Bridgestonek kaleratzeen kopurua murrizteko eta horien baldintzak hobetzeko asmoa erakutsi du
Pneumatikoen multinazionaleko langileek elkarretaratzea egin dute astelehenean, Japoniak Madrilen duen enbaxadaren aurrean. Sindikatuek enpresarekin izan duten bileran, zuzendaritza prest agertu da kaleratutako beharginen kopurua murrizteko eta kaleratze horien kalte ordaina handitzeko. Asteartean egingo dute hamargarren lanuztea, eta mobilizazio gehiago adostuko dituzte.
Bridgestone pneumatikoen multinazionaleko langileek Japoniak Madrilen duen enbaxadaren aurrean elkarretaratze bat egin zuten astelehen eguerdian, eta zera adierazi zien komunikabideei Igor Mena langile batzordeko buruak: "Negoziazioetan oso urrun daude langile batzordearen eta zuzendaritzaren ikuspegiak, oso zaila ikusten dut bi aldeak akordio batera iristea". Egun berean zuzendaritzaren eta langileen ordezkariek egindako bileran, ordea, kaleratutako behargin kopurua murrizteko eta kaleratzeen baldintzak hobetzeko prest agertu da enpresa.
Sindikatuak eta enpresako zuzendaritza behin baino gehiagotan bildu dira erregulazio txostenaren baldintzak negoziatzeko. Bildu ziren lehen aldian, apirilaren 4an, zuzendaritzak negoziazioetan "jarrera lotsagarria" izan zuela salatu zuen greba batzordeak, eta enpresari leporatu zion "produkzioa lehenestea langileen segurtasunaren eta osasunaren gainetik". Astelehenean egindakoan, ordea, erregulazio txostenaren negoziazioak maiatzaren 19ra luzatzea adostu dute –asteartean amaitzen zen epea berez–, eta berriz bilduko dira ostegunean eta apirilaren 12an.
Kaleratzeen kopurua murriztu eta horien baldintzak hobetu
Basauriko lantegiko beharginen %40 kaleratzeko asmoa agertu zuen Bridgestonek apirilean, hau da, 335 langile. Horien kaleratze baldintzei dagokionez, zuzendaritzak orain arte egindako proposamena zen lan egindako urte bakoitzeko 27 eguneko kalte ordaina ordaintze. Zifra hori 35 egunetara handitzeko prest agertu da enpresa orain. Horrez gain, kaleratutako langileen kopurua murrizteko asmoa ere erakutsi du pneumatikoen multinazionalak.Azkenik, langile zaharrenei erretiro aurreratuak eskaintzeko aukera jarri du mahai gainean multinazionalak. Negoziazioetan auzi garrantzitsua izan da 55 urtetik gorako langileen egoera, izan ere, lantegia osatzen duten 891 langileetatik %10 dira adin horretatik gorakoak, eta zuzendaritzak ez zuen beren egoera kontuan hartzen kaleratzeetan.
UGT sindikatuak Bridgestonen duen Raúl Lodeiro kidearen arabera, autobusetarako eta kamioietarako pneumatikoen ekoizpen gehiena Polonian dituen lantegietara deslokalizatu nahi du enpresak, "merkeagoa eta errentagarriagoa" baita. Halere, EFE berri agentziak argitaratu duenez, asteleheneko bileran enpresak sindikatuei hitzeman die Bridgestonen goi gamako Durabis gurpil azalak Basauriko lantegian ekoitziko dituztela.
Hamargarren lanuztea dute asteartean, eta mobilizazio gehiago adosteko bilduko dira
Apirilaren hasieran enpresaren zuzendaritzak langile batzordeari erregulazio txostena bidali zioenetik, hamargarren lanuztea dute Bridgestoneko langileek asteartean. Horrez gain, Basauriko plantan batzar orokorra egingo dute beharginek, mobilizazio gehiago adosteko.
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
Bilboko Udaltzaingoak kale saltzaileak Bilboko Gas plazatik kanporatu ditu, bertan bizi baitira kale egoeran Aste Nagusian salmentak handitzeko asmoarekin. Bilboko Konpartsek eraso arrazisten kontrako protokoloa aktibatu, eta elkarretaratzea egin dute.
Plantillak astelehenean ekin dio grebari, kaleratzeei ezetz esateko. Espedientearen kontsulta-aldia abuztuan hasi izana salatu du Hego Uribeko LASek, enpresaren asmoa "langileen mobilizazioa eta erantzuna oztopatzea" izan delakoan.
LAB sindikatuak Euskotren enpresaren "koherentzia eza eta erantzukizun sozialaren gabezia" salatu ditu, zezenketen publizitatea zabaltzen ari delako bere ibilgailuetan.
Euskararen normalizazioaren motorrak herri dinamikara bueltatu behar du aurrera egin nahi badugu
Plantillak baiezkoa eman dio aurreakordioari, eta, printzipioz, urte hau amaitzean itxiko dute fabrika.
Gasteizko lorezainen grebak lau hilabete bete ditu, langileek salatu dute Enviser enpresak eta Gasteizko Udalak blokeatu dutela auzia, bilera berririk ez dutelako egin uztailaren 7tik.
ELAk eta LABek ez dute lan batzordearen gehiengoak erdietsitako eta langileen gehiengoak onartutako aurreakordioa sinatu: "Ez da 1.000 familiarentzako irtenbiderik planteatzen. Finean, lanpostu askoren galera eta fabrikaren itxiera dakar", adierazi du LAB sindikatuko... [+]
Uztailak 8, 16 eta 21 izan dira greba egiteko ELA eta CCOO sindikatuek aukeratutako egunak. Kontsumorako Prezioen Indizea (KPI) eta soldatak parekatzea eta lanaldiak murriztea eskatzen dute.
Langile batzordeak eta enpresak adostutako aurreakordioak 655tik 609ra murriztuko ditu kaleratzeak, gainerakoak birkokatuko dituzte. Astelehen arratsaldean jakin da langileen %78k babestu dutela akordioa. Nafarroako Gobernuak eta langile batzordeak etorkizunari begira,... [+]
Bilera akigarria izan zuten asteazkenean Eskirozko BSHko lan batzordeko kideek eta multinazional alemaniarraren zuzendaritzako kideek: aurreakordioa lortu zuten UGT, CCOO, ATTIS eta Solidarik (17 ordezkaritik gehiengoa dute 12 kiderekin) eta ez dute mahai gainean jarritakoa... [+]
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
Eusko Jaurlaritzako Ekonomia, Lan eta Enplegu sailburu Mikel Torresek asteazken honetan aurkeztu du EAErako gutxieneko soldataren inguruan egindako azterketa, eta 1.385 eurorainoko kopurua jarri du erreferentzia moduan, "aurreikuspen baikorrenean". ELA eta LAB... [+]
ESK-k azpimarratu du zuzendaritzak soldatak igo dituela, langileen prestazioak murrizten ari diren bitartean. Berez, 2020tik abiatzen duten seigarren espedientea da honakoa.