30.000 eurotik gora ditu isunetan Gasteizko Etxebizitza Sindikatuak, etxe kaleratze bat gelditzen saiatzeagatik
Urtarrilaren 26an hamabost pertsonaren etxe kaleratzea gelditzen saiatu zen Gasteizko Etxebizitza Sindikatua. Ekintzagatik jasotako isun guztien baturak 30.000 eurotik gorako zigor ekonomikoari aurre egin beharrean jarri ditu.
Hamar urtetik gora hutsik zeramatzan Gasteizko Herran kaleko 15. zenbakian dagoen eraikinak, eta iazko ekainean okupatu zuen Gasteizko Etxebizitza Sindikatuak, zenbait pertsonaren etxebizitza arazoari alternatiba habitazionala eman asmoz. Urtarrilean 26an, baina, etxe kaleratze aginduari aurre egin behar izan zioten. Hamabost pertsona kaleratu zitzaten ekiditen saiatu ziren, ez ondoriorik gabe. Etxebizitza Sindikatuak jakinarazi duenez, esku hartze haren ondotik hiru pertsona atxilotu zituzten, lau pertsona epaituak izateko esperoan daude, bi pertsona herrialdetik kanporatzeko aginduarekin bidali zituzten Atzerritartasunera, eta isun andana jaso dituzte: 700 euroko hamabost isun desobedientziagatik, eta 1.200 euroko beste hogeita zortzi isun desobedientzia eta justizia oztopatzea egotziz; orotara, 30.000 eurotik gora isunetan.
“Errepresioarekin etxebizitzaren aldeko borroka erasotu nahi dute. Guk, ordea, klase elkartasunez egingo diegu aurre”, adierazi du Etxebizitza Sindikatuak. Zigor ekonomikoari aurre egiteko diru-bilketarako crowfundinga jarri dute martxan, hirurogei egunez martxan egongo dena, uztailaren 16a arte.
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]
EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.
Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.
Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.
