Etxerik ez zuelako ebakuntza ukatu zioten gasteiztarra hil egin da

  • Koldo Arribillaga gasteiztarra etxetik kaleratu zuten 2019an. Bizileku duinik ez zuela eta ebakuntza-ostekoa pasatzeko baldintza egokiak ez zituela argudiatuta, bihotzeko balbula aldatzeko ebakuntza ukatu zion Osakidetzak, 2020an. Orain, 55 urterekin, bihotzekoak emanda hil da.


2021eko irailaren 21an - 12:57
Azken eguneraketa: 14:59
Osakidetzak ebakuntza ukatu ziola salatu zuen Koldo Arribillagak. Argazkia: Hala Bedi

Etxetik kaleratua izan ostean, taberna izan zen batean bizi zen Arribillaga, eta ebakuntza-osterako leku egokia ez zela argudiatuta, bihotzeko balbula aldatzeko ebakuntza ukatu ziotela salatu zuen Arribillagak berak, publikoki.

Pasa den irail honetan, oso gaixo ospitaleratu zuten eta bihotzekoak emanda hil zen handik egun gutxira. Estenosi aortikoa zuen gizonak, horri aurre egiteko zen ebakuntza, eta El Saltoren iturrien arabera, gaitz horren ohiko ondorioa da bihotzekoa.

Argilan-ESK plataformako kide Iñaki Uribarrik Hala Bedi irratian salatu duenez, plataforman daraman urte hauetan guztietan ez du hain kasu larririk ezagutu. “Gizagabetasun instituzionalaren ekaitz perfektua” izan dela kritikatu du, eta ez du ulertzen nola ez den ohiko prozedimendua jarraitu: alegia, ebakuntza-ostekoa igarotzeko etxebizitza duinik ez duenari beste leku bat eskaintzea, ebakuntza-ondorengoa egoki pasa ahal izateko.


Kanal honetatik interesatuko zaizu: Osakidetza
Ikastetxeek erizain bat izateko eskaera Jaurlaritzara iritsi da

Istripu eta larrialdiei erantzutea eta gaitz kronikoak dituzten ikasleak artatzea lirateke, besteak beste, erizainak eskolan lituzkeen funtzioak, gaur egun gehienbat irakasleen bizkar geratzen dena. Eskoletan erizain batek egon behar duela aldarrikatzen urteak daramatza SATSE... [+]


Osakidetzaren irtenbide bakarra lanaldia luzatzea dela kritikatu dute ELA, LAB eta CCOOk

Langileen plantilla egokia osatu beharrean, Osakidetzako profesionalei aparteko orduen bitartez ordaintzea gaitzetsi dute sindikatuek. Azken urteetan errepikatu diren arazoen aurrean zuzendaritzak izandako plangintzarik eza salatu dute.


Murrizketak egingo dituzte udan Osakidetzaren lehen mailako arretako zentroen herenean

Hamar zentrok uda osoan itxiko dute eta 72 zentrok ixteko ordua aurreratuko dute. Sindikatuek salatu dute langileen lan karga "handituko" dela.

 

Jaioberrien orpo-proban gaitz gehiago aztertzera behartuko du Osakidetza Espainiako Gobernuak

Jaurlaritzari koloreak atera dizkio Espainiako Gobernuak: Osakidetzak iragarri berri duenean jaioberriei egiten zaien orpo-proban hamalau gaitz antzeman ahalko direla aurrerantzean, gutxienez 22 gaitz behatu beharko ditu, Madrilen aginduz. Nafarroak dagoeneko 30 gaixotasunen... [+]


Jaioberrien orpo-probak 14 gaitz bilatuko ditu aurrerantzean EAEn, antzeman daitezkeen 50 gaitzetatik oraindik urrun

Jaioberriaren orpoan zizta eginez, hainbat gaitz aztertzen ditu osasungintza publikoak. Osakidetzak 14ra igo berri du aztertzen diren gaitzen kopurua, baina beste lurralde batzuekin konparatuta, atzeko postuetan dago EAE: Nafarroan 28 gaitz aztertzen dituzte, Galizian 33,... [+]


Eguneraketa berriak daude