48,8 gradura heldu dira Italian, Europan inoiz erregistratu den tenperaturarik altuena

  • Siziliako Sirakusa hiritik gertu egin dute neurketa asteazken honetan. Bero boladaren ondorioz, 500 sute baino gehiago piztu dira Italian, eta ostiraletik, hamabost hiri jarri dituzte alerta gorrian.


2021eko abuztuaren 13an - 08:34
Azken eguneraketa: 10:41
Gizon bat freskatzen Messinan, Sizilian

Europan inoiz erregistratutako tenperaturarik altuena neurtu dute Italian. Siziliako hego-ekialdean dagoen Sirakusa hiritik gertu, 48,8 gradura heldu dira asteazkenean. Munduko Meteorologia Agentziak berretsi behar badu ere, datuok egun arte kontinentean neurtu den tenperaturarik beroena erakusten dute, 1977.urtean, Grezian, merkurioa 48 gradura heldu zenetik.

Afrikatik datorren Luzifer antizikloiak ekarri du bero bolada. Italiako hegoaldean —Sizilian, Calabrian, Puglian eta Sardinia irlan, bereziki— izan du eraginik handiena: 40 eta 45 gradu arteko tenperaturak izan dituzte, eta gora egin dezakete oraindik. Antizikloiak iparralderantz joko du datozen egunotan, eta kontinentean zortzi eta hamabost gradu arteko igoerak aurreikusi dira.

Tenperaturek hainbat sute eragin dituzte herrialdean eta lau hildako utzi dituzte. Italiako suhiltzaileek kaleratutako komunikatu batean adierazi dutenez, asteazkenetik ostegunerako gauean soilik 500 sute baino gehiago piztu dira: "528 esku-hartze egin ditugu azken 12 orduetan, horietatik 230 Sizilian. Orain, egoera kontrolpean dago bertan”, bildu du DW hedabideak.

Alarma egoera

Ostegunetik, Italian hamar hiri daude alarma gorrian. Horien artean, Palermo, Siziliako hiriburua. Duela hiru egun, lau herri baino ez zeuden goreneko alerta egoeran; ostiral honetan, Osasun Sailak beste bost hiri gehituko ditu, Florentzia kasu.

Klima larrialdia

Italiakoa bezalako bero boladak eta bestelako muturreko fenomenoak (lehorteak, uholdeak, uriolak….) gero eta maiztasun gehiagoz gertatuko direla iragarri du IPCC Klima Aldaketari Buruzko Gobernu Arteko Taldeak. Astelehen honetan kaleratu duen txostenean nabarmendu dute Europan tenperatura aldaketek izan dezaketen eragina: Grezian eta Alemanian asteotan egon diren suteak horren adibidetzat dituzte.

Gainera, Europan tenperaturen igoera abiadura handiagoan gertatzen ari da, munduko beste herrialdeekin alderatuta. Joerak jarraituz gero, Europa iparraldean prezipitazioak hazi egingo dira neguan; Mediterraneoan eta goiko lurretan, udan gutxitu egingo da euri kopurua, baina bat-bateko uriola gehiago egongo dira.


Kanal honetatik interesatuko zaizu: Italia
Fra Mauroren mundu zehatzagoa

Venezia, 1459ko apirilaren 24a. Fra Mauro monje eta kartografoak bere munduko mapa amaitu zuen San Michele de Murano monasterioan zeukan kartografia tailerrean. Portugalgo errege Alfontso V.aren enkarguz egin zuen lan hura, eta, mapa amaitu bezain pronto, Portugalera bidali... [+]


Campi Bisenzioko GKN fabrikan batu dituzte langile borroka eta ekologismoa

2021eko uztailaren 9an jaso zuten kanporatze abisua Campi Bisenzioko GKN lantegiko 422 langileek. Biharamunean berean abiatu zuten fabrikaren okupazioa eta orduz geroztik bertatik dabiltza borrokan, deslokalizazioaren aurkako borroka zena bestelako industria eredu baten aldeko... [+]


4.000 urteko ezpain-margoa

Paduako (Italia) unibertsitateko ikerlari talde batek Iranen 2001ean aurkitutako harrizko ontzi txiki bat aztertu du. Zehazki, flasko  barruan zeuden arrastoak aztertu dituzte, eta hainbat osagai dituela ikusi dute: hematita xehetua –kolore gorri biziko mineral... [+]


Harakin eta zirujau

Erroma, 1215eko apirila. Laterango IV. Kontzilioan, Eliza Katolikoak apaiz eta monjeei kirurgia egitea debekatu zien, besteak beste. Aurreko kontzilioetan ere, Reimsen eta Toursen, gaia landu zuten, lekaideek soilik arimak salbatzeaz arduratu behar zutela eta gorpuen salbazioa... [+]


Etruriar emakumeak greziarren begietan

Grezia, K.a. IV. mendea. Hainbat greziar pentsalarik, esaterako, Aristotelesek edo Heraklidesek, etruriarrei buruz idatzi zuten, Italiar penintsularen erdialdean eta iparraldean bizi zen herriari buruzko iritzi negatiboa jasoz. Etruriar emakumeak kritikatu zituzten bereziki, eta... [+]


Eguneraketa berriak daude