Bridgestoneko langileek elkarretaratzea egin dute Japoniak Madrilen duen enbaxadaren aurrean
Bridgestone Japoniako pneumatikoen multinazionalak kaleratu nahi dituen langileek elkarretaratzea egin dute astelehen eguerdian Japoniak Madrilen duen enbaxadaren aurrean. Horrez gain, langile batzordeko hainbat kide Yolanda Díaz Espainiako Gobernuko Lan ministroarekin ere biltzekoak dira. Langileek orain arte egindako bederatzigarren lanuzteak erabateko jarraipena izan du astelehenean.
Aurrera jarraitzen du Bridgestone Japoniako pneumatikoen multinazionalak Basauriko (Bizkaia) plantatik kaleratu nahi dituen 335 langileen borroka prozesuak: astelehen eguerdian –12:00etatik 14:00etara– elkarretaratze bat egin dute Japoniak Madrilen duen enbaxadaren aurrean. Horrez gain, langile batzordeko hainbat kide Yolanda Díaz Espainiako Gobernuko Lan ministroarekin biltzekoak dira egun berean, baita sindikatuek eta enpresak erregulazio espedientearen baldintzak negoziatzeko duten batzordea ere.
Europa Press berri agentziari eginiko adierazpenetan, Igor Mena langile batzordeko buruak azaldu du elkarretaratzearekin euren egoera ikusarazi nahi dutela langileek, eta Japoniako multinazionalak hartutako erabakien aurka egin. Negoziazioei dagokienez, Menak adierazi du "oso urrun" daudela langile batzordeak eta enpresako zuzendaritzak dituzten ikuspegiak, eta "oso zaila" ikusten du bi aldeak akordio batera iristea.
Apirilaren hasieran eman zion multinazionalaren asmoen berri zuzendaritzak langile batzordeari: azken horri bidalitako erregulazio txostenaren arabera, Bridgestonek Basauriko plantan dituen 900 langile ingurutik 335 kaleratzeko asmoa du, hau da, herena baino gehiago, eta Puente San Miguelekoan (Kantabria) dituenetik beste 211. Enpresak zabaldutako oharrean "gurpilen Europako merkatuan izaten ari diren aldaketak" eta salmentak nahiz ekoizpena asko murriztu direla aipatuta argudiatu ditu kaleratzeak.
Lanuzteak deituta astelehenerako
Enpresaren zuzendaritzak 546 langileen kaleratzea iragarri zuen unetik, beharginek abiatutako borroka prozesuak ez du etenik izan: astelehenerako deitutako lanuzteak, orain arte egin duten bederatzigarrenak, jarraipen erabatekoa izan du langileen artean. Gainera, apirilaren 8an Urbiko lantegiaren sarreratik abiatuta egin zuten manifestazioak milaka lagun bildu zituen. Enpresaren zifren arabera, 2024an salmentek %58ko jaitsiera izan zuten 2023rekiko, hau da, 841 milioi euro fakturatzetik 351 fakturatzera.
Horren aurrean, UGT sindikatuak Bridgestonen duen Raúl Lodeiro idazkariaren arabera, autobusetarako eta kamioietarako pneumatikoen ekoizpen gehiena Polonian dituen lantegietara deslokalizatu nahi du enpresak, "merkeagoa eta errentagarriagoa" baita.
Asteburuan, Errekaleor auzoko urteurrenaren jaiak ospatuko dira, programazio zabalarekin. Gudari Eguna bitarte, umeentzako ekimenak, herri bazkaria eta kontzertu eta DJ sorta polita bilduko dira.
"Frankismoaren adierazpen zehatzen" eta "faxismoaren berrindartzearen kontra mobilizatzera eta antolatzera" deitu dute.
Azaroaren 15ean kalera irtetera dei egin dute, PSN, EH Bildu eta Geroa Baik “ezarritako arrabolari erantzuteko”. Frankismoaren biktimak gutxietsiak sentitzen dira Iruñeko Udal Gobernuaren partetik.
Guardia Zibilak "jardunaldi irekiak" antolatu ditu irailaren 27an Bilboko Ramon de la Sota moilan, Karola garabi ezagunaren ondoan, eta armak eta ibilgailuak erakutsiko dituzte, besteak beste. Naiz-ek argitaratu duenez, erakustaldia egiteko Bilboko Udalaren baimena dauka... [+]
Ostiral honetan manifestazioa antolatu dute Gasteizko lorezainek, greba mugagabea hasi zutenetik sei hilabete beteko diren egunean. “Gatazka konpontzeko aurrerapausoak urriak izan dira”, salatu du enpresa batzordeak aste hasieran. Irtenbide bakarra “soldata... [+]
Leioako Animalien Tratu Txarren Aurkako elkarteak kaleratu berri duen txostenak argi utzi du asto-probetan erabiltzen diren animaliek behar ez duten sufrimendua jasaten dutela. Azaldu dutenetz, Teresa Gamonal albaitari eta etologoak 54 bideo aztertu ditu, eta hainbat faktore... [+]
1985ean Guardia Zibilak Mikel Zabalza bahitu, torturatu eta hil zuela 40 urte dira aurten. Hori dela-eta, ekimen berezia antolatu dute hainbat eragilek: autobus ibiltari batek erakusketa eramango du herriz herri, kasuari buruz oraindik erantzunik gabe dauden galderak... [+]
Orain arte ez dugu aipatu, baina bada 6-12 urte arteko umeen kirol jarduerari –aisialdiari, oro har– lotuta dagoen eta azpimarratzea merezi duen beste osagai bat: hizkuntza erabilera. Zentzu horretan, euskararen arnasgune dira Eskola Kiroleko programak, lekuan lekuko... [+]
Aurrerantzean, Gipuzkoako klub batean jokatu nahi duen 8-12 urteko umeak ez du derrigorrez Eskola Kirolean parte hartu beharrik izango, EAEko Auzitegi Nagusiak hala ebatzita. Multikirol ereduaren kontrako errekurtsoa jarri duen familiaren hitzetan, ez da bidezkoa erakundeek... [+]
ELA sindikatuak deituta, beste hiru greba egun egingo dituzte Gipuzkoako erresidentzietako eta eguneko zentroetako langileek aste honetan, asteazkenetik ostiralera (hilak 24tik 26ra). %100eko lan kontratuak eskatuko dituzte, baita soldata arrakalarekin amaitzeko eskatu ere; LAB... [+]
Milaka pertsonaren inplikazioari esker, Ibaitik itsasora martxak lortu zuen Tuteran hasitako ibilbidea Hendaian burutzea, bidean Gazako genozidioaren eta apartheidaren konplize diren zenbait enpresatan salaketak egin ostean: CAF, M. Torres, Teva, Zara, Carrefour... Irailaren... [+]
Hilabeteetako aldarrikapena izan da, haur eta gazteentzako psikiatria zerbitzua bertan behera geratu zenetik Donostiara joan behar izan baitute Bidasoaldeko familiek, eta Donostiako zerbitzua gainezka zegoela salatu dute behin baino gehiagotan.
