2021eko urtarrilaren 16a
Urtarrilaren 10 gauean Ertzaintzak 48 urteko gizon bat atxilotu du Zarautzen, bere bikotekideari eraso egiteagatik.
Gaueko 21:30etan jo zuen Ertzaintzak Zarauzko etxe horren aldaba, udaltzainek adierazi baitzieten etxe barruan erasoak izan zirela. Ertzaintzaren informazioak adierazi duenez, gizonak ireki zien atea eta barruan kolpe nabarmenak zituen emakume bat ikusi zuten. Emakumeak adierazi zuen zauria gizonak eragin ziola eta urteak zeramatzala erasoak eta tratu txarrak jasaten. Emakumea anbulategira joan zen ertzaintzak lagunduta eta gizona atxilotu egin zuten.
Etxebizitza barruan 410 gramo haxix eta 373 gramo marihuana aurkitu zituen Ertzaintzak eta droga trafikoa egotzita ere atxilotu zuten.
Urtarrilaren 11n eraman zuten gizona epailearen aurrera.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
