Eusko Jaurlaritzak astelehen eta ostegunero berrikusten ditu intzidentzia tasaren datuak. Gaurko berrikuspenaren ondoren orain arteko hamazazpi herri konfinatuei beste hamabost gehitu zaizkie, 32 orotara. Hau da konfinatuta dauden herrien zerrenda:

- Araban: Agurain, Asparrena, Arratzua-Ubarrundia, Lantziego, Bastida, Donemiliaga, Eskuernaga eta Laguardia

- Bizkaian: Balmaseda, Bermeo, Gernika-Lumo, Lekeitio, Durango, Markina-Xemein, Muskiz, Zornotza, Ajangiz, Iurreta, Mundaka, Otxandio, Sondika, Zamudio eta Ziortza-Bolibar.

- Gipuzkoan: Orio, Beasain, Deba, Andoain, Tolosa, Villabona, Zumaia, Aizarnazabal eta Irura.

Herri horietan debekatuta daude irteerak eta sarrerak, tabernak itxita egon behar dute eta ezin da taldeko kirol jarduerarik egin, ezta eskola kirola ere.