60.000 pertsonak ezingo dute bozkatu Nafarroan, jatorria eta egoera juridikoa direla-eta
SOS Arrazakeriak protesta egin du Hauteskunde Batzorde probintzialaren aurrean, Nafarroan bozkatzeko eskubidea aitorturik ez duten herritar guztien boto eskubidea eskatzeko. Diotenez, 60.000 pertsona inguruk ezingo dute bozkatu maiatzaren 28ko hauteskundeetan, eta adierazi dute "presazkoa" dela eskubide hori onartzea.
60.000 pertsona inguruk igandean ezin bozka ematea, "gizartean bizirik jarraitzen duen arrazismo instituzional eta estrukturalaren" beste adibide bat dela adierazi du Sos Arrazakeriak. Administrazioek ez dutela arazo horretaz hitz egiten gaineratu du eta eskubide politiko eta sozial horiek pertsona guztiei onartzea "presazkotzat" jo dute. Era berean, esan dute Nafarroan bizi diren pertsona guztien eskubideak aintzat hartzen dituzten hauteskunde programak falta direla adierazi dute.
Espainiako Estatuan egoera administratibo irregularrean dauden 500.000 erregularizatzea eskatu dute, eta alderdi politikoei Espainiako Konstituzioaren 13.2 artikulua aldatzeko eskatu diete: "Artikulu horrek berariaz baztertzen ditu pertsonak, bozkatzeko eskubidea nazionalitatearekin lotzen delako".
