen duen enbaxadaren aurrean. Horrez gain, langile batzordeko hainbat kide Yolanda Díaz Espainiako Gobernuko Lan ministroarekin ere... [+]
Bi langileek Microsoften 50. urteurreneko ekitaldia moztu zuten ostiralean, eta enpresako buruei Gazako genozidioan duten papera leporatu zieten. Adimen artifizialarekin eginiko armak saltzen dizkio multinazionalak Israelgo armadari.
.jpg)
Astearteko greba egunak %100eko jarraipena izan du, sindikatuen arabera. Hilaren 11rako eta 15erako deituta daude beste bi lanuzteak. 335 langile kaleratu nahi ditu Japoniako pneumatikoen multinazionalak Basauriko (Bizkaia) plantatik.
Japoniako multinazionalak egin nahi duen erregulazio txostenak plantako langileen herenari baino gehiagori eragingo die. Enpresa batzordeko kide Luis Escalonak adierazi du "langileen aurkako eraso bat" dela, eta lanuzteak egingo dituztela iragarri du.
.jpg)
Laudioko lantegiko zuzendaritzak astelehen honetan jakinarazi dio enpresa batzordeari behin betiko itxiko duela enpresa. Urtarrilaren 29an abiatuko dute ixteko prozesua. Egun berean egingo dute elkarretaratzea langileek eta ostegunean hasiko dute greba.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Etxebizitza-eskubidea urratu eta espekulazioan aritzeagatik ezaguna da Azora putre funtsa, bereziki Donostian; bere aurkako plataforma sortua dago: Azoraren Maizterrak.
Etxerik ez dutenentzat gero eta zerbitzu gehiago ixten ari diren bitartean, kalean lo egiteko espazioetatik ere botatzen dituztela salatu du Etxebizitza Sindikatuak. Gasteizko kontserbatorioko zuzendariak eskatuta, hesiak jarri dituzte eraikineko arkupeetan, “txiroak euren... [+]
70 urteko alargun donostiarrak 689 euroko pentsioa du eta alokairuko bost kuota zor dituelako etxetik kaleratzeko demanda jarria dio Coral Homes funts putreak. Salaketak eta gizarte mobilizazioak fruituak eman dituela azaldu dute aktibistek: “Funts putreak email bidez... [+]
Koldo Arribillaga gasteiztarra etxetik kaleratu zuten 2019an. Bizileku duinik ez zuela eta ebakuntza-ostekoa pasatzeko baldintza egokiak ez zituela argudiatuta, bihotzeko balbula aldatzeko ebakuntza ukatu zion Osakidetzak, 2020an. Orain, 55 urterekin, bihotzekoak emanda hil da.
Laugarren erregulazio espedientea izango litzateke enpresarentzat, eta irailaren 11tik abenduaren 31ra arte ezarriko lukete. Kaleratutako 129 langileei ere aplikatuko litzaieke. Tubacexek mantendu egingo du beharginak berriro onartzera behartzen dituen epaiari ezarritako... [+]