25.000 euroko aurrekontua, EAEko parlamentariei opera eta zineko sarrerak oparitzeko

  • Astelehenean onartu zuten Eusko Legebiltzarraren aurrekontua EAJ, PSE eta PPk. Aurten ere mantenduko dute parlamentariei kultur ekitaldietako sarrerak erosteko 25.000 euroko partida.

Andoni Mikelarena @andonimik
2017ko abenduaren 13a
Arg: Mikel Arrazola

EH Bildu eta Elkarrekin Podemosen osoko zuzenketak atzera botatzeaz gain Eusko Legebiltzarraren aurrekontua ere onartu zuten astelehenean. EH Bildu eta Elkarrekin Podemos abstenitu egin ziren bozketan.

Aurten ere mantenduko dute sarreren partida polemikoa. 25.000 euroko partida adostu dute Bilboko opera, Donostiako Zinemaldia, musika hamabostaldia eta Gasteizko antzerki  festibaleko sarrerak oparitzeko parlamentariei. Orain arte egin duten bezala, EH Bilduko parlamentariek euren sarrerak herritarrei emango dizkiete.

Hala ere, Elkarrekin Podemos eta EH Bildu abstenitu egin ziren legebiltzarreko aurrekontuen bozketan. Proiektua bere osotasunean onartzen dute bi alderdiek, nahiz eta zenbait punturekin ez dauden ados, tartean sarreretarako partidarekin. Langileen batzordearekin hitzartutako lan baldintzen hobekuntza babestu dute besteak beste. 100 langileri eragingo die akordioak.  

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Kudeaketa publikoa kanaletik interesatuko zaizu...
2018-10-18 | ARGIA
Erakundeen gardentasunerako web atariak: nahikoa al dira demokrazian sakontzeko?

Azken urteotan, komunikazio eta informaziorako teknologien garapena baliatuz erakunde publikoek datu ugari paratzen dute euren atarietan gardentasunaren izenean. Baina nahikoa al da hori bestelako gobernantza eredu bat bultzatzeko? Aurtengo Euskarabildua jardunaldian Gobernu Irekietarako behar diren teknologien inguruan hausnartuko dute.


2018-10-10 | Axier Lopez
Alkate izatea negozio borobila da

Soldata publikoen neurriak beti eragin izan du eztabaida. “Asko al da herriko alkateak kobratzen duena?”, “gurea bezalako herri txiki batean hainbeste ordaindupeko zinegotzi, zertarako?”, “zer da soldata duina?”… hauteskundeen osteko ohiko kezkak izaten dira. Eta azken urteotan ustelkeria politikoa herri kirol bilakatu delarik, publikoarekiko begirada zorroztu zaigu denoi. Bada, aste honetan Espainiako Lurralde Politikako eta Administrazio Publikoetako... [+]


Ustelkeriak Sabin Etxearen atea jo du

Euskal Herrian inoiz epaitu den ustelkeria kasu handienetakoa da De Miguel auzia. Besteak beste, dirua zuritu, legez kanpoko komisioak jaso eta hirigintza operazioekin iruzurra egitea egozten diete Alfredo de Miguel Arabako EAJko buruzagi ohiaz gain auzipetutako beste 25 laguni, horietako asko alderdi jeltzaleari oso lotuak. Ikusteke dago euskal Gürtelak zer faktura ekarriko duen, baina Sabin Etxean aspaldi ari dira altzariak estaltzen alderdia ahalik eta gutxien zipriztintzeko.


2018-06-03 | Edu Zelaieta Anta
Baliabide urriak

Administrazio publikoan lanean ari diren hainbat laguni antzeko komentarioa aditu izan diet azkenaldi honetan: “Gure zerbitzuak gainezka daude”. Pentsatzekoa da egoera ez dela bera erakunde edota arlo guztietan; nolanahi ere, joera orokor samarra dirudi eta, krisiak utzitako orbain itxi gabeak tarteko, lanez lepo aritzea ohiko errealitate bihurtu zaie hainbat langile publikori. Gainera, kasu frankotan, langile horiek bitartekoak dira, interinoak.

Sindikatuen lelo ezagunak... [+]


Publizitate eta babesletza instituzionala Gipuzkoako Aldundian
Hedabideetan eragiteko tresna politikoa

Publizitate instituzionalen eta babesletzen bidez, zein komunikabidek jasotzen du diru gehien eta zein dira bazterrean geratzen direnak? Zein dira banaketarako irizpideak? Gipuzkoako Aldundiaren kasua aztertu du ARGIAk, datu publikoak ematen hasi baita –bera da bakarra–. Aperitibo gisa: diru gehien El Diario Vasco egunkariari eman zion iaz ere Aldundiak, 399.075 euro; eta konparaziorako, ARGIAri 4.293, ia ehun aldiz gutxiago. Herritarren ezagutzatik urrun, diru publikotik ehunka... [+]


2018-01-03 | ARGIA
ETAk armak utzita ere, urtean 2,7 milioi euro publiko gastatzen dira alderdi politikoen segurtasunerako

Espainiako Kontuen Auzitegiak zalantzan jarri du alderdi politikoek segurtasunerako jasotzen duten diru publikoa, ETAren amaieraren ondoren.


2017-12-20 | ARGIA
Hiriko proiektuaren arduradunak kiebraren erruduntzat jo ditu epaileak

Hiriko auto elektrikoa sustatu zuen konpainiako arduradunak enpresaren kiebraren erruduntzat jo ditu Gasteizko merkataritza-epaitegiak. Jesus Echave, Iñigo Antia, Jose Luis Bengochea eta Fernando Achaerandiok 530.000 euroko indemnizazioa ordaindu beharko diete hartzekodunei.


2017-12-20 | Miren Osa Galdona
Txio garestiak
Eusko Jaurlaritzak 114.000 euro gastatu ditu hiru Twitter konturen kudeaketan

Urtean 90.750 euro gastatzen ditu Eusko Jaurlaritzak Twitterreko kontu ofiziala kudeatzen. Enpresa pribatu bat arduratzen da horretaz. Hala ere, sailburuek eta organo independenteek beste aholkularitza enpresa bat izateko eskumena dute. Iñaki Arriola Etxebizitza eta Garraio sailburuek eta Pedro Azpiazu Ogasun sailburuek, esaterako, euren kontu pertsonalaz arduratzen diren enpresa bana dute. Orotara, 114.495,85 eurotakoa izan da hiru Twitter kontuen orain arteko kostua.


Kutxak ez ditu bere gastuak ordaindu Tabakaleran ia bi urtez, EH Bilduren arabera

Kutxa Fundazioa Tabakaleran edukitzen ari den jarrera “guztiz desegokia” salatu du EH Bilduk. Finantza erakundea ia bi urtez ezer ordaindu gabe egon da kultura garaikideko zentroan, Amaia Almirallek salatu duenez.


2017-10-25 | Unai Brea
Diru publikoaren erabilera
Bizkaiko Aldundiak 'swap' kontratuekin 111 milioi galdu dituela salatu du Ahal Duguk

Bizkaiko Batzar Nagusietako Ahal Duguren taldeak jakinarazi eta eldiario.es-ek zabaldu duenez, Bizkaiko Foru Aldundiko sozietate publiko bik –Interbiak eta Azpiegitura– 111 milioiko likidazioak ordaindu behar izan dizkiete hainbat bankuri, 2006an egindako swap kontratuen ondorioz. “Zulo” horren zatirik handiena Interbiaki dagokio Ahal Duguren esanetan: ia 105 milioi euro.     


Eguneraketa berriak daude