36, 21 eta 14 hilabeteko espetxe zigor eskaerak Tubacexeko hiru grebalariren kontra
Eskualdeko langileak dira guztiak eta kartzela zigorrei ez ezik, isun ekonomikoei ere egin beharko diete aurre. Otsailaren 23an atxilotu zituzten auzipetuak, Laudioko Tubacex enpresako lantegiaren atarian gertatutako protestetan.
Tubacexeko hiru grebalariren kontrako eskaera fiskalak egin dituzte Fiskaltzak eta akusazio partikularrak. Fiskaltzak 21 hilabeteko espetxe zigorra ezarri nahi dio langile bati, eta 14 hilabetekoa beste biri. Akusazio partikularrak, ordea, 36 hilabeteko kartzelaldia eskatu du beharginetako baten aurka. Horrez gain, isun ekonomikoak ere proposatu dituzte.
Hiru grebalariak lanuztearen 9. egunean egindako protestan atxilotu zituen Ertzaintzak. Egun horretan, lantegiko sarrera oztopatu zuten hainbat beharginek, zuzendaritzaren autobusari pasatzen ez uzteko. Istiluak berehala hasi ziren, eta oihartzun handia izan zuten irudiek.
Goizeko lehen atxilotuaren kontra, 14 hilabete
Lehen istiluekin batera, grebalari bat eraman zuen atxilo poliziak. Horri 14 hilabeteko espetxe zigor eskaera egin dio fiskalak, agintaritzaren aurkako erasoa leporatuta. Zehazki, egozten diote ertzain bati ostikoak eta ukabilkadak ematea, eta zenbait lesio eragitea. Agenteak bost eguneko baja hartu zuen.
Horrez gain, poliziaren erlojuari 480 euroko kalteak sortzea ere egotzi diote. Langilearen aurkako isunak 560 eurokoak dira, lesioengatik eta ordulariagatik. Aiaraldea Komunikabidea langilearekin harremanetan jarri da eta guztiz ukatu ditu akusazioak.
Bigarren atxilotuari 14 hilabete fiskalak, 3 urte baino gehiago akusazio partikularrak
Goizean, baina beranduago, Ertzaintzak beste grebalari bat atzeman zuen. Fiskalaren bertsioaren arabera, langile horrek bi ertzain bultzatu zituen istiluen kontrako furgonetaren aurka, bortizki. Biek izan omen zituzten lesioak. Agente batek astebetez hartu zuen baja eta besteak, aldiz, 62 egunez. Fiskaltzak 14 hilabeteko espetxe zigor eskaera egin dio agintaritzaren aurkako erasoagatik, baina akusazio partikularrak, bi ertzain salatzaileen izenean, eraso bikoitza leporatu dio. Horrek esan nahi du 18 hilabeteko bi zigor ezarri nahi diotela grebalariari, hau da, hiru urte baino gehiago guztira.
Isun ekonomikoei dagokienez, fiskalak eskatu ditu 1.120 euroko zigorra lesio arinak sortzeagatik, gehi 150 euro astebeteko baja hartu zuen poliziarentzat eta 3.772 euro 62 eguneko baja hartu zuen agentearentzat. Akusazio partikularrak 1.200 euroko eskaera egin du lesio arinengatik, 490 euro astebeteko bajagatik eta 4.340 euro 62 eguneko baja dela medio.
Arratsaldeko atxilotuari, 21 hilabeteko zigor espetxe eskaera
Atxiloketak arratsaldera arte luzatu ziren otsailaren 23an, eta beste grebalari bat ere atxilotu zuen Ertzaintzak. Kasu horretan, agintaritzaren kontrako erasoa eta erresistentzia egotzi dizkio fiskaltzak, 12 eta 9 hilabeteko espetxe zigor eskaerak, hurrenez hurren. Delitu arinengatik 3.300 euro inguruko isun ekonomikoari egingo dio aurre langileak.
Behargin honekin ere mintzatu da Aiaraldea Komunikabidea eta langileak uste du akusazioa zentzugabea dela. Hasteko, zigor gehiena agintaritzaren kontra erasoa egiteagatik delako. Bere ustez, atxiloketaren bideoan bertan ikus daiteke beharginak ez zuela Ertzaintzaren kontra jo, eta alderantziz izan zela.
Horrez gain, langileak uste du ironikoa dela erresistentzia egoztea, besoan behin betiko lesioa eragin baitzion poliziak atxilotzean eta, horregatik, hain zuzen, mugitzen zen eskuburdinak jartzen zizkioten bitartean:
Espetxe zigor eskaera larriagoak
Otsailaren 23ko atxilotuak 8 hilabete iraun zuen grebaren lehenengoak izan ziren, baina ez bakarrak. Zehazki, lau urte eta zazpi hilabeteko kartzela zigorrak egin ditu fiskalak martxoaren 25ean egondako istiluen harira salatutako hiru gazteren kontra. Nabarmentzekoa da gazte horiek ez zirela ezta atxilotuak izan, gero heldu zitzaizkien salaketak etxera.
Halaber, martxoaren 25eko liskarrak ez ziren hain larriak izan, gutxienez, otsailaren 23koekin alderatuta. Gogoratu beharra dago otsailaren 23an Ertzaintzako zenbait sindikatuk eskatu zutela baimena berriro gomazko pilotak erabiltzeko, 15 agentek zauriak izan zituztela argudiatuta.
Absoluzio bat
Errepresioaren zerrenda, dena den, nabarmen luzeagoa da Tubacexeko grebalariei dagokienez. Aintzane Mendia amurrioarrak absoluzioa lortu zuen azaroan, ertzain bat eraso izana leporatu baitzioten. Sententziak argi utzi zuen poliziaren bertsioak ez zuela oinarririk.
Horrez gain, isun ekonomiko ugari heldu zaizkie grebalariei, Mozal Legea baliatu baitu hainbat aldiz Ertzaintzak. Hori gutxi balitz, Laudioko Udaltzaingoak ere salatu zituen langileak.
Tentsio handiko ikasturtea amaitzear, ostegunean hasi eta ostiralean jarraituriko azken negoziaketa maratoian Eusko Jaurlaritzarekin akordioa sinatu dute sindikatu guztiek, ELAk izan ezik. Datorren asteko grebak bertan behera geratu dira. Segidan, adostu dutena eta batzuek eta... [+]
Gasteizko Udalak esan du enpresa negoziatzera deitzen ari dela. Sindikatuek eskatu diote Gasteizko langileak defendatu ditzala Enviserren jabea den AEBetako inbertsio funtsaren aurrean.
“Proposamen oso eskasa egin du Hezkuntza Sailak, berme eta zehaztapenak txertatu barik”, kontatu dio ARGIAri STEILASeko bozeramaile Haizea Arbidek. Ostegun honetan bilera izan dute sindikatuek eta Eusko Jaurlaritzako Hezkuntza Sailak, EAEko irakaskuntza publikoko... [+]
Steilas, LAB, ELA eta CCOO sindikatuek deitutako greba astearen atarian dator Hezkuntza Sailaren mugimendua. Ostegunean bilduko dira sindikatuak eta Hezkuntza Saila, bertan ezagutaraziko du sailak proposamen zehatza, baina zenbait eduki aurreratu ditu asteartean Begoña... [+]
Pneumatikoen multinazionaleko langileek elkarretaratzea egin dute astelehenean, Japoniak Madrilen duen enbaxadaren aurrean. Sindikatuek enpresarekin izan duten bileran, zuzendaritza prest agertu da kaleratutako beharginen kopurua murrizteko eta kaleratze horien kalte ordaina... [+]
Administrazio publikoarentzat Gipuzkoako zahar etxeetan lan egiten duten langileen euskara eskakizunak (B1 eta B2 mailak) “neurriz kanpokotzat” jo zituen iaz Donostiako epaitegi batek. Epai horren aurka Gipuzkoako Foru Aldundiak jarritako helegitea atzera bota du... [+]
ARGIAren efemerideen kanalean topatu dut berri zaharra: 1918ko apirilaren 23an, Irlandako langileek greba orokorra egin zuten I. Mundu Gerrarako derrigorrezko erreklutamenduaren aurka. Langileen eta independentziazaleen erantzunari esker, Britainia Handiak atzera egin behar izan... [+]
“Gabezia guztiekin ere, sindikatuek gizateriaren alde inoiz egon den beste edozein giza erakundek baino gehiago egin dute. Duintasunari, zintzotasunari, hezkuntzari, ongizate kolektiboari eta giza garapenari beste edozein pertsona-elkartek baino gehiago lagundu... [+]
Sindikatuek agerraldi eta salaketa publikoak egin dituzte astelehenean, Nazioarteko Lan Osasunaren Egunean. Hego Euskal Herrian iaz zenbatu zituzten 64 hildakoen gorpuak irudikatu dituzte LABek, ESK-k, STEILASek, EHNEk, Etxaldek eta CGTk Iruñean eta Donostian.
Urtarrilaren 29an, gaur egungo mundu berekoi honetan ohituta ez gauden zerbait gertatu zen Laudioko Guardian lantegiaren atarian. Zuzendaritzak hango labea itzaltzeko asmoa erakutsi zuen, eta horri aurre egiteko, langileek atea blokeatu zuten pankarten bidez. Baina ez zeuden... [+]
Arabako artisten 35 lan paratu dituzte Emakumea. Familia eta lana erakusketan, Gasteizen. Aukeraketa egiteko, kanpoan utzi dituzte historian zehar emakumeak sarritan margotu izan diren beste egoera eta estereotipo batzuk, eta lanari lotutakoei eman diete garrantzia. Urriaren... [+]
Kanboko (Lapurdi) lurrak babesteko deia zabaldu dute ELB, Lurzaindia eta Ostiak. Maiatzaren 17an ibilaldia, ekitaldia eta landaketa herrikoia antolatu dituzte. "Lurraldearen oraina, eta geroa ere, gure inplikazioaren araberakoa da", adierazi dute.
