200.000 kilometro baino gehiago egin dituzte euskal presoen alde

  • Uztailaren 25an bukatu da Izan Bidea dinamikaren harira Sarek antolatu duen hirugarren bizikleta martxa. Orotara, presoen alde herritarrek buruturiko 200.000 kilometro baino gehiago zenbatu dituzte. Eusko Legebiltzarrean ordezkaritza duten alderdi politikoei bilera baterako gomita luzatu die Sare plataformak.


2020ko uztailaren 27an - 10:03

Uztailaren 25an bukatu da Izan Bidea dinamikaren harira Sarek antolaturiko hirugarren bizikleta martxa. Orotara, presoen alde herritarrek buruturiko 200.000 kilometro baino gehiago zenbatu dituzte aplikazio bati esker. Urruntze politikaren bukaera, preso gehienei ezartzen zaien lehen graduaren progresioa ahalbideratzea, eta gaixotasun larriak dituzten presoen etxeratzea izan dira Izan Bidea-ren bidez luzatu diren aldarrikapenak.

Hauteskundeak pasa berri direla, Eusko Legebiltzarrean ordezkaritza lortu duten alderdi politikoei bilera baterako gomita luzatu die presoen eskubideen alde lanean dabilen plataformak. Aitzineko legegintzaldian lortutako akordioak berritzea nahi du Sarek, "espetxe politika humanoago baten alde, euskal presoek jasaten dituzten eskubideen urraketei amaiera emateko". Presoek "etxera itzultzeko bidea hartu" behar dutela erranik, horren alde elkarlana eta indar metaketa bideratzeko deia egin du plataformak.

Elkartasuna Xistor-i

Egun horretan egin zuten ere elkarretaratzea Senperen Frederic Haranburu Xistor-en askapena exijitzeko. 30 urte pasa ditu presondegian eta herenegun baldintzapean aske uzteko eskaeraren alde egin bazuen ere Frantziako Zigorrak Ezartzeko Auzitegiak, berehala dei egin zuen terrorismoaren aurkako fiskaltzak. Hori horrela preso segitzen du Haranburu Xistor-ek.

Erabaki hau salatzeko elkarretaratzea burutu zuten Senperen hamarnaka herritarrek. "Badugu gaitasuna mobilizatzeko, ez gara etxean gelditzen, eta hori da gure indarra». Irailaren 19rako mobilizazio egun bat antolatuko du Bake Bideak.


Kanal honetatik interesatuko zaizu: Euskal preso politikoak
'Bi arnas' proiektuaren ziklo amaiera ospatu dute
"Torturak ama eta alabarengan sorturiko zauria arintzen lagundu du dokumentalak"

Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]


54 urteko espetxe eskaera sei pertsonarentzat presoen ongi etorriak antolatzea egotzita

Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.


Presoen Euskara Irakasleen Taldeak agur esan du

Badira sei-zazpi urte kartzelan dauden presoek euskara ikasteko duten eskubidea bermatzeko helburuarekin, lanean aritu den euskara-irakasleen sare bat: Presoen Euskara Irakasleen Taldea.


2024-04-24 | Estitxu Eizagirre
'Zenbat lo' liburua aurkeztu dute Asteasun
Kartzelako hormak zeharkatzen dituen ama-alaben arteko harremana hitz eta iruditara eramana

Nekane Txapartegi Suitzako kartzela barrutik eta alaba kanpotik, elkarri hamaika modutara maitasun mezuak helarazten. Horra Txalaparta argitaletxeko Zenbat lo liburuak jaso duen historia, Iraitz Lizarragaren hitzetan eta Izaro Lizarragaren ilustrazioetan. Iragan hurbileko... [+]


Eguneraketa berriak daude