Azaroaren 18an atzerapenarez eta inongo babesik gabe iritsi zen Parlamentura 2014ko aurrekontu proiektua. Proposamena aurkeztu aurretik Bilduk, Geroa Baik, Aralar-NaBaik eta Izquierda-Ezkerrak iragarri zuten osoko zuzenketa aurkeztuko ziotela. Iragan astean PSNk, goi karguen gehiengo osoak hala erabakita, oposizioarekin bat egingo zuela berretsi zuen.

PPNren babesa besterik ez lukete izanen aurrekontuek, izan ere alderdiko Enrique Martinen esanetan, “proiektua hobetu daiteke, baina atzera botatzea akats politiko eta sozial larria da”.

Hortaz, Foru Gobernuak ez du gehiengo nahikorik izango Parlamentuan aurrekontuak aurrera ateratzeko eta 2012koekin funtzionatu beharko du.

Oposizioko alderdiek kritikatu dute Barcinaren Gobernuak ez duela aurrekontuak aurrera ateratzeko saiakerarik egin eta ez duela negoziatzeko borondaterik erakutsi. Egoera horren aurrean hauteskundeak aurreratu beharko liratekeela uste dute.